Génesis 34:30 - La'aqtaqa Ñim Lo'onatac 'Enauacna 2013

³⁰ Qaq huaña nache so Jacob 'enapego' so Simeón, qataq so Leví, 'eeta': «Qami' aỹem qauo'ochec da lta'araic qauem. Cha'aye nagui na lma' ne'ena 'alhua, nam cananeopi, qataq na ferezeopi, aỹem nquiỹa qome. Qaq namayepi ishet da laỹona't qome da yaqto' aỹem iloquiaxan, qaq nam ñalleppi ye saq 'amaqtaq, nache namayepi aỹem ỹalauat qome, qataq na ỹalaqpi.»

Génesis 34:30 Referans Kwoze

Salmos 105:12

Co'ollaq saq 'amaqtache ye lcate' soomaye, qataq chegoqrauec co'ollaq netralec yi'iye 'alhua,

1 Samuel 13:4

Nache 'enauac so Israel le'ecpi la'axaỹaxac co'ollaxa da so Saúl iloquiaxaatac som alleppi filisteopi, qaq ỹoqo'oye nachera da huo'omshe so filisteopi dalemataỹa so Israel le'ecpi, ỹoqo'oye so alleppi Israel le'ecpi laỹona't co'ollaxa huaña ye Gilgal da datalec so Saúl.

Josué 7:25

Huaña, nache so Josué 'enapego' somaye, 'eeta': «¿Ta'ainco' da qomi' taleguete 'anqa'en de'era qauem? Qaq nagui, Ñim Nataxala' 'am talec naqa'en de'era qauem maye qomi' 'auo'oteque.» Qaq co'ollaq choche ime da nasaxauec de'era so Josué, nache 'enauac so Israel le'ecpi irota'a na coma' da ỹalauat so Acán qataq so lalamaxat llalaqpi, ime nache qaỹavigaxat somayepi.

Éxodo 5:21

nache qoỹenapegalo', qoỹeeta': «Ñim Nataxala' ỹalletagui da qauo'ocheetac, qaq ỹoqo'oye ỹauo'o qome ca qanhuaxanaguiiqui, cha'aye nache qami' da qarasouaqtaxanaxaqui da ỹataqta qomi' sa ỹama'n ñi faraón qataq na nalleppi, qataq 'eeta'am da qaupataqaigui na lhuaq lauel ca no'ogoxonaxat da yaqto' qomi' ỹalaua't.»

1 Crónicas 19:6

Qaq so amoniitapi co'ollaq ila'a da dalemata so David, nache so Janún, qataq som amoniitapi ỹamaq aso treinta y tres mil kilos aso plata da yaqto' nsheue naqa'en so alleppi maye netalec so caipi, qataq so netangui aso naigonapi alaataxaquipi, maye hueta'a ye Mesopotamia, Siria, Macá qataq ye Soba,

1 Crónicas 16:19

Co'ollaq ñaq saq 'amaqtaq ye lcata somayepi, qataq saq 'amaqtaq chegaqauecpi maye netalec yi'iye 'alhua,

1 Samuel 27:12

Qaq so Aquis, pe'etega co'ollaxa so David, cha'aye 'eetaco' naxa: «Na Israel le'ecpi ỹataqta nquiỹa nagui ñi David, souaxat na ỹo'ottacpi ñimaye, qaq ỹoqo'oye nache 'eetai' qome da aỹem do'onataxaatacot.»

Génesis 13:7

cha'aye som ilotague'pi aso lalopi so Abram deloctague' co'ollaxa som ilotague' aso lalopi so Lot. Qataq da lỹa, ye se'eso na'a'q som cananeopi, qataq so ferezeopi, ñaq netalec co'ollaxa yi'iye 'alhua.

Proverbios 15:27

Ca qopitaxanaqtaqaic qalaq maiche nlaxattapiguiñi da lma'ỹaxac, qaq ca saỹaconeguet da choche qaisheeten qalaq nache 'eetai' da nca'altauec.

Proverbios 11:29

Qaq ca maiche nlaxaañi ca lma' nache qaica ca no'ono'ot camaye, qataq ca qaica ca ỹaỹaanapec qalaq choche l-latac ca ỹaanaxanaxaic.

Proverbios 11:17

Ca choxonnataxanaxaic, camaye maiche no'onaxaala't, qaq ca sancherapec qalaq maiche nque'emaqcheela't.

1 Crónicas 16:12

Qantooñita'ac da llo'oxoyec nam lta'araic ỹo'otpi, qataq na sa qaỹauanapega ỹo'otpi, qataq nam ỹan lamaxasoxonaxacpi,

1 Crónicas 2:7

Qaq so llalec so Carmi le'enaxat Acar, som talec naqa'en nam qauemsat so Israel le'ecpi, souaxat da huo'o so ỹaconapi som damaxasoxoolec co'ollaxa Ñim Lo'onatac 'Enauacna, da 'enauac qailaxachigui.

1 Reyes 18:18

Nache so Elías 'enapeco': Aỹem, saishet da nachaỹem da so'ottac da qaica ca laỹamqa' na Israel le'ecpi, maye nache 'am, qataq nam chegoxoguetpi so 'arta'a, souaxat da qoquiỹa'ai na lamaxasoxonaxacpi Ñim Nataxala', nache qanatamñiitacot na ỹotta'a't lqui'ipi so Baal.

2 Samuel 10:6

Nache so amoniitapi co'ollaq nanoma da dalemata so David, nache iỹaxana qataq ỹauo'o aso nsheetenaqte so veinte mil alleppi siiriopi, maye lma' ye Bet Rejob, qataq so lma' ye Soba qataq so mil nalleppi so nta'a Macá, qataq so doce mil Istob le'ecpi.

1 Samuel 27:1

Qaq so David deuennataxaataco', nache, 'eeta': «Yo'oqta da huo'o ca huaña ne'enaua na'axa'te, da so Saúl aỹem ỹalauat. Qaq ỹoqo'oye nagui no'on da ñeqo'ona da sonaña ye lma' ye filisteopi, yaqto' so Saúl aỹem ỹaxaañi qome da aỹem nmittaique ne'ena na'alhua na Israel le'ecpi, nache aỹem she'emaqtac qome.»

1 Samuel 16:2

Nache so Samuel, 'enapeco': ¿Qaq ca sheeteco' da ñeqo'ona? Cha'aye ñi Saúl qom ỹaỹaten de'era nache aỹem ỹalauat qome. Nache Ñim Nataxala', 'enapeco': Qomye 'auaconeua'a aca huaca llale, nache 'aua'aqtaxanem ñimaye da qojec da yaqto' aỹem 'aỹa'anot acamaye da 'arachetaqtaxanaqte.

Deuteronómio 7:7

Cha'aye Ñim Nataxala' ỹataqta qami' ỹauoteque ỹoqo'oye qami' lca'ateua'alo, qalaxaye saishet da souaxat da qami' qalota, cha'aye souaxat qami' ỹataqta qaica ca qara'amaqchiqui da qoñiitangui 'enauac na nhuo' le'ecpi.

Deuteronómio 4:17

huo'otaq ca shiguiỹacpi maye 'alhua le'ec qataq ca qoỹo,

Génesis 46:27

Qaq so José qalaq dos soua llalqa maye lañoqo't co'ollaxa ye Egipto. Qaq da ima'a't som llalaqpi so Jacob, som ivireua'a co'ollaxa ye Egipto qalaq ivi' setenta shiỹaxauapi.

Génesis 12:12

ỹoqo'oye na Egipto le'ecpi qom 'am ila'a, nache ishet da 'enapec: ‹¿Ara'ara 'alo peta'a lhua de'era ỹale?› Qaq huaña qome, nache aỹem qaỹalauat, qaq 'am, qalaq 'am qanca'alaxattauec da yaqto' 'ano'ona'aguet namayepi.

Génesis 12:2

Qaq sachegoxotchigui qome cam 'am chegoxoguetpi, da sauo'o ca qalota shiỹaxauapi, 'am sanem qome da ỹoqouagaxanaqtaic, qataq sauo'o qome ca 'ayo'oxoyec, qataq 'am chegoqchigui qome ca nchoxonnataguec na laỹepi shiỹaxauapi.

Génesis 34:2

Qalaxaye so Siquén som llalec so Jamor, maye jiviita, som nataxala' yi'iye 'alhua, ila'a co'ollaxa asomaye, nache saicherapec co'ollaxa da ỹaconeua'a da lauañi', nache choche ỹe'en.

Génesis 34:29

Qataq nataqa'en, ỹache 'enauac so nogoxoshetpi maye huetaigui so nma'pi, qataq ỹauec da icoñi' 'enauac so 'alpi qataq so ñaqpiolec.

Génesis 34:31

Qalaxaye soomaye ỹasa't, nache 'eetra': «¿Maye isheto' peta'a da sa'axasoqta'a somaye da 'eeta'am naqa'en aca quisheguetaxai añi qarqaỹa?»

Génesis 46:26

Qaq 'enauac som chegoxoguetpi so Jacob som lỹateuo co'ollaq ivira ye Egipto, da ima'a't nache ivi' sesenta y seis, qaq sa qanaloqneuo aso lhuapi so llalaqpi.

Deuteronómio 4:27

Qataq Ñim Nataxala' qami' ilagaxatoiguilo qome na ỹotta'a't shiỹaxauapi, nache da qoñiita saq 'amaqtaq qome ca ishet da nca'alec da netalec yi'iye 'alhua.

Génesis 12:6

nache so Abram ỹa'axasoxootac 'enauac yi'iye 'alhua, nache ivitta'a ye Siquén yem naña aso qo'oipaq atamnaxalate, maye naña ye More. Qaq se'eso na'a'q so cananeopi netalec co'ollaxa yi'iye 'alhua.

2 Samuel 16:21

Nache so Ajitofel 'enapega so Absalón, 'eeta': Qomye 'arauañi' ana no'onaxatañi lamoxouapi so 'arta'a, da ilo'ogue na nma' lta'araic. Yaqto' 'enauac na Israel le'ecpi ỹaỹaten da ỹataqta 'anquiỹa so 'arta'a, nache namayepi ỹataqta na'añaxat qome da 'am ca'ategue.

1 Reyes 11:25

Qaq somaye, nache queto'ot da napaxagueetega 'enauac so Israel le'ecpi, co'ollaq ña nca'altauec so Salomón. Qaq nache ỹalecaua'a nam qauempi maye ỹo'ot so Hadad, cha'aye ỹataqta nquiỹa so Israel le'ecpi. Qaq 'era da 'eetec da so Rezón ivira'a da nta'a ye Siria.