Génesis 34:21 - La'aqtaqa Ñim Lo'onatac 'Enauacna 2013

²¹ «Yi'iye shiỹaxauapi maiche qanauochaxauapi. Yemayepi qomi' naiguilo, qataq ỹo'ot qome ca nmenaxac ne'ena souaqta'a, cha'aye na qana'alhua qalochiguiñi da huo'o ca sanaxam yemayepi. Nache qomi' ishet qome da saronaxaguet ana llalpi, qataq yemayepi ishet da huaroneguet ana qoyalepi.

Génesis 34:21 Referans Kwoze

Génesis 34:20

nache somaye jec, nnaicapegue' so lta'a Jamor, tareuga so ñegueuo so huaqta'a't nỹecpi, som huaña naxa da qaitaxaỹapigui da menaxac. Qaq huaña yemaye, nache da'aqtaxaarem so shiỹaxauapi, maye lma' yi'iye 'alhua, 'eetra':

Génesis 34:22

Qaq da yaqto' ishet da ỹataqta qomi' nhuo' le'ecpi, nache yemayepi qomi' ỹasategueta da qomi' naiguilo, qalaxaye iuen da so'otaq dam lataxac maye, 'eeta': 'enauac na ỹalleppi da shenaqta, qaỹauo'o qome ca na'anaxat na lo'oc, nache 'eeta'am da lataxac yemayepi.

Génesis 34:10

Qaq yaqto' ishet da qomi' qoñiỹaiguilo, qataq na 'alhua maiche qo'oicquiñiitac da qoñiỹalec, qauo'oche ca qanmenaxaqui qataq qausheenaxañiỹa ca qana'alhuai.»

Génesis 42:34

Qalaxaye qom qañe'eguelaqai, nache aỹem qanaviquiỹa ca qarqaỹai na'asa. Yaqto' saỹaten da 'eesa da no'on da qarataxaqui, qaq saishet da choche qami' nmeenaxanaxanaqa. Qaq huaña qome, nache aỹem saxanec ñi lỹa qarqaỹai, nache qami' huesochiyiñi qome da qauconñeeteguelec ne'ena 'alhua.»