Génesis 34:2 - La'aqtaqa Ñim Lo'onatac 'Enauacna 2013

² Qalaxaye so Siquén som llalec so Jamor, maye jiviita, som nataxala' yi'iye 'alhua, ila'a co'ollaxa asomaye, nache saicherapec co'ollaxa da ỹaconeua'a da lauañi', nache choche ỹe'en.

Génesis 34:2 Referans Kwoze

Da na'aqtaguec so Job 31:9

Da huo'otaq nasheeta da iuennataxac da seca'ategue aca 'alo, huo'otaq da ñauaatac ca nasom aca lhua ca iuoreua,

Mateo 5:28

Qalaxaye Aỹem ỹataqta 'eesa de'era qami' sa'axatema da huo'o ca choche ilota'a aca 'alo, qaq huo'o da lqopiche, nache camaye sogote da 'eeta'am da mashe ncacheỹa'ai' acamaye dam lquiyaqteỹaxac.

Proverbios 13:20

Ca sa iỹotec na ỹaanaxanaxaicpi qalaq nataqa'en ỹaanaxanaxaic, qaq ca sa iỹotec na qaica ca ỹaỹaanapec qalaq taỹa'a da deqat.

Da na'aqtaguec so Job 31:1

Aỹem maiche iuennataxa co'ollaxa da ne'enaua ỹa'ai'te, saishet da iloguilo ñaqa'en aca 'alo maye saxanaxa da huaron.

Jueces 14:1

Qaq huo'o so na'a'q, nache so Sansón taỹa ye Timná, nache ila'a aso 'alo filistea nache ỹataqta nqopita.

2 Samuel 11:2

Qaq so mashe avit, nache ñisheguem so David, chegoqtelec so lmala', nache somaye queuotapeguelec na pa'asheguem so lma' lta'araic. Qaq huaña co'ollaxa nache ila'a aso 'alo nacheltac, qaq asomaye ỹataqta 'onaxai.

Deuteronómio 22:29

nache que'eca ỹale iuen da ỹanem aca cincuenta lcatpiole plata, cha'aye souaxat da ỹe'en acamaye, qataq iuen da nache lhua, qataq nache saishet da ỹalat.

Deuteronómio 22:24

nache caamaye qaỹaueguereuga ca ñegueuo ca huaqta'a't nỹecpi da yaqto' qairota'a ca coma' da qaỹasa'q da qaỹalaua't. Cha'aye aca qa'añole huasoilec da saishet da na'alaxañi co'ollaxa da yaqto' ishet da qaitauan da huetaña ca huaqta'a't nỹecpi, qaq ca ỹale qalaq huasoilec da ỹe'en aca qa'añole maye mashe lalamaqte ca lỹa ỹale. Qaq 'era da 'eetec da ỹataqta qanqachiiua'a qome 'enauac ca qauem maye qami' huetanguilo.

Deuteronómio 21:14

Qalaxaye saiuena'a da sa nqopita acamaye, nache hua'aqta'a qome da jec, qalaxaye saishet da imen, huo'otaq da ỹauo'o l-lata cha'aye mashe ime da lhua acamaye.

Génesis 33:19

Qaq huaña, nache desheenaxana so na'alhua soua llalqa so Jamor, som lta'a so Siquén, qaq cien aso monedas maye chegaqaigui na lcat plata aso lasheue. Qaq nache ỹanaña somaye so lpe'l.

Génesis 20:2

Qaq co'ollaq hueta'a yemaye, nache ỹa'axat da 'eetega lqaỹa aso Sara maye lhua somaye. Nache so Abimelec maye nta'a ye Gerar, damaxasoxoneuga co'ollaxa da qanauegueuo aso Sara da yaqto' ỹauo'o lhua.

Génesis 10:17

jiviitapi, araceopi, sineopi,

Génesis 6:2

nache som llalaqpi Ñim Lo'onatac 'Enauacna, ila'a co'ollaxa da se'eso 'alpi ỹataqta 'onaxaipi, nache lca'agui asomayepi, nache huaroneguet anam ỹataqta lauela.

Génesis 34:3

Qalaxaye somaye ye ỹataqta nqopita asomaye, nache huo'o da lyaxa da ỹañoxot asomaye da nataqa'en nqopita somaye.

Génesis 34:30

Qaq huaña nache so Jacob 'enapego' so Simeón, qataq so Leví, 'eeta': «Qami' aỹem qauo'ochec da lta'araic qauem. Cha'aye nagui na lma' ne'ena 'alhua, nam cananeopi, qataq na ferezeopi, aỹem nquiỹa qome. Qaq namayepi ishet da laỹona't qome da yaqto' aỹem iloquiaxan, qaq nam ñalleppi ye saq 'amaqtaq, nache namayepi aỹem ỹalauat qome, qataq na ỹalaqpi.»

Jueces 9:28

Nache so Gaal, 'enapeco': «¿Negue'to' ca inoctapeguec ñi Abimelec? Ye choche llalec so Yerubaal, qataq ltaua so Zebul. Qaq qomi' maye qarma' na Siquén, qalaq ¿negue't qomi' da 'eco' qomi' l-latacpi da salaxasoqta'aguet ñimaye? ¡Maye so'onataxanaqot taxa nam nalleppi so Jamor, maye lta'a co'ollaxa so Siquén, qaq ¿ta'ainec taxa da so'onataxanaqtacot ñi Abimelec?

Génesis 34:27

Qaq nataqa'en ivildeuo co'ollaxa soua llalqa lỹa't so Jacob, nache quetragui so nalaatacpi, nache deuotaxanec so logoxoshetpi se'eso nhuo' le'ecpi, cha'aye ipalaique lvi' souaxat da ne'enaguec aso lqaỹa.

Josué 9:7

Nache so Israel le'ecpi ỹasategueto' se'esoua heveo lashe', 'eeta': «Yo'oqta da sa qaỹapeque ca qarmaye ne'ena souaqta'a. ¿Qaq taloxochiyectoxo' da qami' ñaỹamaxataxato?»

2 Samuel 11:4

Nache so David, ỹauo'o so lamaxashec da ỹe'eguenauga asomaye, qaq co'ollaq ivireuo aso Betsabé, nache so David lauañi' asomaye. Qaq co'ollaq ime da lauatañi', nache asomaye nachel, nache ỹe'eguelaxauga so lma'.

2 Samuel 13:14

Qaq so Amnón saishet da ỹalaxaguet co'ollaxa asomaye, nache iloquiaxan aso Tamar, qaq somaye ye huo'o da la'añaxac nache ivira'a da ncat.