Génesis 34:13 - La'aqtaqa Ñim Lo'onatac 'Enauacna 2013

¹³ Qalaxaye ye so Siquén, ỹe'en co'ollaxa aso Dina, nache soua llalqa so Jacob ỹasatreguet da 'eetapeguec somaye qataq so lta'a Jamor, qalaxaye choche ỹatenache't, nache

Génesis 34:13 Referans Kwoze

1 Ts 5:15

Ỹataqta qanchelliỹa'a't, saqca ca isheetena'aguet ca sa ỹaỹamaxañi da ỹo'otec ca lỹa. Chaqrato' da qami' qanpogoxoiñiỹapegue' da qauo'ochec ca ỹaỹamaqchiguiñi ñi 'oonolec da qoñiita qataq 'enauac na laỹepi shiỹaxauapi.

Romanos 12:19

Qami' ỹaqaỹarolqa, saisheto' qome da qavi'enaxachiỹa'aguet ca qauem maye qami' qaỹo'oteque. Nachaqrato' qome da qauaqaita'a da Ñim Lo'onatac 'Enauacna maiche huapegue' da ỹauo'o ca nhuaxanaguec nam qauemaicpi. Cha'aye ana nere maye huetalec na la'aqtacpi Ñimaye nanettalec da la'aqtac, 'eeta': «Aỹem maye Nachaỹem so'ot ca nhuaxanaguec ca shiỹaxaua, Nachaỹem maye sami' cam 'itchiguiñi nhuaxanaguec ñi 'oonolec.»

Mateo 28:13

Nache qoỹeetegalo soua huataxanaq lashe', qoỹeeta': «Qaua'aqtaxañim qome na shiỹaxauapi, da soua lapaxaguenataqa So Jesús nareua'a so pe aso huachiqui co'ollaq qami' qauo'ocheeta, nache decachiỹa so lo'ocỹaxac So Jesús.

Miqueas 7:2

Cha'aye mashe qaica ca choxonnataxanaxaic ana 'alhua, qataq mashe qaica ca no'onañi shiỹaxaua maye no'on da lataxac, nda'a't nam quetegueua'a da huo'o ca loxonec da ỹalauat, qataq ñi 'oonolec ỹoiqueetac da nqovin ca lỹa.

Isaías 59:13

Qomi' senogoqchetaq qataq satenachetaq Ñim Nataxala', qataq qolqa'ai Ñim Qanatamnaxala'. Sa'axataqtac nam saq'en qataq sasalaxasoq, qataq llapaxasoxoyeñi naua lataxaco da yaqto' satenachetaq na laỹepi shiỹaxauapi.

Proverbios 12:13

Ca qauemaic qalaq lpachigui da maiche latenataxanaxac, qaq ca ỹale no'on da lataxac qalaq qaica ca nqalanaxac da huo'o ca huaigui.

Salmos 12:2

Ñi 'oonolec qalaq maiche ỹatenachettac ca lỹa, da detaqa qalaq naua la'aqtaqa ỹataqta ỹagaqnapeguec naqa'en na naigui, qataq saq ỹataxaleguete naua la'aqtaqa.

Da na'aqtaguec so Job 13:7

¿Qami' qaupichiitega peta'a da qavicheetapeguelec, Ñim Lo'onatac 'Enauacna da qauo'oche' naua qaratenataxanaxacolle'? Qataq, ¿qaupichiitega peta'a da qautauañi da qauo'oche' naua qanashepegaxanaxacolle'?

Da na'aqtaguec so Job 13:4

Cha'aye qami', choche qami' tenataxanaxaiqa, qataq 'enauac qami' natannaxanaqpi, qalaxaye qaica ca qami' naiguilo.

Jueces 15:3

Qalaxaye so Sansón 'enapeco': ¡Nagui maye saishet da ỹasouaxashet qom huo'o ca so'otec na filisteopi!

Génesis 34:12

Na'aictaxa da late'erai aca qauỹaxañiỹaique da napactelec dam 'eetec naxa, qataq da qalota ca ỹachetaqtaxanaxat, qalaq nache 'ena'am ishet da qami' sanema, qalaxaye qauaqaita'a añi qa'añole da aỹem huaroneguet.»

Génesis 34:14

'eeta' da la'aqta'c: «Qomi', saishet da sanaxam añi qarqaỹa cam shiỹaxaua maye qaica ca na'anaxashet na lo'oc, cha'aye damaye ỹo'ot qome da qarcoxo.