Génesis 33:8 - La'aqtaqa Ñim Lo'onatac 'Enauacna 2013

⁸ Qaq huaña nache so Esaú denataxan, 'eeta': «¿Negue't cam qonetapeguec som shiguiỹacpi maye ñateetapeeguet?» Nache so Jacob, ỹasateguet somaye, 'eeta': «Qomye sauotaique da chegoqchigui somayepi da aỹem 'auchoxoren.»

Génesis 33:8 Referans Kwoze

Génesis 32:5

qaq huo'o nagui ana ilo huacapi, qataq na 'ashenapi, qataq ana qaguetapi, qataq na ỹamaxashecpi, qataq ana ỹamaxashepi. Qaq 'am samaxa de'era ỹa'aqtac, 'am ỹataxala', cha'aye sauotaique da aỹem 'auchoxoren.»

Ester 2:17

Nache so Asuero ỹataqta nqopita co'ollaxa aso Ester, qaq saỹauano' da 'eetec de'era somaye da huo'o aca ỹataqta nqopita asom laỹepi 'alpi, qaq 'era da 'eetec so Asuero da ỹataqta nqopita asomaye, nache somaye ỹataqta itauan asomaye, saq 'ena'am aso laỹepi 'alpi maye mashe hueta'aguet co'ollaxa somaye, qaq ỹoqo'oye ỹanaxanaxangui asomaye aso aro'o, nache ỹanagui da nate'e da nmeneguet aso Vasti.

Génesis 39:5

Qaq nache chegoqchiguiña se'eso na'a'q, co'ollaq so Potifar ipataxalec so José da ilo'ogue so lma', qataq 'enauac som logoxoshetpi, da Ñim Nataxala' ỹasaxalec da lchoxonnataxanaxa so Potifar, som hueta'a so lma', qataq som huetauga so no'onaxa.

Génesis 33:7

ime, qaltaq nquigueuo aso Lea qataq soua llalqa, nache nataqa'en ỹa'alyiñi naua l-llecte da 'eeta'ama soua hua'auyiñi, qaq pa'atec da nquigueuo aso Raquel qataq so llalec José, qaq nataqa'en soomaye ỹa'alyiñi naua l-llecte.

Génesis 32:6

Qaq co'ollaq mashe ñe'eguela'q soua namaxa'she, nache da'aqtaxaarem so Jacob, 'eetra': «Qomi' mashe sachegoxosoqa'a ñi 'arqaỹa Esaú. Qaq namaye mashe 'anacta da 'am nca'ata'aguet, nnaictague' na cuatrocientos nalleppi.»