Génesis 33:4 - La'aqtaqa Ñim Lo'onatac 'Enauacna 2013

⁴ Qalaxaye so Esaú, nqalgoqta'aguet somaye, nache qapalot na lqosot, qataq napigoxoi'. Nache soomaye nỹeeta'a't.

Génesis 33:4 Referans Kwoze

Salmos 34:4

Aỹem seỹaxanot co'ollaxa Ñim Nataxala', nache Ñimaye aỹem ỹasateguet, qataq aỹem isoueeguesop 'enauac na icolanaxasat.

Lucas 15:20

Huaña, nache jec, ỹe'eguelaxa ye lma' so lta'a. Qaq co'ollaq ña qaỹata'aguet, nache so lta'a ỹauaateguet somaye. Nache ỹataqta huo'o da lchoxonnataxanaxa. Nache nqalgoqta'aguet. Qaq co'ollaq ivireguet, nache nqapaltague' qataq napigoqtague'.

Génesis 32:28

Nache se'eso shiỹaxaua 'enapego' somaye, 'eeta': «Saishet nagui da 'are'enaxat da Jacob, maye 'are'enaxat qome da Israel, cha'aye 'auloctague' Ñim Lo'onatac 'Enauacna, qataq na shiỹaxauapi, qalaxaye 'anauec.»

Hechos 20:37

Nache 'enauaque soomaye nỹeetaguilo, ime, nache nqapaltrapegue' somaye, qataq napigoqtrague'.

Proverbios 16:7

Ñim Nataxala' da ỹaỹamaxareeta da no'on lataxac ca ỹale, nache ivira'a na mpa'aguenaxauapi camaye ishet da nmane' naqa'en.

Génesis 46:29

Qaq huaña nache so José damaxasoxoolec da qaỹaỹamaxaañi aso nnaigona, da yaqto' jec da huaqata'aguet so lta'a. Qaq co'ollaq ivireguet so lta'a, nache nqapale', nache nỹeetac. Qaq ỹataqta qaỹoqtec so nnoinaxac co'ollaq nqapalta'ai' so lta'a.

Génesis 45:2

Qaq huaña, nache ỹataqta ñashetcheguem da nnoinaxac, qaq de'era iviraua'a da ỹaỹaten som hueta'a so lma' lta'araic so faraón.

Da na'aqtaguec so Job 2:12

Qaq co'ollaq ñaq tatra'a somaye nache ilora'a, qalaxaye huac da saỹauatto'n, qaq co'ollaq ivitra nache ỹa'ala'q qataq nỹeeta'ape, nache ỹataqta qalota da nqui'i'c, nache ncolaxata'aisalo soua alogo, qataq imeeleguete naua lqaigo so alo qataq so 'alhua.

Nehemías 1:11

'Am Nataxala', 'am ñachoxonnot da ñaq 'auqoche'eguet de'era ñatamnaxac, qataq da nachoxonnaxac ne'ena 'aramaxashecpi, cha'aye huo'o da lyaxa da 'am ỹo'oxoren. Qataq 'am seỹaxanot da yaqto' ne'ena 'aramaxashec ỹañoxot ca 'eetapeguec, qataq ivira'a da ñim nta'a ishet da aỹem ilo'oguet qataq aỹem ỹanem ca lqouagaxanaqtaic.» Qaq se'eso na'a'q qalaq nache aỹem da nỹomaxaqui lo'o se'eso nta'a Artajerjes.

Génesis 43:30

nache so José nomteguet da ntonaxac co'ollaq ilo'ot so lqaỹa, nache ỹataqta sa nalo'oguet da nnoinaxac. Nache iỹalapigui' da taigui so lma', huaña nache nỹeetac.

Proverbios 21:1

Da ntoonaxac ca nta'a da huetaiguilo naua lhua'q Ñim Nataxala', qalaq 'eeta'am na 'etaxat so tala da jec, nache taigue cam ỹamaxague Ñim Nataxala'.

Génesis 43:34

Nache so José iquia'axaneque soomaye som huetalec so lquia'axala', qalaxaye so Benjamín ỹactec naqa'en so ỹanem aloq, qaq saq 'ena'ama soua lỹa't. Nache so José nỹomtegueto soua lqaỹa't, nache soomaye ỹataqta huo'o da lamaicỹaxa'c.

Génesis 29:11

Qaq ime, nache iquin qataq napigoxoi', nache nỹen.

Génesis 29:13

Qaq so Labán co'ollaq hua'aqchigui da qaỹa'axat so Jacob som llalec aso lqaỹa Rebeca, nache nqalgoqta da ca'ateuga, nache nqapale' qataq napigoxoi', nache ỹauegueua'a so lma'. Qaq huaña, nache so Jacob da'aqtaxaatapeguem so Labán 'enauac da huaigui somaye.

Génesis 32:11

¡Qaq ñaq aỹem 'arqouaguec qome, da aỹem 'anca'alaxateeguesop da lhuaqỹaxac na ỹaqaỹa Esaú! Cha'aye huo'o da icolanaxa da anac da aỹem iloquiaxan, nache ỹalauat na 'alpi, qataq na ñaqpiolec.

2 Samuel 14:33

Nache so Joab taua'a so nta'a da da'aqtaxanem de'era la'aqtac so Absalón, nache so nta'a iỹaxaneuga somaye, qaq co'ollaq ivireuo, nache ỹa'alyiñi naua l-llecte, nache ivira'aguet naqa'en na latap na 'alhua. Nache so nta'a napigoxoi' so Absalón.

1 Samuel 20:41

Qaq co'ollaq mashe ỹoxogue so namaxashec, nache so David nnoxonec, chegoqteua'a so nqañoxotaqa', nache tres da ỹa'alyiñi naua l-llecte qataq ỹataqta iviraxata'aguet naqa'en na latap na 'alhua. Ime, nache napigoqtega't, qataq nỹeeta'a't, choche ivitta'a da nmitchiguem da nnoinaxac so David.