Génesis 33:3 - La'aqtaqa Ñim Lo'onatac 'Enauacna 2013

³ Ime, nache so Jacob hua'aua'ague da taỹa'ague somayepi, nache siete da ỹe'eguelaxalec da ỹa'alyiñi naua l-llecte, qataq iviraxata'aguet naqa'en na latap na 'alhua, choche ivitta'a da saqaỹapeque naqa'en so lqaỹa.

Génesis 33:3 Referans Kwoze

Génesis 42:6

Qaq so José nacheso som ilotague' co'ollaxa yi'iye 'alhua, qataq nacheso so imeetacot na trigo 'enauac na shiỹaxauapi maye chegaqa'alo naua lỹa't nma'ate. Qaq soua lqaỹa't co'ollaq nvildeua'a somaye, nache ỹa'alyiñi naua l-llecte, qataq iviraxata'agueta naua lata'pi na 'alhua.

Génesis 18:2

nache somaye co'ollaq namatasheguem, nache soua tres shiỹaxau' nachattrañi huetra'a so saqaỹapeque somaye. Qaq co'ollaq ilaugalo, nache nqalgaqasheguem da ilo'ogueta soomaye, nache ỹa'alyiñi naua l-llecte, ivira'aguet na latap na 'alhua,

Génesis 43:26

Qaq so José co'ollaq ivireua'a so lma', nache soomaye ỹanema som lachetaqtaxanaxa't maye ndotrai', nache ỹa'alyiñi naua l-llecte, qataq iviraxata'agueta naqa'en naua lata'pi na 'alhua.

Lucas 14:11

Cha'aye ca nshetaique da 'amaqtaqaic, qaq nacheca ca saq 'amaqtaq qanqa'en, qaq cam sa na'amaqten, qaq nacheca ca 'amaqtaq qanqa'en.

Juan 10:4

Qaq da ime da nqatec 'enauac ana lalopi qaguetapi, nache camaye hua'auta. Qaq anam qaguetapi nca'ataxaatauo, cha'aye anamayepi ỹauatton da lavilỹaxac camaye.

Eclesiastés 10:4

Qaq ca nta'a da huo'otaq 'am dalemataỹa, nache saishet qome da qoca'ai ca 'aro'onataxanaxac, cha'aye dam nhualaxavic, nachera da lata' naua lta'al nsomaxaco.

Proverbios 6:3

Qaq da yaqto' 'am huesoueeguesop damaye, 'am ỹalec, nache 'auo'ot da 'eeta': 'Axanec da 'ana'amqaanaxac, nache 'anqo'ona camaye nache 'auỹaxanot da 'am isheeten, cha'aye mashe qoueto'oto naua lhuaxaye que'eca 'arỹa.

1 Samuel 2:5

Qaq nam sa iueetaique co'ollaxa cam aloq, qaq nagui qalaq nmeela't da yaqto' ỹanata ca aloq, Qaq nam huo'o co'ollaxa na lqouaxa, nagui qalaq qaica ca lqouaxa. Qaq ana 'alo maye saishet co'ollaxa da deco'o, nagui qalaq siete da ỹe'eguelaxalec da deco'o, qaq anam qalota co'ollaxa na llalec, qaq nagui qalaq taỹañicra.

Génesis 33:2

Ime, nache ỹa'auaxaarec soua lamaxashel nnaictagueto soua llalqa. Qaq ime, nache jec naqa'en aso Lea, nnaictagueto naqa'en soua llalqa, qaq pa'atec naqa'en da jec aso Raquel qataq so llalec José.

Génesis 48:12

Nache so José nqateeguesopa soua nogotolqa naua lteltaye so lta'a, nache ỹa'alyiñi naua l-llecte, qataq iviraxata'aguet na latap na 'alhua.