Génesis 33:2 - La'aqtaqa Ñim Lo'onatac 'Enauacna 2013

² Ime, nache ỹa'auaxaarec soua lamaxashel nnaictagueto soua llalqa. Qaq ime, nache jec naqa'en aso Lea, nnaictagueto naqa'en soua llalqa, qaq pa'atec naqa'en da jec aso Raquel qataq so llalec José.

Génesis 33:2 Referans Kwoze

Malaquías 3:17

Ñim Nataxala' maye Qaica ca Ỹaqalanapec 'enapec: «Aỹem seqataxaatai' ca 'oonolec na'a'q, maye huaigui da namayepi ỹe'eguelaxa da qaltaq ỹalamaxat. 'Eeta'am ca nta'a da ichoxoren ca llalec, qaq nache sheetec qome da qaltaq sechoxoren namayepi.

Génesis 37:3

Qaq so Israel ỹataqta ỹactec da lauotaxat so José, saq 'ena'ama soua lỹa't llalqa, cha'aye somaye ñiguiñi co'ollaq mashe ỹa'axaiquiolec so Israel. Qaq ỹoqo'oye somaye ỹauo'o so ỹataqta ỹotta'a't da lo'oxoỹaxac lapo' so José.

Génesis 29:30

Qaq so Jacob nache huaroneguet nataqa'en aso Raquel, qaq ỹataqta ỹauotec asomaye, saq 'ena'am aso Lea. Qaq na'aictaxa da nache queta da do'onataxanot so Labán, iviraxattrec soua lỹa't siete vi'iye.

Génesis 33:1

Qaq so Jacob co'ollaq ila'aguet so Esaú, nnaictague' so cuatrocientos nalleppi, nache somaye iỹorecache so ñaqpiolec, huo'o so ỹanem aso Lea, qataq aso Raquel, qataq soua dos lamaxashel.

Génesis 33:3

Ime, nache so Jacob hua'aua'ague da taỹa'ague somayepi, nache siete da ỹe'eguelaxalec da ỹa'alyiñi naua l-llecte, qataq iviraxata'aguet naqa'en na latap na 'alhua, choche ivitta'a da saqaỹapeque naqa'en so lqaỹa.

Jeremías 50:12

Qalaxaye na qana'alhuai qataq na huaqta'a't nỹecpi maye qarañoqo'oi, namaye nlaqaalec qome da na'agaxa. Qaq nachena qome nam pa'atec nam ỹotta'a't shiỹaxauapi da toolec maye deqaqta qataq qaica ca ñaxaalec.

Génesis 29:16

Qaq so Labán huo'oi co'ollaxa soua dos llalel: aso ỹe le'enaxat Lea, qaq aso na'asa le'enaxat Raquel.