Génesis 33:18 - La'aqtaqa Ñim Lo'onatac 'Enauacna 2013

¹⁸ Qaq so Jacob, co'ollaq chegaqa'a ye Padán Aram, nache co'ollaq ivita ye Canaán qalaq no'oitom, qataq qaica camachaqca da nachaalataxac, nache nalec yem datatta ye huaqta'a't nỹecpi le'enaxat Siquén.

Génesis 33:18 Referans Kwoze

Hechos 7:16

Qaq 'enauac somayepi qairo'ogue da Siquén da qailareña som 'alhua maye desheenaxana co'ollaxa so Abraham, ỹachegoxotaigui so llalaqpi so Jamor.

Jueces 9:1

So Abimelec maye ỹaqauga llalec so Yerubaal, somaye taỹa ye Siquén da yaqto' detaxaỹapegue' som lauo' le'ecpi maye maiche lqaỹañecpi aso late'e. Nache 'enapego' somayepi, 'eeta':

Josué 24:1

So Josué, laỹona't co'ollaxa 'enauac so Israel le'ecpi huaña ye Siquén. Nache iỹaxaneuga so nqueroxonecpi, nataxala'pi, nmit na nasouaxashetpi, qataq so lataxala'pi so alleppi, qaq ỹauaachigui naqa'en Ñim Nataxala',

Juan 4:5

Qaq co'ollaq ỹa'axasoxoolec yi'iye 'alhua, nache ivita ye saq 'amaqtaq nỹecpiolec le'enaxat Sicar. Qaq yemaye saqaỹapeque aso lshere co'ollaxa so Jacob. Qaq co'ollaq mashe ileu so Jacob, nache se'eso dalaxaic lalamaxat se'eso 'alhua maye naña aso nshere somaye nacheso so llalec José.

Génesis 25:20

Qaq so Isaac mashe ivi' co'ollaxa soua cuarenta vi'iye, co'ollaq huaroneguet aso Rebeca, asom llale so Betuel, qataq lqaỹa so Labán som arameo maye netaña co'ollaxa ye Padán Aram.

Juan 3:23

So Juan nataqa'en dachelaxanataxaatac, hueta'a ye Enón yem saqaỹapeque ye Salín, cha'aye ỹataqta qalota na 'etaxat. Nache na shiỹaxauapi nqo'ona so Juan, da yaqto' somaye nachelaxan namayepi.

Génesis 46:15

Qaq 'eso som llalaqpi aso Lea co'ollaq deco'oiguet so Jacob co'ollaq huetra'a ye Padán Aram, qataq nataqa'en aso llale Dina. Qaq da ima'a't 'enauac se'eso llalaqpi ỹalleppi qataq 'alpi, nache ivi' treinta y tres shiỹaxauapi.

Génesis 35:9

Qaq so Jacob co'ollaq ñe'eguelaq, chegaqa'a ye Padán Aram, nache Ñim Lo'onatac 'Enauacna qaltaq nachaxana somaye, nache ỹasaxalec da lchoxonnataxanaxa,

Génesis 28:2

Qojec qome, 'anqo'ona ye Padán Aram yem lma' ca 'arapi' Betuel, qaq huaña qome yemaye nache 'auaroneguet aca 'oonole llale ca 'antesoqo' Labán.

Génesis 12:6

nache so Abram ỹa'axasoxootac 'enauac yi'iye 'alhua, nache ivitta'a ye Siquén yem naña aso qo'oipaq atamnaxalate, maye naña ye More. Qaq se'eso na'a'q so cananeopi netalec co'ollaxa yi'iye 'alhua.

Génesis 37:13

Qaq huaña nache so Israel 'enapego' so José, 'eeta': «Caua 'arqaỹa't huetra'a ye Siquén, ilotrague' aca qaguetapi. Qaq sauotaique da 'anqo'onalo caamaye.» Nache so José, 'enapeco': «Aja', aỹem ashec qome.»

Génesis 48:7

Cha'aye co'ollaq ye'eguelaq da sachegoqta'a ye Padán Aram, nache ileu aye 'arate'e Raquel huaña ye 'alhua Canaán, co'ollaq mashe ñayeeta'a ye Efrata. Qaq nache selayiña yemaye, sacheteua'a na laỹe so nqa'aic maye taỹa'a ye Efrata, yem nagui le'enaxat da Belén.»

Salmos 60:6

Ñim Lo'onatac 'Enauacna ỹan da la'aqtac huaña so npe'l maye lanataqa', 'eeta': «Ỹataqta samachiguiñi qom ivita da secolaxatapigui na 'alhua ye Siquén, qataq da sanec na ca'amapega't 'alhuapi ye Sucot.

Jeremías 41:5

nache nvi' som ochenta ỹalleppi chegaqa'a ye Siquén, Siló, qataq ye Samaria, qaq somayepi ỹataqta npetecta ana lqa' laue, qataq colaqta'ape naua logo, qataq huo'o na lque'emaxa na lo'oc maye maicheso somayepi da ỹo'ot. Qataq nachetac nataqa'en so ala na nañiguishec qataq so lchenaxanaxat maye ama na laita da yaqto' ỹanot Ñim Nataxala' da lachetaqtaxanaxat da huaña aso atamnaxaqui.

Génesis 31:25

Qaq so Labán mashe ivi' co'ollaxa so Jacob, huaña ayem qasoxonaxapi ye 'alhua Galaad, yem ỹanaña co'ollaxa so lpe'l so Jacob. Qaq huaña yemaye nache ỹanaña nataqa'en so lpe'l so Labán qataq so lauo' le'ecpi.