Génesis 33:11 - La'aqtaqa Ñim Lo'onatac 'Enauacna 2013

¹¹ Qaq ỹoqo'oye 'am ñachoxonnot da 'auaconeguet nam 'anmepi maye 'am ñerota'a, cha'aye Ñim Lo'onatac 'Enauacna ỹo'ot da aỹem sallaxanec, nache qaica ca seueetaique.» Qaq so Jacob, ye ỹataqta ỹe'eguelaqto'ot somaye, nache so Esaú ivitta'a da ỹaconeguet so nmepi,

Génesis 33:11 Referans Kwoze

Filipenses 4:18

So Epafrodito aỹem ỹami' aso aỹem qanamaqỹa, qaq asomaye ỹataqta ỹapacauec. De'era qartaunaxanaxaqui ỹataqta ama da laitaỹaxac, 'ena'am da alaitaỹaxac aca nachetaqtaxanaqte maye qoỹanot Ñim Lo'onatac 'Enauacna da ỹataqta ỹamaateguet.

1 Samuel 25:27

Qaq nagui 'onaxaic da 'auaconeguet ne'ena ỹachetaqtaxanaxat nallec da yaqto' 'aỹa'anoigui na 'aramaxashecpi maye 'annaictague'.

2 Reyes 5:23

Nache so Namán 'enapeco': Aỹem 'anqouaguec taxa, nache 'auaconeguet ana seis mil lcatpiole ana plata. Qalaxaye souaxat da so Namán ỹataqta ỹe'eguelaqto'ot somaye da ỹaconeguet somayepi, nache somaye ỹoxochiguilo soua dos noxoiqui', nache ỹauaxaỹaxanegueta soua dos anogo. Nache ỹanema soua dos nale't da ỹache', nache so Guejazí ca'attaueeguelo soomaye.

Génesis 33:9

Nache so Esaú, 'enapeco': «'A'i, 'am ỹaqaỹolec, 'eeso'oya' nam ña'atetpi. Nache 'am hueto'ot qome nam 'ana'atetpi.»

Génesis 30:43

Qaq 'era da 'eetec so Jacob, da ivira'a da ỹataqta sallaxanec, nache ỹataqta qalota aso lalo qaguetapi, qataq so lamaxashecpi qataq aso lamaxashepi, qataq aso lalo cameellopi, qataq so 'ashenapi.

1 Timoteo 4:8

Cha'aye 'eesa ca shiỹaxaua da ñe'egueeteguela't da sa desalli naqa'en na lo'oc, damaye cara'acolec da huo'o da naigui. Qalaxaye da qanpa'ataxareelec da na'amqaanataxanaxac Ñim Lo'onatac 'Enauacna, damaye ỹataqta lta'araic da naigui. Cha'aye ỹataqta 'onaxaic da qomi' ỹo'otegueta nagui da ñaq souaqtalec ana 'alhua qataq nataqa'en qom seviraxague da piguem. Qaq de'era ỹataqta 'eesa, qaq ỹoqo'oye 'enauac damaye iuen da sa'amaqtenaq.

2 Corintios 6:10

'Eeta'am da saquicoqtac, qamaq ỹoqta 'eesa da qomi' samaqtapiguiñi. 'Eeta'am da qomi' choxora'q, qalaxaye qalota na sesallaqchetaq. Na'aictaxa da qaica ca ye da shenaqta, qalaxaye qaica ca seuenaqtac.

1 Corintios 3:21

Qaq ỹoqo'oye qaica ca ỹapagaqaanauec da llo'oxonnataxanaxac cam qaica ca la'amaqchec lo'onatac ca choche shiỹaxaua, cha'aye 'enauac nam huo'o, maiche qaralamaxache,

Lucas 14:23

Nache so 'aco' 'enapega so lamaxashec, 'eeta': «Qojec, 'anqo'oneugalo qome naua nqa'aico lta'al qataq naua nqa'aicolqa nam pa'auec. Nache qonapega na laỹepi shiỹaxauapi da yaqto' nnoxoneuo. Cha'aye sauotaique da nlaqchigui na ima'.

2 Reyes 2:17

Qalaxaye somayepi ỹataqta ỹe'eguelaqto'ot da dequicto'ot somaye, nache ivitta'a da ỹasateguet somayepi, nache somayepi ỹamaq so cincuenta ỹalleppi. Nache somayepi nmittaique co'ollaxa so Elías, soua tres na'axa'te, qalaxaye saishet da ỹanata.

1 Samuel 30:26

Qaq so David co'ollaq ivita ye Siclag, nache ỹauo'o so icolaxatec som lhuotaxanaxatpi, nache ỹamaxa so nauochaxauapi nataxala'pi maye lma' ye Judá, qataq ỹamaxa so la'aqtac, 'eeta': «'Ena na qarachetaqtaxanaxat maye chegaqaigui na qarhuotaxanaxatpi, maye logoxoshetpi so mpa'aguenaxauapi Ñim Nataxala'.»

Jueces 1:15

Nache asomaye 'enapeco': «Qomye ñeshetaique da 'auauo'o ca aỹem 'anem laỹe 'alhua, cha'aye mashe sogote da aỹem 'aỹa'anem ye 'alhua maye huaña ye toolec 'alhua ye Néguev, qalaxaye nagui aỹem 'aỹa'anem taxa nataqa'en ye 'alhua maye huaña na npaxaatasheguem 'etaxat.» Nache so Caleb ỹanem aso llale Acsa ye 'alhua maye huaña na npaxaatasheguem 'etaxat maye naña ye qaỹoqotcheguemec 'alhua, qataq ye pa'aguiñi.

Josué 15:19

Nache asomaye 'enapeco': «Qomye ñeshetaique da 'auauo'o ca aỹem 'aỹa'anem laỹe 'alhua, cha'aye mashe sogote da aỹem 'aỹa'anem ye 'alhua maye huaña ye toolec 'alhua ye Néguev, qalaxaye nagui no'on taxa da aỹem 'aỹa'anem nataqa'en ye 'alhua maye huaña na npaxaatasheguem 'etaxat.» Nache somaye ỹanem co'ollaxa aso llale Acsa so 'alhua maye huaña na npaxaatasheguem 'etaxat maye naña ye qaỹoqotcheguemec 'alhua, qataq ye pa'aguiñi.

Génesis 33:10

Qalaxaye so Jacob ỹe'eguelaqto'ot somaye, 'eeta': «'A'i, ñaq aỹem 'arqouaguec. Da ỹoqta 'eesa da aỹem 'auchoxoren, nache no'on da 'auaconeguet nam sauotaique 'anmepi, cha'aye nagui da 'am ñauane', qalaq 'ena'am da nacheñi Ñim Lo'onatac 'Enauacna da ñauane', qataq da aỹem 'auaỹamaxatta nagui da 'am ñauane'.

Génesis 33:12

qaq ime, nache so Esaú, 'enapeco': «Hua', qolaq qome. Qaq nache ñenaigaqtega't.»

Génesis 32:21

Qaq 'era da 'eetec da hua'auta naqa'en so nmepi, qaq somaye no'onaña se'eso lanataqa' se'eso pe.