Génesis 33:10 - La'aqtaqa Ñim Lo'onatac 'Enauacna 2013

¹⁰ Qalaxaye so Jacob ỹe'eguelaqto'ot somaye, 'eeta': «'A'i, ñaq aỹem 'arqouaguec. Da ỹoqta 'eesa da aỹem 'auchoxoren, nache no'on da 'auaconeguet nam sauotaique 'anmepi, cha'aye nagui da 'am ñauane', qalaq 'ena'am da nacheñi Ñim Lo'onatac 'Enauacna da ñauane', qataq da aỹem 'auaỹamaxatta nagui da 'am ñauane'.

Génesis 33:10 Referans Kwoze

Da na'aqtaguec so Job 33:26

Nache natamnot Ñim Lo'onatac 'Enauacna, qaq Ñimaye ỹasateguet camaye, nache machiguiñi da ilo'ot da lashiguiỹaxac Ñimaye, qataq ỹa'alaq souaxat da machiguiñi, nache Ñim Lo'onatac 'Enauacna ỹe'eguelaxata da ỹaỹamaqchiguiñi lataxac co'ollaxa.

Apocalipsis 22:4

Huaña, nache qanma'ai' da qanauane' Ñim Lo'onatac 'Enauacna. Qaq da le'enaxat Ñimaye, nache nanettalec naua lata'api namayepi.

Jeremías 31:2

Ñim Nataxala', 'eeta': Co'ollaq huaña ye toolec 'alhua, nache sachaxana da isoxoyec nam nhuo' le'ecpi maye ỹet co'ollaxa da nleuaxa. Co'ollaq na Israel le'ecpi nmittaique cam nmataqa',

Génesis 32:30

Qaq so Jacob, nache ỹanagui da le'enaxat «Peniel» yi'iye 'alhua, cha'aye 'enapeco': «Aỹem ñema'ai' da ñauane' Ñim Lo'onatac 'Enauacna, qalaq ñaq 'eetalec da ñeca'altauec.»

Salmos 41:11

Huaña qome nache saỹaten da ỹoqta aỹem 'auaỹamaxareeta, qom na ñepa'aguenaxauapi saishet da aỹem ntootalec da aỹem loxonec.

2 Samuel 14:32

Nache so Absalón, 'enapeco': Aỹem, 'am samaxasoxona co'ollaxa da yaqto' 'anqo'ona ñi nta'a da 'aunat ¿ta'ainco' da sheca'ai naqa'en ye Gesur? ye 'onaxaictoxo' da nache soota'a co'ollaxa yemaye. Qaq nagui, aỹem ñeqo'oneua'a ca nta'a, qaq da huo'o ca ỹasouaxashet, nache 'onaxaictaxa da Aỹem ỹalauat.

2 Samuel 14:28

Qaq so Absalón dos soua vi'iye da netaña ye Jerusalén, qalaxaye saishet da nauane' so nta'a.

2 Samuel 14:24

Qalaxaye so nta'a, ỹamaxa da la'aqtac co'ollaxa somaye da nache taỹa so lma', nache saishet da taua'a somaye. Ỹoqo'oye so Absalón taỹa co'ollaxa so lma', nache saishet da nauane' so nta'a.

2 Samuel 3:13

Nache so David 'enapeco': «Aja', aỹem saỹamaxareeta da aỹem 'anaỹamaxate', qalaxaye da 'auanac nache 'anauec aca Mical maye llale so Saúl, cha'aye da saishet da 'anauec, nache saishet da 'am selo'oguet qome.»

1 Samuel 20:3

Qalaxaye so David qaltaq ỹe'eguelaxalec da la'aqtac, 'eeta': Ñi 'arta'a ỹaỹateeta da ỹataqta aỹem 'arauotaxat, qaq yo'oqta da saishet da 'am da'aqtaxanem qome de'era, cha'aye ivittaique da huo'otaq sa 'auaỹamaxaren. ¡Qalaxaye 'am sanem da ỹa'aqtac, qataq Ñim Nataxala', da ỹoqta 'eesa da mashe saqaỹapeque da ileuaxa!

Rut 2:10

Nache aso Rut ỹa'alyiñi naua l-llecte, nache iviraxata'aguet naqa'en na latap na 'alhua, nache inat so Booz, 'eeta': ¿Ta'ainco' da aỹem taalec da 'arauotaxanaqtaic, ye aỹem choche sachegaqauec?

Génesis 50:4

Qaq co'ollaq ivildec soua na'axa'te maye nasouaxaqui', nache so José nqo'oneua'a da detaxaỹapegue' som netañapi ye lma' lta'araic so faraón da 'enapega, 'eeta': «Qom ỹoqta 'eesa da aỹem qauauochec, qaq no'on da aỹem qarqouaquic da qoñiỹapega ñi faraón,

Génesis 47:29

Qaq huo'o so na'a'q, nache so Israel nomteguet da mashe sa qaỹaloq da ileu. Nache damaxasoxoneua'a so llalec José da yaqto' 'enapega, 'eeta': «Da ỹoqta 'eesa da aỹem 'anqouaguec, nache 'auacho'ot na 'arhuaq na itele'eta, nache 'aỹa'an ca 'ara'aqtac da 'aupacchigui qome dam seỹaxaneua'a. ¡Aỹem 'anqouaguec qome, saishet da aỹem 'aulayiña na Egipto!

Génesis 19:19

Qami' mashe lta'araic da qarqouagaxanaqtaiqui aỹem, qataq ỹataqta sa qalota da qarsoxoyiqui da aỹem qarca'alaxachiiuec, qalaxaye aỹem saishet da ñeqo'ona aye qasoxonaxapi. Cha'aye de'era nlaqtaxanaxac, ishet qome da aỹem iviralec da huangui na nqa'aic nache seleu.

Mateo 18:10

Qantooñita'ac qome de'era: saishet qome da qauo'otañi ca 'oonolec nam saqca ca la'amaqchec. Cha'aye Aỹem qami' shenapegalo da na lamaxashecpi maye 'amaqtaqaicpi Ñim Lo'onatac 'Enauacna ilotague' namayepi.

Génesis 43:3

Qalaxaye so Judá 'enapeco': «Ñi'iñi ỹale maye sachegoxosoqa'a co'ollaxa, ñimaye ỹataqta ỹataqtegue da la'aqtac, 'eeta': ‹Qom saishet da qanaviqui ca qarqaỹai na'asa, nache saishet da qañe'eguelaqỹa aỹem.›

Génesis 33:9

Nache so Esaú, 'enapeco': «'A'i, 'am ỹaqaỹolec, 'eeso'oya' nam ña'atetpi. Nache 'am hueto'ot qome nam 'ana'atetpi.»

Génesis 33:11

Qaq ỹoqo'oye 'am ñachoxonnot da 'auaconeguet nam 'anmepi maye 'am ñerota'a, cha'aye Ñim Lo'onatac 'Enauacna ỹo'ot da aỹem sallaxanec, nache qaica ca seueetaique.» Qaq so Jacob, ye ỹataqta ỹe'eguelaqto'ot somaye, nache so Esaú ivitta'a da ỹaconeguet so nmepi,