Génesis 32:9 - La'aqtaqa Ñim Lo'onatac 'Enauacna 2013

⁹ Ime, nache so Jacob natamen, 'eeta': «'Am Nataxala', maye 'Am Natamnaxala' so ỹape Abraham, qataq ca ita'a Isaac. 'Am maye aỹem qonapega co'ollaxa da she'eguelaxa ye ña'alhua, qataq ye ihuo' le'ecpi, qataq aỹem 'auo'otec da qaica camachaqca da ỹecỹaxac,

Génesis 32:9 Referans Kwoze

Génesis 31:42

Qaq taxa da saishet da aỹem hueta'aguet Ñim Natamnaxala' so Abraham, Ñim Natamnaxala' so ita'a Isaac, nache yo'oqtactaxa da choche aỹem 'auamaqtec, qui'itchiguilo 'anqa'en naua ihua'q. Qalaxaye Ñim Lo'onatac 'Enauacna ilota'a co'ollaxa da ỹaquicoxo, qataq dam naigui da ỹo'onataxanaxac, qaq ỹoqo'oye so pe 'am nlaxa.»

Génesis 31:13

Aỹem Nachaỹem So'otapecna maye 'am ñachaxana co'ollaq huaña ye Betel, yem huaña co'ollaxa da 'aucorelec so aceite so coma', qataq huaña da Aỹem 'aỹa'anot so 'ara'aqtac. Qaq ña qoñisheguem qome, nache qoca'ai ne'ena 'alhua; 'avi'eguelaxa ye 'alhua maye 'arañoqo' co'ollaxa.›»

Génesis 28:13

Qaq nataqa'en ilota'a co'ollaxa da Ñim Nataxala' nachattañi, hueta'a som pa'asheguem se'eso napiaxala', nache 'eetega somaye, 'eeta': «Aỹem nachaỹem Nataxala', maye Natamnaxala' so 'arapi' Abraham, qataq ñi 'arta'a Isaac. Qaq 'am qataq ca 'am chegoxoguetpi, sanem qome ne'ena 'alhua maye 'annaatalec nagui.

Génesis 31:3

Qaq huaña nache Ñim Nataxala' 'enapego' so Jacob, 'eeta': «'Avi'eguelaxa qome ye na'alhua caua 'arta'al, yem netaña ca 'arhuo' le'ecpi, qaq Aỹem 'am ñenaictague' qome.»

Salmos 50:15

Qataq Aỹem 'aỹaxana qom huo'o ca 'anque'eenaxac, nache aỹem qome 'am ñepaxattalec, huaña nache 'am aỹem 'avio'oxoreetac.»

Génesis 31:53

Qaq maiche qomi' nmi't qome Ñim Natamnaxala' so 'arapi' Abraham, qataq som ỹapi' Najor. Qaq huaña, nache so Jacob ỹanot so la'aqtac Ñim Lo'onatac 'Enauacna maye natameetacot co'ollaxa so lta'a Isaac.

Salmos 91:15

Qataq qom aỹem iỹaxana, nache sasateguet, qataq soota'aguet qom huo'o da nque'eenaxac, qataq ñeca'alaxatec qome qataq sanem da ño'oxonnataguec.

2 Crónicas 32:20

Qaq souaxat de'era qanayeuaigui, nache so nta'a Ezequías qataq so na'aqtaxanaxanec Isaías, som llalec so Amós, natame'n iỹaxaarot na piguem, da iỹaxaaraique ca ntaunague'c.

2 Crónicas 20:6

nache 'eeta': «'Am Nataxala' maye Natamnaxala' so hua'au qarta'alpi, ¿saisheto' da nache 'Am Atamnaxala', maye qoneta'ague da piguem, qataq 'aulotague' na ỹotta'a't shiỹaxauapi? Qaq nam 'arhua'q huetaiguilo da 'ara'añaxac, qataq da qonec, maye qaica ca nala'aguet da npaxateguet.

1 Samuel 30:6

Qaq so David ỹataqta huo'o da lhuogoxo co'ollaxa, cha'aye so nalleppi huotaique da imalec somaye da irolec na coma' da ỹasaq, cha'aye ỹataqta lta'araic da nqui'ic, souaxat de'era huaigui so llalaqpi ỹalleppi qataq so 'alpi. Qalaxaye somaye huo'o da la'añaxac chegoqo'ot Ñim Nataxala' maye Natamnaxala',

Éxodo 3:6

Nataqa'en 'enapega, 'eeta': «Aỹem maye Nachaỹem Natamnaxala' soua hua'au' 'arta'al. Nachaỹem Natamnaxala' so Abraham, Isaac qataq so Jacob.» Nache so Moisés, ỹapogui na lashec cha'aye ỹataqta huo'o da lcolanaxa da ỹamato'ot Ñim Lo'onatac 'Enauacna.

Génesis 31:29

Aỹem ishet taxa da huo'o ca qami' so'oteque qauem, qalaxaye so pe, aỹem detaxaỹot Ñim Natamnaxala' ca 'arta'a, nache 'eeta': Ñaq Aỹem 'ana'axaỹaxana, saishet qome da sa 'auchera'ape naua 'ara'aqtaqa qom qonapega so Jacob.

Génesis 17:7

Da ñaỹamaxataxac maye so'ot da 'am ñaỹamaxate', qataq cam 'am chegoxoguetpi, damaye saishet qome da imeuo. Qaq Aỹem nache Aỹem 'anatamnaxala' qome, qataq cam 'am chegoxoguetpi.

2 Crónicas 20:12

Qaq 'Am Qanatamnaxala', ¿peta'a saisheto' da 'auo'ot ca nhuaxanaguec namayepi? Cha'aye qomi', qaica ca qara'añaxac da sataỹaqa'aguet ne'ena ỹataqta qalota alleppi, maye anac da qomi' iloquiaxa'n. ¡Cha'aye qomi' sa saỹatenaq ca shenaqtec, ỹoqo'oye 'am sachoqto'ot da qanaquitaxac!»

Génesis 28:15

Qaq Aỹem 'am soota'aguet, qaq maicheye cam 'aigue qalaq 'am ñepaxattalec qome, qataq 'am ñe'eguelaxata qome ne'ena 'alhua. Saishet qome da 'am salat, choche ivitta'a da sepacchigui da so'ot 'enauac nam 'am sachaxanapecotpi.»

Génesis 32:8

cha'aye da lhuennataxac somaye, 'eeta': «Ca Esaú, da iloquiaxan ca 'oonolec lpa'axac ne'ena shiỹaxauapi, nache ca laỹepi ishet da naneltaxan.»

Génesis 49:25

¡Sanot da ña'achec Ñim Natamnaxala' na 'arta'a, Ñim 'am itauan qome, Ñim Qaica ca Ỹaqalanapec, maye 'am ỹaalec qome da lchoxonnataxanaxa! ¡Ñim 'am ỹanem qome da 'achecỹaxac maye chegoqo'ot na qaỹoqotcheguemec piguem! ¡dam 'achecỹaxac maye chegaqangui aso qaỹoqchiguingui auaxai! ¡dam 'achecỹaxac da nco'oxoc qataq da qaillepec aca nate'e!

Jeremías 32:16

Qaq co'ollaq ime da sanem so Baruc som llalec so Nerías, aso lmalate da qanmenaxac, nache aỹem ñatamnot Ñim Nataxala', sheeta':