Génesis 32:7 - La'aqtaqa Ñim Lo'onatac 'Enauacna 2013

⁷ Qaq so Jacob, co'ollaq hua'axaỹa de'era, nache ỹataqta huo'o da lcolanaxa, qataq ỹataqta lta'araic da 'eeta. Qaq huaña, nache dos naqa'en naua lpa'axaco som shiỹaxauapi maye nnaictague' somaye, qataq nataqa'en aso qaguetapi, huacapi, qataq aso cameellopi,

Génesis 32:7 Referans Kwoze

Génesis 35:3

nache ñaỹamaxataq da ñeqo'onaxa ye Betel. Qaq huaña qome yemaye nache so'ot aca ica'atoxonaxalate da sho'oxoren Ñim Lo'onatac 'Enauacna, maye aỹem itauan co'ollaq sootaigui so iuogoxo, qataq aỹem nnaictague' naua ỹeco cam sataigue.»

2 Timoteo 3:12

Qaq ỹataqta 'eesa da 'enauac na nshetaique da nañanot da quetague' So Cristo Jesús, nataqa'en nque'etaxangui qome da ncanaguec.

2 Corintios 1:4

Da ivita da seviraxaguet da qarqalaic huo'otaq da qanque'eenaxac, nache Ñim Lo'onatac 'Enauacna qomi' itaua'n, da yaqto' ishet da nataqa'en setauanaq ca huetapoigui da nque'eenaxac huo'otaq ca ivireguet ca lqalaic.

Hechos 14:22

Nache soomaye ỹataqta huaqattrega na 'amqaanataxanaxaicpi maye netaleguete ne'enaua 'aleu', da yaqto' ỹataqta na'añaxatec da lpi'iỹaxac So Jesús. Qataq nataqa'en 'ena'apo' soomaye: Iuen da hua'auñi da huo'o da qanque'eenaxac da yaqto' senoxonaxaua'a da lo'onataxanaxac Ñim Lo'onatac 'Enauacna.

Juan 16:33

Qaq Aỹem qami' sa'axatema 'enauac de'era, yaqto' huo'o da qarlagaxayiqui da Aỹem qana'ayeetaua'a. Qami' ana 'alhua maye qoviitalec huo'o da qanque'eenaxaqui. Qalaxaye qana'añaxache qome, cha'aye Aỹem mashe sogote da ỹoxonec nam 'onataxacpi maye huetalec ana 'alhua.

Mateo 10:16

De'era no'onataxanaxac maye qami' samaxaleguete da qauo'oche, damaye huo'o da lchec. Damaye 'eeta'am aca qagueta da qaỹamaxa ca hueta'a na qalota shiguiỹacpi maye dequi'iỹapec. Qaq ỹoqo'oye qami' lhuotte' qataq qanloitec qoñiỹa'am ca na'araxanaq qalaxaye nataqa'en qami' huesote' qoñiita'am na qoto'pi.

Mateo 8:26

Nache So Jesús 'enapeco': –¿Ta'ainco' ye qayi'i? ¡Qami' ỹataqta saq 'amaqtaq da qarpi'iỹaxaqui Ñim Lo'onatac 'Enauacna! Nache So Jesús ñesheguem, nache 'enapega so la'at qataq ana lapaxa so 'etaxat da vi'iiguet, nache 'enauac ỹe'eguelaxa da ntochiguiñi.

Isaías 28:26

Cha'aye Ñim Lo'onatac 'Enauacna nacheñi ñim ỹapaxaguenec dam 'eetec da lataxac da ỹo'ot.

Proverbios 2:11

Da ntelaqchec 'am ntela'a qataq da naỹaanataxanaxac 'am npaxattalec.

Salmos 142:4

Ñaq 'auamata'ague qome na aỹoic, yaqto' 'aula'a da qaica ca aỹem itauan, qaica ca ỹe'eguenaqa', qataq qaica ca aỹem huapegue'.

Salmos 107:6

Qalaxaye co'ollaq huo'o da lachetataic nache iỹaxanot Ñim Nataxala', nache Ñimaye nqateeguesop de'era laquicoxo.

Salmos 61:2

Aỹem soota'a na pa'atec ana 'alhua da seỹaxaatac, cha'aye añi iquiyaqte mashe qaica ca la'añaxac, qaq aỹem 'anca'alaxatec qome, nache aỹem 'aỹa'analec aca qaỹoqotcheguemec coma',

Salmos 31:13

Qataq aỹem huo'o da sa'aqtega na shiỹaxauapi da nsoxootega't, 'eeta': «Huo'o da ncolanaxa 'enauaque naua laỹel.» Qataq namayepi 'eeta'am da 'oonolec ỹale da huaxaỹa't da aỹem npa'agueetega, da nshetaique da nqat da ñachaalataxac.

Éxodo 14:10

Qaq so Israel le'ecpi co'ollaq ỹauaateguet so faraón qataq so Egipto le'ecpi da mashe sa qaỹapeque, nache ỹataqta huo'o da lcolanaxa. Huaña nache iỹaxanot Ñim Nataxala' da itauan.

Génesis 32:11

¡Qaq ñaq aỹem 'arqouaguec qome, da aỹem 'anca'alaxateeguesop da lhuaqỹaxac na ỹaqaỹa Esaú! Cha'aye huo'o da icolanaxa da anac da aỹem iloquiaxan, nache ỹalauat na 'alpi, qataq na ñaqpiolec.

Salmos 112:5

Ca shiỹaxaua soxoraic ỹataqta ichoxoren da huo'o ca ỹa'aalaxanaxan, qataq nalochiguiñi naqa'en da lataxac da imen ca lmenec.

Génesis 32:3

Qaq ime co'ollaxa, nache so Jacob ỹauo'oi soua ỹama'q da taỹalo naqa'en ye 'alhua Seir, maye huaigui ye 'alhua Edom, da ỹauo'o da la'axaỹaxac so lqaỹa Esaú.

Génesis 32:8

cha'aye da lhuennataxac somaye, 'eeta': «Ca Esaú, da iloquiaxan ca 'oonolec lpa'axac ne'ena shiỹaxauapi, nache ca laỹepi ishet da naneltaxan.»

Génesis 33:1

Qaq so Jacob co'ollaq ila'aguet so Esaú, nnaictague' so cuatrocientos nalleppi, nache somaye iỹorecache so ñaqpiolec, huo'o so ỹanem aso Lea, qataq aso Raquel, qataq soua dos lamaxashel.