Génesis 32:5 - La'aqtaqa Ñim Lo'onatac 'Enauacna 2013

⁵ qaq huo'o nagui ana ilo huacapi, qataq na 'ashenapi, qataq ana qaguetapi, qataq na ỹamaxashecpi, qataq ana ỹamaxashepi. Qaq 'am samaxa de'era ỹa'aqtac, 'am ỹataxala', cha'aye sauotaique da aỹem 'auchoxoren.»

Génesis 32:5 Referans Kwoze

Génesis 33:8

Qaq huaña nache so Esaú denataxan, 'eeta': «¿Negue't cam qonetapeguec som shiguiỹacpi maye ñateetapeeguet?» Nache so Jacob, ỹasateguet somaye, 'eeta': «Qomye sauotaique da chegoqchigui somayepi da aỹem 'auchoxoren.»

Génesis 33:15

Nache so Esaú, 'enapeco': «Hua' ỹaỹamaqchiguiñi, qalaxaye aỹem 'aua'aqta'a da sauo'oi caua 'am ño'onaxata'agueta nam ñalleppi maye ñenaictague'.» Qalaxaye so Jacob, 'enapeco': «¡'A'i, aỹem 'arqouaguec qome! ¡Ta'ainco' ctaxa da aỹem 'auqochetague', ye 'eeso'oya' da mashe aỹem 'auaỹamaxatta!»

Da na'aqtaguec so Job 6:22

Qalaxaye aỹem saishet da qami' seỹaxanoto da huo'o ca aỹem qaỹa'añim, huo'otaq da qaushiichiñi da yaqto' aỹem ñeca'alec.

2 Samuel 16:4

Nache so nta'a David, 'enapeco': Hua', nalotañi, qaq nagui 'am taỹot ñaqa'en 'enauac na lalamaxatpi so Mefiboset. Nache so Sibá, ỹa'aldoto naua l-llecte so nta'a nache 'eeta': ¡'Onaxaictaxa da nache 'eetai' qome de'era 'arqouagaxanaqtaic da sheeta 'am nta'a!

1 Samuel 1:18

Nache aso Ana 'enapeco': «Ỹataqta qalota da ña'achec.» Ime, nache aso Ana ỹe'eguelaxa som chegoqchiguiña, nache deque'e, qataq nache saishet da ỹe'eguelaxa da daquicotac.

Rut 2:2

Qaq huo'o so na'a'q nache aso Rut, maye Moab lashe, 'enapego' aso Noemí, 'eeta': «Aỹem 'auasheetec qome da sauga ye nanaxanaqa', shapegueto' da huo'o ca aỹem ỹasheetem da choche seca'attaueegue da yaqto' ñatota'aguet na naañi ala na nañiguishec maye qanqattac.» Nache asomaye 'enapeco': «Aja', 'aue, 'am ỹalole.»

Génesis 47:25

Nache somayepi 'enapeco': «'Am ỹataqta qomi' 'auchoxore'n, ỹoqo'oye qomi' 'anca'alaxatrec. ¡Qaq nagui nache qomi' l-lataqa qome ñi faraón!»

Génesis 33:11

Qaq ỹoqo'oye 'am ñachoxonnot da 'auaconeguet nam 'anmepi maye 'am ñerota'a, cha'aye Ñim Lo'onatac 'Enauacna ỹo'ot da aỹem sallaxanec, nache qaica ca seueetaique.» Qaq so Jacob, ye ỹataqta ỹe'eguelaqto'ot somaye, nache so Esaú ivitta'a da ỹaconeguet so nmepi,

Génesis 31:16

Qaq ỹoqta 'eesa, da 'enauac da lsallaxa ñi qarta'a maye deuotaxanec Ñim Lo'onatac 'Enauacna, damaye maiche qaralamaxat, qataq naua qochalqa. Qaq ỹoqo'oye no'on da 'auo'ot 'enauac na 'am ỹanem la'aqtacpi Ñim Lo'onatac 'Enauacna.»

Génesis 30:43

Qaq 'era da 'eetec so Jacob, da ivira'a da ỹataqta sallaxanec, nache ỹataqta qalota aso lalo qaguetapi, qataq so lamaxashecpi qataq aso lamaxashepi, qataq aso lalo cameellopi, qataq so 'ashenapi.

Lucas 12:45

Qalaxaye que'eca namaxashec da huo'otaq 'enapec: «Ca ña'aco' ỹataqta qaỹaloqteguet», nache jec da iuaxaatac ca laỹepi namaxashecpi qataq aca namaxashepi, ime, qaq cot da lquia'axac qataq da nỹomaxac qataq da ltaxa.

Génesis 31:3

Qaq huaña nache Ñim Nataxala' 'enapego' so Jacob, 'eeta': «'Avi'eguelaxa qome ye na'alhua caua 'arta'al, yem netaña ca 'arhuo' le'ecpi, qaq Aỹem 'am ñenaictague' qome.»