Génesis 32:4 - La'aqtaqa Ñim Lo'onatac 'Enauacna 2013

⁴ Qaq ỹanema soomaye da la'aqtac, maye, 'eeta': «Qaua'aqtaxañim qome ca ỹaqaỹa Esaú, qoñiita': Ñi 'arqaỹa Jacob, 'am nañanot da 'am ỹalaxaguet, qaq ỹoqo'oye 'am namaxa da la'aqtac maye, 'eeta': Aỹem sootaña ye lma' ñi Labán 'enauaque se'esoua vi'iye,

Génesis 32:4 Referans Kwoze

1 Pedro 3:6

'Era da 'eetec co'ollaxa aso Sara, cha'aye ỹataqta ỹalaxaguet so lhua Abraham. Ỹoqo'oye asomaye da iỹaxana, qalaq 'eeta': «Ỹataxala'.» Qaq qami' nagui da qauo'oche ca ỹaỹamaqchiguiñi, qataq saishet da huo'o ca qayi'iitaique, nache qoñiita'am asomaye.

Lucas 14:11

Cha'aye ca nshetaique da 'amaqtaqaic, qaq nacheca ca saq 'amaqtaq qanqa'en, qaq cam sa na'amaqten, qaq nacheca ca 'amaqtaq qanqa'en.

Eclesiastés 10:4

Qaq ca nta'a da huo'otaq 'am dalemataỹa, nache saishet qome da qoca'ai ca 'aro'onataxanaxac, cha'aye dam nhualaxavic, nachera da lata' naua lta'al nsomaxaco.

Proverbios 15:1

Ca nasataxac huesotta qalaq nmooñi naqa'en ca nalemataic, qaq ca nasataxac quia'aqaic qalaq 'eroigui naqa'en ca nalemataic.

Proverbios 6:3

Qaq da yaqto' 'am huesoueeguesop damaye, 'am ỹalec, nache 'auo'ot da 'eeta': 'Axanec da 'ana'amqaanaxac, nache 'anqo'ona camaye nache 'auỹaxanot da 'am isheeten, cha'aye mashe qoueto'oto naua lhuaxaye que'eca 'arỹa.

1 Reyes 20:32

Nache somayepi ỹaañi so sansatta nogoxot, qataq icoñero'oto naua lqoso'oche so nañec, nache taua'a so lta'a so Israel le'ecpi, nache 'eeta': So 'aramaxashec Ben Adad 'am nachoxoreetacot da 'auchoxoren da nachaalataxac. Nache so Ajab, 'enapeco': ¿Qache nca'altauec camaxa? ¡Camaye maiche iqaỹa!

1 Samuel 26:17

Nache so Saúl, co'ollaq ỹauatto'n naua la'aqtaqa so David, nache, 'enapeco': ¡Ỹalcolec David, nache 'am da aỹem 'antaqtegueta! Nache so David, 'enapeco': Aja', nachaỹem 'am nta'a.

Éxodo 32:22

Nache so Aarón 'enapeco': «'Am ỹataxala', saishet qome da aỹem 'aualemataỹa. Qataq 'auaỹaten mque' da ne'ena shiỹaxauapi nqopita da ỹo'ot na sa ỹaỹamaxañi.

Génesis 33:8

Qaq huaña nache so Esaú denataxan, 'eeta': «¿Negue't cam qonetapeguec som shiguiỹacpi maye ñateetapeeguet?» Nache so Jacob, ỹasateguet somaye, 'eeta': «Qomye sauotaique da chegoqchigui somayepi da aỹem 'auchoxoren.»

Génesis 32:18

nache 'auasateguet qome, qoneta': Qomye namayepi 'am qanamaxa da 'anme, 'am ỹataxala' Esaú, chegaqa'a ñi Jacob maye 'aramaxashec. Qaq namaye qomi' nca'attaleguete.»

Génesis 32:5

qaq huo'o nagui ana ilo huacapi, qataq na 'ashenapi, qataq ana qaguetapi, qataq na ỹamaxashecpi, qataq ana ỹamaxashepi. Qaq 'am samaxa de'era ỹa'aqtac, 'am ỹataxala', cha'aye sauotaique da aỹem 'auchoxoren.»

Génesis 27:37

Nache so Isaac 'enapeco': «Aỹem mashe sanem so Jacob da 'arataxala', qataq sogote da sanem somaye da lamaxashecpi qome na lauo' le'ecpi, qataq sanem da ỹataqta qalota qome ca hueto'ot trigo qataq ca lataxa. Qaq ¿negue'to' ca 'am so'otec nagui, 'am ỹalcolec?»

Génesis 27:29

Qataq qalota qome cam shiỹaxauapi 'am do'onataxaatacot, qataq cam ỹotta'a't shiỹaxauapi 'am ỹa'aroto qome naua l-llecte. Qataq 'aulo'ogue qome ca 'aralamaxat 'arqaỹañecpi, ¡maye 'am ỹa'aroto qome naua l-llecte! Qaq ca 'am ỹasaxalec ca qauem, qalaq talec qome cam qauem, qaq ca 'am ichoxoren, qalaq talec qome ca nchoxonnataguec.»

Génesis 23:6

«¡Qomi' 'anqouagueque, 'am qarataxala', ñaq qomi' 'ana'axaỹaxanalo! Da qomi' qonetaiguilo, qalaq nache 'am da 'am lca'aguishec Ñim Lo'onatac 'Enauacna. Qaq ỹoqo'oye 'aulayiña qome aca 'arhua acam ỹataqta no'on ana qanhuachiquipi, cha'aye da shenaqta qaica ca 'am illetapeguem aca huachiqui da 'aulayiña aca 'arhua.»

Génesis 4:7

Da 'auo'ot taxa ca ỹaỹamaqchiguiñi, qaq ishet taxa da 'anamatasheguem. Qalaxaye ye saishet da 'auo'ot, nache dam nasouaxashet mashe naỹamaxattai' da 'am loxonec qome. Qamaq 'am maye ishet taxa da 'oxonec damaye.»

Génesis 31:41

Qaq ivi' soua veinte vi'iye da sootaña ye 'arma', qaq 'ena 'enauac na aỹem taỹot: ivi' soua catorce vi'iye da so'onataxaatapeguelguete ñeua 'aỹa'ale, qataq seis vi'iye da so'onataxaateguelec na 'ana'atetpi, qataq 'anaralaxatta'aguet co'ollaxa da lataxac da ñesheetenaguec.

Proverbios 25:15

Da nhualaxavic ishet da nmooñi da lalemataic ca nta'a, qataq naua huesotte' na'aqtaqa ishet da nlaxaayiñi naua qaramte' nhuennataxaco.

Génesis 25:30

Nache 'enapego' so Jacob, 'eeta': «Ñaq aỹem 'arqouaguec da aỹem 'aỹa'anem, catai' saq 'amaqtaq laỹolec de'era 'arhuoshec togaxaraic maye deqaqchigui, cha'aye aỹem huotaique da selem na ỹoqouaxa.» Qaq ỹoqo'oye so Esaú, qaỹaỹaten nataqa'en da le'enaxat da Edom.

Génesis 33:14

Qaq no'on da 'am 'aua'auta'ague dam tata'ague ne'ena 'aramaxashec, qaq aỹem qalaq choche ñeqocheeta qome, souaxat da lqauaxac nam shiguiỹacpi, qataq na ñaqpiolec maye ñenaictague'. Qaq maiche ñauanaxa't qom huaña ye Seir.»

Génesis 36:8

Qaq ỹoqo'oye so Esaú, som nataqa'en le'enaxat Edom, taỹa co'ollaxa da nalec ye 'alhua qasoxonaxasat ye Seir.

Génesis 36:9

Qaq 'esoua soua chegoxogueta so Esaú, som chegoxogueta na Edom le'ecpi maye netalec co'ollaxa ye 'alhua qasoxonaxasat ye Seir.

Jueces 5:4

'Am Nataxala', co'ollaq qoca'ai añi qasoxonaxa ye Seír, qataq co'ollaq qojec, 'auachegoqchiguiña ye na'alhuapi ye edomiitapi, nache cholaxan ana 'alhua, qataq nỹen na piguem, na lo'ocpi qalaq naañi naqa'en na auot.

Isaías 21:11

Da na'aqtac da qaỹa'axata'a dam talec qome ye Edom. Aỹem sa'axaỹa so nỹaxanaxac chemaqchiguiña ye Seír, 'eeta': «'Am nauanaxanaxanec, ¿chaq negue't ye la hora ne'ena pe? ¿Chaq lcate' caua saxanaxalo da yaqto' yo'oxoñi?»