Génesis 32:32 - La'aqtaqa Ñim Lo'onatac 'Enauacna 2013

³² Qaq ỹoqo'oye choche ivitta'a nagui da na chegoxoguetpi so Israel, saishet da chec ana lleegue lqaic lo'ota ca camachaqca shiguiỹac, cha'aye nacheye yem qaiuaxaachiguiña co'ollaxa so Jacob.

Génesis 32:32 Referans Kwoze

1 Samuel 5:5

Qaq ỹoqo'oye nache ivitta'a nagui da na ltaxaỹaxanaxanecpi so Dagón da inoxonoigui naxa añi atamnaxaqui maye naña ye Asdod, nache saishet da pelec so nqauaxala' so lasom.

Génesis 32:25

qalaxaye se'eso shiỹaxaua co'ollaq ila'a da saishet da nauec so Jacob, nache iuaxangui na lleegue lqaic, nache naquiigui ana lleegue so Jacob co'ollaq ñaq deloctague' somaye.

Génesis 32:31

Qaq mashe nnoxoosheguem co'ollaxa aso nala', nache so Jacob cheta'ague da ca'ai ye Peniel, qaq souaxat da naquiigui ana lleegue, nache huaỹoraxaata.

Génesis 33:1

Qaq so Jacob co'ollaq ila'aguet so Esaú, nnaictague' so cuatrocientos nalleppi, nache somaye iỹorecache so ñaqpiolec, huo'o so ỹanem aso Lea, qataq aso Raquel, qataq soua dos lamaxashel.

Jueces 8:8

Qaq nache chegoqchiguiña yemaye da nqo'ona ye Peniel, huaña nache 'eeta'am da la'aqtac co'ollaq iỹaxanot na lma' ye Sucot. Qalaxaye so lma' ye Peniel nataqa'en 'eeta'am da la'aqtac co'ollaxa so lma' ye Sucot.

1 Reyes 12:25

Qaq so Jeroboán, qaltaq no'oxoosheguem so huaqta'a't nỹecpi ye Siquén, maye nalec aye qasoxonaxapi ye Efraín, qaq somaye nache naña co'ollaxa yemaye. Ime, nache no'oxoosheguem nataqa'en ye Peniel.