Génesis 32:29 - La'aqtaqa Ñim Lo'onatac 'Enauacna 2013

²⁹ Qaq huaña nache so Jacob inato' somaye, 'eeta': «Nagui nache aỹem 'aua'aqtaxanem 'eetec ca 'are'enaxat.» Nache se'eso shiỹaxaua 'enapeco': «¿Ta'ainco' da 'aunataxaateguec ca ỹe'enaxat?» Qaq nache huaña yemaye da se'eso shiỹaxaua, ỹasaxalec da lchoxonnataxanaxa so Jacob.

Génesis 32:29 Referans Kwoze

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

Da na'aqtaguec so Job 11:7

¿Qaq 'am 'aupi'itaxaatega peta'a da 'aushet da 'aunoxoneua'a na saqcha'a lhuennataxacpi Ñim Lo'onatac 'Enauacna? ¿Qalqo' 'aushet peta'a da 'avi' da 'auaỹaten ca ỹataqta saqcha'a lataxac Ñim Qaica ca Ỹaqalanapec?

Lucas 1:19

Nache so namaxashec ỹasateguet somaye, 'eeta': –Aỹem maye nachaỹem Gabriel, maye so'onataxaatacot Ñim Lo'onatac 'Enauacna. Qaq Ñimaye aỹem namaxa da 'am sa'aqtaxanem de'era no'on 'ara'axaỹaxac.

Oseas 6:1

Ña qauanaqui, nache she'eguelaxasaxa Ñim Nataxala', cha'aye Ñimaye qomi' nlaxatchiyiñi co'ollaxa, qalaxaye ishet da qaltaq qomi' no'oite' naqa'en, qataq qomi' ique'emaqche't, qalaxaye ishet da qaltaq qomi' natare'n.

Proverbios 30:4

¿Negue'tom ca ishet co'ollaxa da tasheguema na piguem qataq ñe'eguelaxañi? Qataq ¿negue'tom ca ishet da nllañi na la'at da ỹauota'a na lhuaq? Qataq ¿negue'tom ca ishet da ỹauo'o ca lpataxaalec na 'etaxat aso auaxai? Qataq ¿negue'tom co'ollaxa ca ỹo'o't naua loga'te ana 'alhua? Qataq ¿negue'tom ca ỹaỹaten ca le'enaxat Ñimaye qataq ca le'enaxat ca llalec?

Deuteronómio 29:29

Nam saqcha'a lataxacpi namayepi lalamaxatpi Ñim Nataxala' maye Qanatamnaxala', qalaxaye nam yo'oqta lataxacpi namayepi qomi' qaỹachaxanalo qome, qataq ca qoyalaqpi, yaqto' sepagaqtelec da so'otaq 'enauac ne'ena na'aqtacpi ne'ena qoỹan nqataxacpi.

Génesis 35:9

Qaq so Jacob co'ollaq ñe'eguelaq, chegaqa'a ye Padán Aram, nache Ñim Lo'onatac 'Enauacna qaltaq nachaxana somaye, nache ỹasaxalec da lchoxonnataxanaxa,

Génesis 17:5

ỹoqo'oye saishet qome da queta da 'are'enaxat Abram, nagui nache chegoqchiguiña da 'are'enaxat da Abraham, cha'aye 'am sanem da 'am lta'a qome cam qalota ỹotta'a't shiỹaxauapi.

Génesis 35:10

nache 'eeta': «'Am 'are'enaxat da Jacob, qalaxaye saishet qome da queta da 'are'enaxat damaye; qaq nache chegoqchiguiña nagui da 'am 'are'enaxat qome da Israel.» Qaq co'ollaq ime da Ñim Lo'onatac 'Enauacna naralaxat da le'enaxat somaye,

Números 20:14

Nache so Moisés ỹauo'oi soua lamaxa'she chegoqchiyiña ye Cades, da ỹamaxa da la'aqtac so nta'a ye Edom, 'eeta': «Na 'arqaỹañecpi Israel le'ecpi, da la'aqtac, 'eeta': 'Am 'auaỹaten 'enauac na lqalaicpi maye souaqaigui.

1 Reyes 18:31

Nache somaye ỹacona so doce coma'pi, ipacchigui naqa'en ye lcata so llalaqpi so Jacob, maye Ñim Nataxala' ỹanagui co'ollaxa da le'enaxat Israel.

2 Reyes 17:34

Qaq nache ivitta'a nagui da nache queto'ot da ỹo'ottac de'era togoshec maiche lataxac co'ollaxa somayepi, nache saishet da huo'o naq 'enec naqa'en Ñim Nataxala', qataq saishet da ỹo'o't naua lapaxayiñi lataxaco, qataq naua lamaxasoxonaxaco, qataq naua lqataxaco, qataq saishet da ỹalaxagueta naua lamaxasoxonaxaco qataq naua lqataxaco Ñim Nataxala', maye ỹamaxalec co'ollaxa som chegoxoguetpi so Jacob, maye Ñimaye ỹanagui co'ollaxa da le'enaxat Israel.

1 Crónicas 1:34

So Abraham nacheso so lta'a so Isaac. Qaq soua llalqa so Isaac le'enaxa't Esaú qataq so Israel.