Génesis 32:2 - La'aqtaqa Ñim Lo'onatac 'Enauacna 2013

² Qaq so Jacob, co'ollaq ila'alo soomaye, nache 'enapeco': «Ne'ena, nachena na nalleppi Ñim Lo'onatac 'Enauacna.» Qaq ỹoqo'oye nache ỹanagui da le'enaxat Majanayin yi'iye 'alhua.

Génesis 32:2 Referans Kwoze

2 Samuel 2:8

Qaq so Abner, som llalec so Ner maye lataxala' na nalleppi so Saúl, ỹaconeua'a co'ollaxa so Isboset, som llalec so Saúl, nache ỹauega ye Majanayin,

Josué 21:38

Qaq so maiche nhuo' le'ecpi maye chegoxoguetpi so Gad, nataqa'en ỹanec ye Ramot maye huaigui ye 'alhua Galaad, da yaqto' qaỹauo'o lle'eguenaqa' da huo'o ca ilamaxata'a da ỹalauat ca lỹa, qataq ye Majanayin,

Josué 5:14

Nache somaye 'enapeco': «¡'A'i saishet! Qalaxaye aỹem ñanac, cha'aye aỹem Lataxala' na nalleppi Ñim Nataxala'.» Huaña nache so Josué ỹa'alyiñi naua l-llecte iviraxata'aguet naqa'en na latap na 'alhua, nache 'eeta': «¿Ca 'eetec ca 'aỹa'anem 'ara'aqtac ne'ena 'aramaxashec 'am ỹataxala'?»

Lucas 2:13

Huaña, nache nque'elaxatta da nachaxan so qalota namaxashecpi piguem le'ecpi, somayepi do'onaxaatac ỹo'oxoreetac Ñim Lo'onatac 'Enauacna, 'eeta':

Salmos 148:2

¡Qavio'oxoreñi 'enauac qami' maye qami' lamaxashecpi Ñimaye! ¡Qavio'oxoyiñi 'enauac qami' maye qami' nalleppi Ñimaye!

Salmos 34:7

Qaq so lamaxashec piguem le'ec Ñim Nataxala', npaxattalec qataq nca'alaxatec, nam huo'o naq 'enec naqa'en Ñimaye.

1 Reyes 2:8

Qaq nataqa'en ñaq huo'o ñi Simea, ñim llalec so Gera, maye chegoxoguet so Benjamín, maye lma' ye Bajurín, maye aỹem ỹasaxalec so ỹataqta qauem la'aqtac, som na'a'q co'ollaq saỹa'a ye Majanayin. Qalaxaye co'ollaq ñe'eguelaq nache naxaama so tala Jordán da aỹem hueqata'aguet, nache aỹem sanot so ỹa'aqtac Ñim Nataxala' da saishet da salauat.

2 Samuel 17:24

Nache so Absalón qataq 'enauac so Israel le'ecpi, co'ollaq ñaq ỹa'axasoxootapeguelec so tala Jordán, nache so David mashe ivita ye Majanayin.

Daniel 10:20

Nache somaye aỹem 'enapega, 'eeta': ¿'Auaỹaten peta'a da ta'ainco' da 'am ñanaỹa? Cha'aye nagui she'eguelaxa da qaltaq selogui' ñim namaxashec maye ilotague' da no'onataxanaxac ye Persia. Qaq qom ime da selogui' ñimaye, nache anac qome ñi namaxashec maye ilotague' da no'onataxanaxac ye Grecia.

Cantares 6:13

Ña 'añe'eguelaq qome Sulamita, ña 'auasot. Ña 'añe'eguelaq, sauoqtaique da 'am sauanaqchigui. ¿Negue't ca huo'omshe huotaique qauloỹa'a ana Sulamita? ¡Qomye da lasotaxac da ỹalectaigui na laỹe dasottega'tpi!

Salmos 103:21

Qataq qavio'oxoreñi Ñim Nataxala' 'enauac qami' maye nalleppi Ñimaye, qataq lamaxashecpi maye qauo'ocheetac na 'eetapeguec Ñimaye.

2 Reyes 6:17

Nache so Eliseo, nqouagaxaunot Ñim Nataxala', 'eeta': «'Am Nataxala', 'am ñachoxonnot da nauachiguilo 'anqa'en naua la'ai'te da ỹamaxashec Guejazí, yaqto' nauaañi.» Nache Ñim Nataxala' ỹauachiguilo naua la'ai'te so lamaxashec so Eliseo. Nache somaye ila'a aye qasoxonaxapi da ỹataqta imattalec so qalota alleppi maye netalec na caaỹo, qataq na netangui aso nnaigonapi maye nalaataxaquipi maye 'ettaigui, nache coleesop ye hueta'a so Eliseo.

1 Reyes 4:14

qaq so Ajinadab, som llalec so Iddo, ilotague' so netaña ye Majanayin,

2 Samuel 2:12

Nache so Abner, som llalec so Ner chegoqchiguiña co'ollaxa ye Majanayin, da taỹa ye Gabaón, lỹatec so nalleppi so Isboset som llalec so Saúl.

1 Crónicas 12:22

Qaq 'enauaque soua na'axa'te da nquictauec so itauan so David, nache ivitta'a da qalota so alleppi maye ỹataqta 'añaxaicpi.

Salmos 24:10

¿Negue't que'eca nta'a maye ỹo'oxoraic? Qomye nacheñi Ñim Nataxala' maye Qaica ca Ỹaqalanapec. Nacheñi ñi Nta'a maye ỹo'oxoraic.