Génesis 32:13 - La'aqtaqa Ñim Lo'onatac 'Enauacna 2013

¹³ Qaq so Jacob, nache lo'ochaqa' yemaye se'eso pe, nache som hueto'otpi somaye, iỹotauga so nme naqa'en so lqaỹa Esaú,

Génesis 32:13 Referans Kwoze

Génesis 43:11

Qaq huaña nache so Israel, 'enapeco': «Hua', cha'aye mashe qaica ca lỹa lataxac damaye, qaq no'on da qauo'oche dam shenapec: qauache qome, qauachiỹaguilo caua qarachoxonaxaquilli' ca nme que'eca ỹale. Qauroỹa qome camaye ca ỹataqta no'on ala na souaqta'a 'alhua: qauroỹa ca saq 'amaqtaq qo'oipaq lcha'q le'enaxat bálsamo, qataq ca mirra, qataq ca saq 'amaqtaq dapic lli'i, qataq ca coraxat ama na laita, qataq aca qo'oipaq ala le'enaxat nueces, qataq ca almendras.

Proverbios 18:16

Ca nachetaqtaxanaxat ỹo'ot da qaỹauatec 'enauac na lasompi, qataq ỹo'ot da ishet da qaiviraua'a ca shiỹaxaua maye 'amaqtaqaic.

Proverbios 21:14

Ca nachetaqtaxanaxat maye qoỹoxotchiguiñi da qoỹan, nmooñi naqa'en ca lta'araic nalemataic.

Proverbios 19:6

Ca chetaqtaxanaxaic qalaq qalota na nauochaxauapi, qataq 'enauac da qanmitta'a da auochaxaua ca huo'o na ỹaatac.

Proverbios 17:8

Ca choche isheeten ca lỹa camaye ipi'itaxaatega da saqalaq da huo'o ca ỹo'ot, cha'aye 'enauac na ỹacoolec da ỹo'ot camaye qalaq 'enauac da ỹañoxot.

Génesis 43:26

Qaq so José co'ollaq ivireua'a so lma', nache soomaye ỹanema som lachetaqtaxanaxa't maye ndotrai', nache ỹa'alyiñi naua l-llecte, qataq iviraxata'agueta naqa'en naua lata'pi na 'alhua.

1 Samuel 25:27

Qaq nagui 'onaxaic da 'auaconeguet ne'ena ỹachetaqtaxanaxat nallec da yaqto' 'aỹa'anoigui na 'aramaxashecpi maye 'annaictague'.

1 Samuel 25:8

Qalaxaye 'aunat qome na 'aramaxashecpi, nache 'am da'aqtaxaatem qome de'era, qaq ỹoqo'oye ỹataqta lta'araic qome da ña'achecỹaxac da 'auaỹamaxatte' da 'aulo'ogueta ne'enaua ỹamaxa'she, cha'aye no'on da lviraxa'c ne'ena na'a'q. Qaq 'am ñachoxoreetot da 'aỹa'anema qome naamaye, qataq nam 'aramaxashec David cam 'am hueto'ot, cha'aye 'eeta'am da aỹem 'aỹa'alec.

Génesis 42:6

Qaq so José nacheso som ilotague' co'ollaxa yi'iye 'alhua, qataq nacheso so imeetacot na trigo 'enauac na shiỹaxauapi maye chegaqa'alo naua lỹa't nma'ate. Qaq soua lqaỹa't co'ollaq nvildeua'a somaye, nache ỹa'alyiñi naua l-llecte, qataq iviraxata'agueta naua lata'pi na 'alhua.

Génesis 33:10

Qalaxaye so Jacob ỹe'eguelaqto'ot somaye, 'eeta': «'A'i, ñaq aỹem 'arqouaguec. Da ỹoqta 'eesa da aỹem 'auchoxoren, nache no'on da 'auaconeguet nam sauotaique 'anmepi, cha'aye nagui da 'am ñauane', qalaq 'ena'am da nacheñi Ñim Lo'onatac 'Enauacna da ñauane', qataq da aỹem 'auaỹamaxatta nagui da 'am ñauane'.

Génesis 18:2

nache somaye co'ollaq namatasheguem, nache soua tres shiỹaxau' nachattrañi huetra'a so saqaỹapeque somaye. Qaq co'ollaq ilaugalo, nache nqalgaqasheguem da ilo'ogueta soomaye, nache ỹa'alyiñi naua l-llecte, ivira'aguet na latap na 'alhua,

Génesis 32:14

doscientas aso quetaqpi, qataq veinte so quetaq lhuaraicpi, qataq doscientas aso qaguetapi, qataq veinte so qagueta lhuaraicpi,

Génesis 33:8

Qaq huaña nache so Esaú denataxan, 'eeta': «¿Negue't cam qonetapeguec som shiguiỹacpi maye ñateetapeeguet?» Nache so Jacob, ỹasateguet somaye, 'eeta': «Qomye sauotaique da chegoqchigui somayepi da aỹem 'auchoxoren.»

Génesis 13:16

Aỹem so'ot qome da ỹataqta qalota camayepi, 'eeta'am na lsoche na 'alhua. Qaq da 'eetec da saishet da qanaloqten na lsoche na 'alhua, qaq nache 'eetec qome da saishet da qanaloqten ca 'am chegoxoguetpi.

Génesis 15:5

Qaq huaña, nache Ñim Nataxala' ỹauegueuga so pa'auec so Abram, nache 'enapega, 'eeta': «Ña 'auamato'ot na piguem, nache 'analoqten ana huaqaañipi, shapegueto' 'aushet da 'analoqten. Cha'aye 'era da 'eetec ye lcata qome ca 'aỹa'alaqpi.»

Génesis 22:17

da 'am saalec qome ca ỹataqta lta'araic ichoxonnataxanaxa. Aỹem so'ot qome da ỹataqta qalota ca 'am chegoxoguetpi, 'eeta'am ana huaqaañipi maye neto'ot na piguem, qataq 'eeta'am na lsoche na 'alhua maye hueto'ot na loigue aso auaxai. Qataq camayepi saq ỹet qome da loxonec ca mpa'aguenaxauapi,

Nehemías 4:13

ỹoqo'oye aỹem shenapega ñi 'oonolec da huaxaiguet ca maiche llalaqpi da naỹamaxat, ỹauo'o ca lainec, lchecna qataq lchecnec, nache nauanalec na pa'auo so saxanaxa da qano'oxoosheguem se'eso npaqtaxanaxat.