Génesis 32:11 - La'aqtaqa Ñim Lo'onatac 'Enauacna 2013

¹¹ ¡Qaq ñaq aỹem 'arqouaguec qome, da aỹem 'anca'alaxateeguesop da lhuaqỹaxac na ỹaqaỹa Esaú! Cha'aye huo'o da icolanaxa da anac da aỹem iloquiaxan, nache ỹalauat na 'alpi, qataq na ñaqpiolec.

Génesis 32:11 Referans Kwoze

Proverbios 18:19

Ca nqaỹa maye qainogoqchet ỹataqta qaica ca ivireua'a 'eeta'am ca huaqta'a't nỹecpi maye qaỹapotaua'a. Qataq na cotaxacpi qalaq 'eeta'am ca lapoxot ca nỹec lta'araic.

Mateo 6:13

Qataq da qomi' nvitalo ca qañe'eguenataguec, nache saishet da qomi' 'auashenegueta da chegoqchigui camaye da 'am qolaqa'ai. Qataq qomi' 'anca'alaxateeguesopa da la'añaxac so pa'aguenataxanaxaic.» [Cha'aye 'aralamaxat da no'onataxanaxac qataq da na'añaxac qataq da ño'oxoyec maye qaica ca loga't. Aja', nache 'eetec.]

Oseas 10:14

nache na maiche 'arhuo' le'ecpi lliỹa't qome, qataq 'enauac na lpaqtaxat na nỹecpi qailaxachigui, 'eeta'am ye Bet Arbel co'ollaq nlaxaañi so nta'a Salmán, co'ollaq qaỹalauat so 'alpi cañe' qanqa'en so llalaqpi.

Daniel 3:17

Cha'aye Ñim Qanatamnaxala' maye sho'oxorenaqtac, Ñimaye ishet da qomi' nca'alaxateeguesopa na le'eraxa aca nqatelaxanaxaqui, qataq qomi' nca'alaxateeguesopa 'enauac nam qauem maye huotaique da qomi' 'auo'oteque 'am nta'a.

Salmos 142:6

Ñaq 'aua'axaỹa qome da iỹaxanaxac cha'aye mashe qaica ca ỹa'añaxac, aỹem 'anca'alaxateeguesop qome na aỹem icaatacpi, cha'aye namayepi ỹaguec da 'añaxaicpi, aỹem napacalec.

Salmos 119:134

Qataq aỹem 'eltaxaneguet qome da layeloxo na shiỹaxauapi, cha'aye sauotaique da salaxagueta naua 'aramaxasoxonaxaco.

Salmos 43:1

'Am Atamnaxala', ñaq aỹem 'auo'otec ca nalochiguiñi lataxac. ¡Ñaq aỹem 'ampaxaalec souaxat ne'ena shiỹaxauapi qauemaicpi! ¡Ñaq aỹem 'anca'alaxateeguesop na shepecaicpi qataq na qaica ca iren,

Salmos 31:2

Ñaq aỹem 'aua'axaỹa qome, nache sa 'anaỹaloxon da aỹem 'anca'alaxatec. Cha'aye nache qoneta'am ca coma' da aỹem 'ampaxattalec, cha'aye 'am ỹe'eguenaxala' qataq ica'alaxaqui.

Salmos 25:20

¡Ñaq aỹem 'antela'a, qataq 'anca'alaxatec da ñachaalataxac! ¡Saishet da aỹem 'auasheneguet da ña'aloxonaxac, cha'aye nachaq 'amta da aỹem 'ampaxattalec!

Salmos 16:1

Ñaq aỹem 'antela'a qome 'Am Ñatamnaxala', cha'aye nache 'amta da 'am ỹe'eguenaxala'.

1 Samuel 24:15

¡Qaq Ñim Nataxala' nacheñi ñi qomi' nmi't qome! ¡Qaq Ñimaye nmi't qome cam sasoilec, nache aỹem iueelec da yaqto' aỹem ỹeltaxaneguet da qoneta!

1 Samuel 12:10

Qalaxaye co'ollaq ime de'era, nache somayepi da'aqtaxaatem Ñim Nataxala' da huo'o da ỹasouaxat, cha'aye ca'ai Ñimaye da yaqto' natamnot so ỹotta'a't lqui'ipi so Baal, qataq aso Astarté, nache iỹaxanot Ñimaye da isoueeguesop da la'añaxac so mpa'aguenaxauapi, qataq ỹanot da la'aqtac da nacheñita Ñimaye da queto'ot da ỹo'oxoreetac.

Génesis 27:41

Qaq nache chegoqchiguiña co'ollaxa da so Esaú nquiỹa so Jacob, souaxat so nchoxonnataxanaxa maye so lta'a ỹanem somaye, nache deuennataxaataco', 'eeta': «Mashe saqaỹaloq da huo'o ca qarasouaxac souaxat ca l-leuaxa ñi ita'a. Qaq qom ime camaye, nache aỹem salauat qome ñi ỹaqaỹa Jacob.»

Deuteronómio 22:6

Qaq da huo'o ca quetague' ca nqa'aic, nache da ilalec ca qoỹo lpata'c da netasheguemec aca qo'oipaq, huo'otaq da netaña na pa'aguiñi netanguilo caua llalqa huo'otaq caua lco'oue'ete, qataq nqapaxaataleguete aca late'e, nache saishet da ỹaconalo caua llalqa da lỹaueegueto naqa'en aca late'e,

Génesis 27:42

Qaq aso Rebeca co'ollaq ỹaỹaten da lhuennataxa so Esaú, nache damaxasoxoneuga so Jacob, nache 'enapega, 'eeta': «Ñaq 'aula'a, da so 'arqaỹa Esaú ỹauotaique 'am ỹalauat da yaqto' ipalaique ca lvi'.

Génesis 32:3

Qaq ime co'ollaxa, nache so Jacob ỹauo'oi soua ỹama'q da taỹalo naqa'en ye 'alhua Seir, maye huaigui ye 'alhua Edom, da ỹauo'o da la'axaỹaxac so lqaỹa Esaú.

Génesis 32:7

Qaq so Jacob, co'ollaq hua'axaỹa de'era, nache ỹataqta huo'o da lcolanaxa, qataq ỹataqta lta'araic da 'eeta. Qaq huaña, nache dos naqa'en naua lpa'axaco som shiỹaxauapi maye nnaictague' somaye, qataq nataqa'en aso qaguetapi, huacapi, qataq aso cameellopi,

Génesis 33:4

Qalaxaye so Esaú, nqalgoqta'aguet somaye, nache qapalot na lqosot, qataq napigoxoi'. Nache soomaye nỹeeta'a't.

Génesis 24:27

nache 'eeta': «¡Ỹataqta qaỹo'oxoren qome Ñim Nataxala', Ñim Natamnaxala' ñi ña'aco' Abraham, cha'aye ipacchigui da la'aqtac, qataq ỹasaxalec da lauotaxanaqtaic ñi ña'aco', qataq aỹem nauecteuga na nqa'aic maye naỹa'a na lma' na lauo' le'ecpi ñimaye!»

2 Samuel 7:18

Nache so nta'a David, taua'a so lanataqa' Ñim Nataxala', nache 'enapego' Ñimaye, 'eeta': «'Am Nataxala', ¿negue'to' aỹem, qataq na ỹalaqpi da aỹem 'anviraxatta'a ne'ena?