Génesis 31:7 - La'aqtaqa Ñim Lo'onatac 'Enauacna 2013

⁷ Qalaxaye ñimaye aỹem ỹatenachet, cha'aye naralaxatta'aguet da lataxac da ỹashiichiỹaxac. Qalaxaye Ñim Lo'onatac 'Enauacna, saishet da ỹashenem ñimaye, da aỹem ỹo'otec ca sa ỹaỹamaxañi.

Génesis 31:7 Referans Kwoze

Génesis 31:41

Qaq ivi' soua veinte vi'iye da sootaña ye 'arma', qaq 'ena 'enauac na aỹem taỹot: ivi' soua catorce vi'iye da so'onataxaatapeguelguete ñeua 'aỹa'ale, qataq seis vi'iye da so'onataxaateguelec na 'ana'atetpi, qataq 'anaralaxatta'aguet co'ollaxa da lataxac da ñesheetenaguec.

Génesis 31:29

Aỹem ishet taxa da huo'o ca qami' so'oteque qauem, qalaxaye so pe, aỹem detaxaỹot Ñim Natamnaxala' ca 'arta'a, nache 'eeta': Ñaq Aỹem 'ana'axaỹaxana, saishet qome da sa 'auchera'ape naua 'ara'aqtaqa qom qonapega so Jacob.

Zacarías 8:23

Qaq que'eca na'a'q, na qalota ỹotta'a't shiỹaxauapi maye ỹotta'a't na la'aqtacpi, ỹacootaua'a qome ca lapo' laỹe ñi 'oonolec judío, nache 'enapega 'eeta': ‹¡Qomi' 'aua'aqta'alo da 'am seca'ataxague, cha'aye saỹatenaq da Ñim Lo'onatac 'Enauacna qami' hueta'agueta!›»

Salmos 37:28

Cha'aye Ñim Nataxala' ỹauotec da nalochiguiñi lataxac, qataq saishet da ca'ai ca quetegue Ñimaye. Qalaxaye nlaxaañi na qauemaicpi qataq saishet da huo'o ca no'onañi naqa'en na chegoxoguetpi.

Nehemías 4:12

Qalaxaye huo'o so judiiopi maye lauoreuapi somayepi, qaq nacheso so qomi' icoyegue'n naxa da huotaique da anac somayepi da qomi' iloquiaxa'n,

Números 14:22

nache qaica ca 'oonolec nam ỹauaachigui da ỹo'oxoyec, qataq na na'anecpi maye so'ot co'ollaq huaña ye Egipto, qataq so huaña ye toolec 'alhua, qataq nam qalota da Aỹem ỹe'eguen, qataq na saishet da aỹem ỹalaxaguet,

Isaías 54:17

qalaxaye qaica co'ollaxa ca ỹo'ot ca no'ogoxonaxat maye ishet da 'am ilaxachigui. Qaq 'am 'auo'otec qome da chochaq ñe'emaxat nam 'eetega huo'o ca 'arasouaxashet. Qaq 'era da sanem, nam Aỹem ỹo'oxoreetac, dam lca'alaxa namayepi aỹem chegoqo'ot qome.» Qaq 'era da la'aqtac Ñim Nataxala'.

Isaías 4:1

Que'eca na'a'q saq 'amaqtaq qome ca no'onañi ỹalleppi, qaq caua siete 'alol deloctrapigui qome ca 'oonolec ỹale, nache caamaye 'enapega qome camaye, 'eeta': «Qomi' maiche souaqapegue' qome da qarquia'axac, qataq maiche souaqapegue' da qano'otaxac, qaq nacherata qome da qomi' 'aỹa'anema da 'are'enaxat, nache qomi' 'ausoueeguesopa da qarcoxo.»

Da na'aqtaguec so Job 19:3

Qataq qavi'iguelaxacheetalec da aỹem qaunoxoqchichiitac, ¿Qalaq qaica ca qara'aloqoi da aỹem qoñiita'ac de'era?

Da na'aqtaguec so Job 1:10

Cha'aye 'Am ỹataqta sa 'auashen da huo'o ca ipoteua'a ñimaye, qataq na llalaqpi, qataq 'enauac nam hueto'otpi na'atetpi. Qataq ỹataqta 'auchoxonnec 'enauac na ỹo'otpi, qaq ỹoqo'oye ñimaye ỹataqta napacalec da lsallaxa 'enauac na netalec yi'iye 'alhua.

Levítico 26:26

Qaq da ivita da selaxachigui ca qaraỹamaqtaqui nallec, huaña nache caua diez 'alo, da ỹauot aca qanqoi nauolepi, nache dauoxonoigui aca 'oonole qatelaxanaxaqui, souaxat da saq 'amaqtaq ca nallec. Qataq da qanallec, nache ỹataqta qalcoreeta, huaña nache saishet da ỹataqta qami' comaraxaiqa.

Génesis 20:6

Nache Ñim Lo'onatac 'Enauacna ỹasateguet somaye huaigui so lchoxonaxac, 'eeta': «Aỹem saỹateeta da ỹataqta qaica ca 'auauotaique da 'auo'ot de'era. Ỹoqo'oye saishet da 'am sasheetem da 'arauañi' añimaye, yaqto' saishet da Aỹem huo'ot ca 'arasouaxashet.

Da na'aqtaguec so Job 19:8

Cha'aye Ñim Lo'onatac 'Enauacna ỹapogui so nqa'aic da yaqto' saishet da sateuga, qataq ỹataqta napalñi naqa'en so ỹec.

Génesis 15:1

Qaq co'ollaq ime de'era, nache Ñim Nataxala' detaxaỹot so Abram, huaigui naqa'en so lauanaqchec, 'eeta': «Abram, saishet da 'añi'i, cha'aye aỹem 'arpaqtaxanaxat. Ca 'ansheetenaguec ỹataqta lta'araic qome.»

Génesis 29:25

Qaq so nte'etom so lỹa na'a'q, nache so Jacob noma da lauatañi' so pe aso Lea, nache 'enapega so Labán, 'eeta': «¿Negue't dam aỹem 'auo'otec? ¿Saisheto' peta'a da so'onataxaateguelec aso Raquel? Qaq ¿ta'ainco' da aỹem 'auatenachet?»

Génesis 30:28

Aỹem 'aua'aqtaxanem, negue't aca 'auỹaxanaique 'arasheue, qaq aỹem sesheeten qome.»

Génesis 31:24

Qalaxaye se'eso pe, nache Ñim Lo'onatac 'Enauacna, ỹachaigui so lchoxonaxac da nachaxana so Labán som arameo, nache 'enapego', 'eeta': «Ñaq aỹem 'ana'axaỹaxana, saishet qome da sa 'auchera'ape naua 'ara'aqtaqa da qonapega so Jacob.»

Daniel 1:20

Qaq 'enauac nam lataxacpi maye iuen ca naỹaanec, qataq naỹaanataxanaxac, maye denataxanec so nta'a, qaq somaye ila'a da ỹactec da laỹaane'c soomaye, napacalec som 'oiquiaxaipi, qataq som ilaviigui ca lỹa maye lo'onataxanaxanecpi somaye.