Génesis 31:5 - La'aqtaqa Ñim Lo'onatac 'Enauacna 2013

⁵ nache 'enapegalo', 'eeta': «Aỹem mashe ñanoma da ñi qarta'ai, saishet da aỹem ilo'oguet, da 'eeta'am so hua'autec, qalaxaye Ñim Natamnaxala' ca ita'a saishet da aỹem iỹotec.

Génesis 31:5 Referans Kwoze

Génesis 48:15

Qaq huaña nache ỹanem da no'on la'aqtac so José, 'eeta': «Ñim Lo'onatac 'Enauacna ñim lalaxaret soua ita'al Abraham qataq so Isaac; Ñim aỹem nteltega chegoqchiguiña so na'a'q co'ollaq sañiguiñi,

Génesis 31:53

Qaq maiche qomi' nmi't qome Ñim Natamnaxala' so 'arapi' Abraham, qataq som ỹapi' Najor. Qaq huaña, nache so Jacob ỹanot so la'aqtac Ñim Lo'onatac 'Enauacna maye natameetacot co'ollaxa so lta'a Isaac.

Génesis 31:42

Qaq taxa da saishet da aỹem hueta'aguet Ñim Natamnaxala' so Abraham, Ñim Natamnaxala' so ita'a Isaac, nache yo'oqtactaxa da choche aỹem 'auamaqtec, qui'itchiguilo 'anqa'en naua ihua'q. Qalaxaye Ñim Lo'onatac 'Enauacna ilota'a co'ollaxa da ỹaquicoxo, qataq dam naigui da ỹo'onataxanaxac, qaq ỹoqo'oye so pe 'am nlaxa.»

Génesis 50:17

da 'am sa'aqtaxanaxam da la'aqtac maye 'eeta': Aỹem 'arqouaguec qome, 'am seỹaxanot da 'auchoxoren da sa ỹaỹamaxañi maye 'am ỹo'otec naua 'arqaỹa't, cha'aye naamaye ỹataqta qauem da 'am ỹo'otec. Qaq ỹoqo'oye nagui 'am ñachoxonnaqot da qomi' 'auchoxore'n cha'aye qomi' lamaxa'she Ñim Natamnaxala' so 'arta'a.» Qaq soua namaxa'she co'ollaq ña ỹa'axattrac de'era na'aqtac, nache so José nỹeetac.

Génesis 32:9

Ime, nache so Jacob natamen, 'eeta': «'Am Nataxala', maye 'Am Natamnaxala' so ỹape Abraham, qataq ca ita'a Isaac. 'Am maye aỹem qonapega co'ollaxa da she'eguelaxa ye ña'alhua, qataq ye ihuo' le'ecpi, qataq aỹem 'auo'otec da qaica camachaqca da ỹecỹaxac,

Génesis 31:13

Aỹem Nachaỹem So'otapecna maye 'am ñachaxana co'ollaq huaña ye Betel, yem huaña co'ollaxa da 'aucorelec so aceite so coma', qataq huaña da Aỹem 'aỹa'anot so 'ara'aqtac. Qaq ña qoñisheguem qome, nache qoca'ai ne'ena 'alhua; 'avi'eguelaxa ye 'alhua maye 'arañoqo' co'ollaxa.›»

Génesis 21:22

Qaq nache huetoigui se'eso na'a'q, da so Abimelec nqo'ona so Abraham da detaxaỹapegue'. Qaq nnaictague' co'ollaxa so Ficol, som lataxala' so nalleppi. Nache so Abimelec 'enapego' so Abraham, 'eeta': «Qomi' selaqa'a da Ñim Lo'onatac 'Enauacna, 'am itauaatac 'enauac nam 'auo'otpi.

Hebreos 13:5

Qataq saishet da ỹaguec da qarhuogoqoi da qanaviqui aca anom. Nachaqrata da qantoñiitapeguec cam qami' hueto'oto, cha'aye Ñim Lo'onatac 'Enauacna 'eeta' da la'aqtac maye nanettalec ana nere maye huetalec na la'aqtacpi Ñimaye: «Saishet da 'am seỹotec, qataq saishet da 'am salat.»

Génesis 28:13

Qaq nataqa'en ilota'a co'ollaxa da Ñim Nataxala' nachattañi, hueta'a som pa'asheguem se'eso napiaxala', nache 'eetega somaye, 'eeta': «Aỹem nachaỹem Nataxala', maye Natamnaxala' so 'arapi' Abraham, qataq ñi 'arta'a Isaac. Qaq 'am qataq ca 'am chegoxoguetpi, sanem qome ne'ena 'alhua maye 'annaatalec nagui.

Génesis 28:15

Qaq Aỹem 'am soota'aguet, qaq maicheye cam 'aigue qalaq 'am ñepaxattalec qome, qataq 'am ñe'eguelaxata qome ne'ena 'alhua. Saishet qome da 'am salat, choche ivitta'a da sepacchigui da so'ot 'enauac nam 'am sachaxanapecotpi.»

Génesis 31:4

Nache so Jacob damaxasoxona aso Raquel qataq aso Lea, da yaqto' tauga so Jacob maye huetauga so no'onaxa da ilotague' aso qaguetapi,

Génesis 31:29

Aỹem ishet taxa da huo'o ca qami' so'oteque qauem, qalaxaye so pe, aỹem detaxaỹot Ñim Natamnaxala' ca 'arta'a, nache 'eeta': Ñaq Aỹem 'ana'axaỹaxana, saishet qome da sa 'auchera'ape naua 'ara'aqtaqa qom qonapega so Jacob.

Isaías 41:10

Saishet qome da 'añe'etac cha'aye Aỹem 'am soota'aguet, saishet da 'añe'etac cha'aye nache Aỹem 'Anatanmaxala'. Aỹem 'am sanem da 'ara'añaxac, Aỹem 'am setauan qome, Aỹem sauota'a qome na ihuaq maye huegaxanaxaic da 'am ñasoqtañi.

Génesis 26:24

Qaq nacheso, se'eso pe da Ñim Nataxala', nachaxana somaye, nache 'enapega, 'eeta': «Aỹem, nachaỹem Natamnaxala' so 'arta'a Abraham. Saishet qome da 'añi'i, aỹem 'am soota'aguet. Qaq souaxat so ỹamaxashec Abraham, nache 'am saalec qome da ichoxonnataxanaxa, qataq qalota ñaqa'en ca 'am chegoxoguetpi.»