Génesis 31:1 - La'aqtaqa Ñim Lo'onatac 'Enauacna 2013

¹ Qaq so Jacob ỹaỹaten co'ollaxa da soua llalqa so Labán quetrapeguelec somaye, 'eeta': «Ñi Jacob ỹacona 'enauac so lalamaxatpi ñi qarta'a, qaq nacheso so desalligui ñimaye.»

Génesis 31:1 Referans Kwoze

Eclesiastés 4:4

Qaq nataqa'en sela'a da 'enauac nam no'onatacpi maye ỹataqta ỹaỹamaqchiguiñi, qataq ỹo'ot da ño'oxonnataguec ca shiỹaxaua, namaye ỹo'ot da nquiỹata'a't caua shiỹaxau'. Qaq nataqa'en damaye qaica ca naigui, 'eeta'am da 'eetec da huotaique qanllañi na la'at.

1 Pedro 1:24

Cha'aye ana nere maye huetalec na la'aqtacpi Ñim Lo'onatac 'Enauacna 'eeta': «'Enauac na ỹotta'a't shiỹaxauapi 'eeta'am ana huoue; qataq dam la'amaqchec 'eeta'am aca lauoxo anamaye. Ana huoue taỹa'a da deqaqa, qataq naañi ana lauoxo,

Tito 3:3

Cha'aye nataqa'en qomi' co'ollaxa soua hua'au' na'axa'te, qomi' qaica ca saỹaanaqpec qataq qomi' qauemaiqa, sesomaqtac qataq qomi' l-lataqa na ỹotta'a't qarqopitaxanaqtaicpi. Souaqtaigui na qauemsat qataq da nquiỹaxanaqtaic qataq seviraqta'a da ñepa'aguenaqta'a't.

1 Timoteo 6:4

nache que'eca shiỹaxaua choche na'amqaanaxaic, qalaxaye qaica ca ỹaỹaten, qataq maiche lataxac da lqopitaxat da cotaxac da ivita da qanmittaique nam naiguipi na na'aqtacpi. Qalaxaye damaye chegaqaigui da nquiỹaxanaqtaic, qataq da nayeloxo, qataq nsheunaxanaxac, qataq saishet da qaỹa'amaqten ca nỹa,

Mateo 4:8

Qaq pa'atec nache so pa'aguenataxanaxaic ỹauega So Jesús aso qaỹoqotcheguemec 'alhua. Nache hualec asomaye da imeenaxanaxanec na 'alhuapi maye hueta'a na sallaxanecpi qataq 'añaxaicpi.

Ezequiel 16:44

Qaq 'enauac nam ỹauoteque naua neta'a't na'aqtaqa, qom 'am detaxaỹa qalaq 'eeta': Dam lataxac aca nate'e, nache lataxac aca ñale.

Jeremías 9:23

Ñim Nataxala' 'enapec: «Saishet qome da na'amaqten ca ỹaanaxanaxaic souaxat da huo'o da laỹaanec, qataq ca 'añaxaic souaxat da huo'o da la'añaxac, qataq ca sallaxanec souaxat da huo'o da lsallaxa.

Isaías 5:14

Qaq ỹoqo'oye aca huachiqui nquigaxatec qome na lauel, qataq qaica ca loga't da ỹauattagui na alap da yaqto' iuoxonañi na nhuo' le'ecpi qataq na lataxala'pi, nam shiỹaxauapi maye ỹo'ottac na qauem qataq na la'ashaxacpi.

Proverbios 27:4

Da nayeloxo ỹataqta qauem qataq da nalemataic ishet da huo'o ca ilaxachigui, qalaxaye da nquiỹaxanaqtaic qaica ca ishet da mpaxata'aguet.

Proverbios 14:30

Da ỹe'emaqtac da nquiyaqteỹaxac, nache no'oita naqa'en da no'ocỹaxac, qaq da nquiỹaxanaqtaic qalaq ivira'a da iche'c naua npi'ineqa.

Salmos 57:4

Aỹem sootangui na llonpi, aỹem coleesop na shiỹaxauapi maye chec na lỹa, naua lhue namayepi qalaq 'eeta'am ana taquiaxai qataq ana checna, qaq na lachaxat 'eeta'am na ỹeelonec maye qaiqueuocta.

Salmos 17:14

'Aurolec qome da 'ara'añaxac, 'Am Nataxala' da aỹem 'anca'alaxateeguesop namayepi, qataq ca'ai 'anqa'en ana'ana 'alhua maye nhuanaua'a de'era nachaalataxac. Ỹoqo'oye 'aua'axaỹa'a qome namayepi da yaqto' qalota da lsallaxa, qataq da ỹataqta icoma' na llalaqpi da deque'etac, qataq da ivirauga 'anqa'en da lquia'axac ca laualpi.

Da na'aqtaguec so Job 31:31

Qataq saishet da huo'o ca 'oonolec na aỹem neto'otpi, da huo'otaq saq comaraxaic da datalec ca iquia'axala',

Ester 5:11

nache da'aqtaxaateguema soomaye da lta'araic lsallaxa, qataq so qalota llalaqpi, qataq da 'eetec da so nta'a ỹataqta huo'o naqa'en da la'amaqchec, qataq da llo'oxonnatac somaye, napacalec som laỹepi nta'alpi qataq som do'onataxaatacot so nta'a.

Génesis 45:13

Qaq qaua'aqtaxañim qome ca ita'a dam ỹa'añaxac da selotague' na Egipto, qataq 'enauac nam qauauañiichigui ne'ena soota'a. ¡Qaq sa qanaỹaloxoñi qome da qavi'iguiñiỹa'a da qanaviqui ca ita'a!»

Génesis 30:43

Qaq 'era da 'eetec so Jacob, da ivira'a da ỹataqta sallaxanec, nache ỹataqta qalota aso lalo qaguetapi, qataq so lamaxashecpi qataq aso lamaxashepi, qataq aso lalo cameellopi, qataq so 'ashenapi.

Génesis 31:2

Qaq so Jacob nataqa'en ỹauatton da so Labán saishet da no'on da lasheguiỹaxac da ỹamato'ot somaye, qaq saishet da 'eeta'am so hua'autec.

Génesis 31:43

Qaq huaña, nache so Labán ỹasateguet so Jacob, nache 'eeta': «Ne'enaua 'alo, maiche ỹalel, qataq naua llalqa maiche ihua'alle, qataq ana qaguetapi maiche ỹalamaqte, qaq ¡'enauac ne'ena 'aulota'api, maiche ỹalamaxatpi! Qalaxaye ¿negue't ca ishet da so'oteque naua ỹalel, huo'otaq naua llalqa naamaye?