Génesis 30:4 - La'aqtaqa Ñim Lo'onatac 'Enauacna 2013

⁴ Qaq 'era da 'eetec aso Raquel, da ỹanem co'ollaxa so Jacob aso lamaxashe Bilá, da yaqto' ỹauo'o lhua lỹa. Qaq so Jacob lauañi' co'ollaxa aso Bilá,

Génesis 30:4 Referans Kwoze

2 Samuel 12:11

Qataq 'eeta' da la'aqtac Ñim Nataxala': ‹Aỹem, so'ot qome da na 'aralamaxat 'aỹa'alaqpi, maiche 'am ỹo'otec ca qauem. Qataq 'auauaachigui qome da, ana 'aramoxouapi lauañi' ñaqa'en ca 'oonolec 'arhuo' le'ec, ca na'a'q laiñi.

Génesis 35:22

Nache so Israel co'ollaq mashe netaña se'eso 'alhua, nache so Rubén lauañe' co'ollaxa aso Bilá, asom ỹaqauga lhua so lta'a. Qalaxaye so Israel ỹaỹaten co'ollaxa de'era. Qaq soua llalqa so Jacob soomaye ivi' doce.

Génesis 33:2

Ime, nache ỹa'auaxaarec soua lamaxashel nnaictagueto soua llalqa. Qaq ime, nache jec naqa'en aso Lea, nnaictagueto naqa'en soua llalqa, qaq pa'atec naqa'en da jec aso Raquel qataq so llalec José.

Génesis 25:6

Qaq so llalaqpi asom ỹaqauga lhuapi so Abraham, qalaq nacherata da ỹauo'o so nme ñi 'oonolec somayepi. Qaq co'ollaq ña nca'altauec so Abraham, nache se'eso llalaqpi ca'ai naqa'en so Isaac, nache ỹamaxa ye 'alhua maye pa'aigue da nala' lliguisheguem.

Génesis 25:1

Qaq so Abraham, qaltaq huo'o aso dalaxai lhua le'enaxat Cetura.

Génesis 22:24

Qaq so Najor, nataqa'en huo'oi soua llalqa maye late'e' aso Reúma, asom ỹaqauga lhua somaye. Qaq soomaye le'enaxa't da Teba, Gaján, Tajás qataq Macá.

Génesis 21:10

Nache jec da 'enapega so Abraham, 'eeta': «¡'Auamaqauec qome añi nlata qataq ñi llalec! Ñim ỹalec Isaac, saishet qome da nhuana'ai' ñim llalec añi nlata da taleguete na 'aralamaxatpi.»

Génesis 16:2

Nache aso Saraí, 'enapego' so lhua Abram, 'eeta': «Ñaq 'aula'a da Ñim Nataxala', saishet da aỹem ỹanem ca ỹalec, qalaxaye 'am ñachoxonnot da qoue'eguet qome añi ilata Agar, shapegueto' ishet da huo'o ca ỹalec da chegoqchigui añimaye.» Nache so Abram, ỹaỹamaxareeta da la'aqtac aso Saraí,

Génesis 30:5

nache asomaye deco'oiguet so Jacob.

Génesis 29:29

Qaq so Labán nataqa'en ỹanem aso Raquel aso lỹa lamaxashe somaye, maye le'enaxat Bilá, da yaqto' huetague' asomaye.

Génesis 46:25

Qaq 'esoua soua llalqa aso Bilá co'ollaq deco'oiguet so Jacob. Aso Bilá nachaso aso lamaxashe so Labán maye ỹanem co'ollaxa aso llale Raquel da ỹauo'o lamaxashe. Qaq da ima'a't soomaye, nache ivi' siete shiỹaxau'.