Génesis 30:26 - La'aqtaqa Ñim Lo'onatac 'Enauacna 2013

²⁶ Qaq aỹem 'aỹa'anema qome naua ỹalqa, qataq ñeua ihua't, cha'aye nacheñiua ñim huo'omshe 'am so'onataxaatacot, nache aỹem 'aua'aqta'a qome da ashec. 'Am, 'auaỹateeta da 'eetec da ỹo'onataxanaxac da 'am so'onataxaatacot.»

Génesis 30:26 Referans Kwoze

Oseas 12:12

Qalaxaye so Jacob, ỹe'eguena co'ollaxa ye 'alhua Aram, qaq nache huaña yemaye da ilotague' aso qaguetapi, da do'onataxaateguelec da lasheechiỹaxac aso lhua.

Génesis 29:30

Qaq so Jacob nache huaroneguet nataqa'en aso Raquel, qaq ỹataqta ỹauotec asomaye, saq 'ena'am aso Lea. Qaq na'aictaxa da nache queta da do'onataxanot so Labán, iviraxattrec soua lỹa't siete vi'iye.

Génesis 31:31

Nache so Jacob ỹasateguet so Labán, 'eeta': «Qomye huo'o co'ollaxa da icolanaxa, cha'aye tachigui iuel, da ishet da 'auotaxaneque naua 'aỹa'ale da 'aurolec da 'ara'añaxac.

Génesis 31:26

Qaq huaña, nache 'enapega, so Jacob, 'eeta': «¿Negue't dam 'auo'ot? ¿Ta'ainco' ye aỹem 'auatenachet? ¡Ye 'auanacoto' naua ỹalel, da 'eeta'ama 'anqa'en caua noxonal da huaigui ca alaataxac!

Génesis 31:6

Qami' qauaỹaañita da co'ollaq so'onataxaatacot ñi qarta'ai, qalaq ỹataqta nda'a't da ña'añaxataxac.

Génesis 29:18

Qaq so Jacob ye ỹataqta nqopita aso Raquel, nache ỹasat, 'eeta': «Aỹem so'onataxaalec qome ara 'aỹa'ale na'asa Raquel, ivittrec caua siete vi'iye.»