Génesis 30:25 - La'aqtaqa Ñim Lo'onatac 'Enauacna 2013

²⁵ Qaq aso Raquel, co'ollaq mashe ñiguiñi so llalec José, nache so Jacob 'enapego' so Labán, 'eeta': «Aỹem 'auasheeta qome da she'eguelaxa ye maiche ña'alhua.

Génesis 30:25 Referans Kwoze

Génesis 24:54

Qaq co'ollaq ime de'era, nache somaye, qataq soua nnaictagueto, cheta'ague da deque'e' qataq nỹo'm, qataq nache huera'a se'eso nma' se'eso pe. Qaq so lỹa na'a'q co'ollaq ñiyishegue'm, nache so namaxashec, 'enapeco': «Ñaq aỹem qauashiñiita da she'eguelaxague da lma' ca ña'aco'.»

Génesis 24:56

Qalaxaye so namaxashec, 'enapeco': «'A'i, saishet qome da aỹem qanlliitañi. Ñim Lo'onatac 'Enauacna, mashe aỹem ỹanem da qaica camachaqca da ỹecỹaxac, qaq ỹoqo'oye no'on da aỹem qauashiñiitem da she'eguelaxague da lma' ca ña'aco'.»

Génesis 31:55

Qaq so nte'etom so lỹa na'a'q, nache so Labán ñesheguem, nache napigoxoi' soua laua'alle qataq soua llalel. Qaq ime, nache ỹasaxalec da lchoxonnataxanaxa soomaye, ime, nache ỹe'eguelaxa so na'alhua.

Génesis 31:13

Aỹem Nachaỹem So'otapecna maye 'am ñachaxana co'ollaq huaña ye Betel, yem huaña co'ollaxa da 'aucorelec so aceite so coma', qataq huaña da Aỹem 'aỹa'anot so 'ara'aqtac. Qaq ña qoñisheguem qome, nache qoca'ai ne'ena 'alhua; 'avi'eguelaxa ye 'alhua maye 'arañoqo' co'ollaxa.›»

Génesis 28:15

Qaq Aỹem 'am soota'aguet, qaq maicheye cam 'aigue qalaq 'am ñepaxattalec qome, qataq 'am ñe'eguelaxata qome ne'ena 'alhua. Saishet qome da 'am salat, choche ivitta'a da sepacchigui da so'ot 'enauac nam 'am sachaxanapecotpi.»

Génesis 28:13

Qaq nataqa'en ilota'a co'ollaxa da Ñim Nataxala' nachattañi, hueta'a som pa'asheguem se'eso napiaxala', nache 'eetega somaye, 'eeta': «Aỹem nachaỹem Nataxala', maye Natamnaxala' so 'arapi' Abraham, qataq ñi 'arta'a Isaac. Qaq 'am qataq ca 'am chegoxoguetpi, sanem qome ne'ena 'alhua maye 'annaatalec nagui.

Génesis 26:3

qaq nagui, qalaq no'on da nache qonetaña ne'ena 'alhua. Aỹem 'am soota'aguet qome, qataq 'am sanem da ichoxonnataxanaxa, cha'aye 'am, qataq ca 'am chegoxoguetpi, sanem qome 'enauac ne'ena 'alhua. Qaq yaqto' sepacchigui dam sachaxanapeguem co'ollaxa so 'arta'a Abraham.

Génesis 18:33

Qaq Ñim Nataxala', co'ollaq ime da detaqtague' so Abraham, nache jec ca'ai ye hueta'a. Qaq so Abraham qalaq ỹe'eguelaxaua'a so lpe'l.

Hebreos 11:9

So Abraham, souaxat da ỹataqta lta'araic da lpi'iỹaxac Ñim Lo'onatac 'Enauacna, nache 'eeta'am ca ỹaqa'a ca chegaqa'ague co'ollaq netalec ye 'alhua maye Ñim Lo'onatac 'Enauacna ỹachaxanapecot co'ollaxa somaye. Qaq somaye netaigui so lpe'l 'eeta'ama da 'eete'c co'ollaxa soua Isaac qataq so Jacob maye nataqa'e'n Ñim Lo'onatac 'Enauacna ỹachaxanapecoto co'ollaxa yi'iye 'alhua.