Génesis 30:2 - La'aqtaqa Ñim Lo'onatac 'Enauacna 2013

² Qalaxaye so Jacob, ye ỹataqta dalemataỹa asomaye, nache 'enapego', 'eeta': «¿Peta'a nachaỹemo' maye So'ot 'Enauacna? Ñimaye maye saỹauo'o ca 'aỹa'alaqpi.»

Génesis 30:2 Referans Kwoze

Génesis 16:2

Nache aso Saraí, 'enapego' so lhua Abram, 'eeta': «Ñaq 'aula'a da Ñim Nataxala', saishet da aỹem ỹanem ca ỹalec, qalaxaye 'am ñachoxonnot da qoue'eguet qome añi ilata Agar, shapegueto' ishet da huo'o ca ỹalec da chegoqchigui añimaye.» Nache so Abram, ỹaỹamaxareeta da la'aqtac aso Saraí,

Salmos 127:3

Nam qoyalaqpi, namayepi qomi' ỹaatema Ñim Nataxala', da alaỹaxac da qarco'oxoc damaye nachera da qanqouagaxa.

2 Reyes 5:7

Qaq so nta'a ye Israel, co'ollaq ime da itaxaỹaxaatac asa'aso nere, nache ncolaxata'aisalo soua alogo. Nache 'enapeco': ¿Peta'a nachaỹemo' da Ỹo'onatac 'Enauacna, da ishet da san qataq ñeqat da achaalataxac, da yaqto' que'eca nta'a aỹem namaxa de'era ỹale, da yaqto' no'oita ñaqa'en na lo'oc maye huetalec na lepra? ¡Ña qaumichiñiita de'era, cha'aye camaye yo'oqta da nmittaique ca lataxac da aỹem dataỹa'aguet!

1 Samuel 1:5

Qalaxaye aso Ana ỹataqta ỹactec naxa da lyac na ỹanem, cha'aye ỹataqta lauotaqte, na'aictaxa da Ñim Nataxala' saq ỹanem da lco'oxoc asomaye.

Génesis 50:19

Qalaxaye so José 'enapeco': «Saishet qome da qayi'i. Cha'aye aỹem saishet da sa'aualec ca lo'onataxanaxac Ñim Lo'onatac 'Enauacna.

Efesios 4:26

Qaq da huo'otaq qaualematai, qalaq saishet da qanashiñiiuo da ỹo'ot ca qarasouaxashechi. Qataq de'era qaralemataiqui saishet da imauec ca 'oonolec na'a'q,

Marcos 3:5

Nache So Jesús ỹataqta dalemataỹa som datataiguipi, qaq co'ollaq ila'a da lquiyaqteỹaxac somayepi da ỹataqta qaramchigui qataq qaica ca lsoxoyec, nache huo'o da laquicoxo. Nache 'enapego' so sano'on, 'eeta': «'Anchennaxanec na 'arhuaq.» Nache se'eso ỹale nchennaxanec na lhuaq, nache no'oita.

Mateo 5:22

Qalaxaye nagui ỹataqta 'eesa ñaqa'en da huo'otaq huo'o ca choche dalemataỹa ca lỹa, nache camaye qanmit. Qataq cam isheuen ca lỹa, qalaq camaye qaỹauegueua'a cam nta'alpi maye loicnatac na lataxacpi. Qataq cam qauem ca la'aqtac da ỹasaxalec ca lỹa, nache camaye qaỹasaxangui ca norec maye nhuaxanaqa' na 'etaxaloxoicpi.

Salmos 113:9

Qataq Ñimaye ỹo'ot da huo'o ca lma' aca 'alo maye sa deco'o, qataq ỹanem da ntonaxac da ishet da nate'e acamaye. ¡Qaỹo'oxoren qome Ñim Nataxala'!

Éxodo 32:19

Qaq co'ollaq sa qaỹapeque so mataqa' maye qanayeuta'a, nache so Moisés ila'a co'ollaxa so ne'enaqtac huaca llalec, qataq so dasottacpi, nache somaye ỹataqta 'eroigui da lalemataic, nache nhuaxaayiñi soua nasoqta'alo coma'ye, ỹataqta dolachiguilo naqa'en huaña so loigue añi qasoxonaxa.

Génesis 31:36

qaq huaña nache so Jacob dalemata, nache 'enapego' so Labán, 'eeta': «¿'Eetec ca isomaxac? ¿Negue't ca ỹasouaxashet, ye ỹataqta huo'o da 'arhuogoxo da aỹem 'aucaatac?

Génesis 29:31

Qaq Ñim Nataxala' co'ollaq ila'a da so Jacob saishet da ỹauotec aso Lea, nache Ñimaye ỹo'ot da asomaye huo'oi soua llalqa, qaq aso Raquel qalaq ỹanem da saishet da deco'o.

Génesis 25:21

Qaq aso Rebeca, saishet co'ollaxa da huo'o ca llalec, qaq ỹoqo'oye so Isaac nqouagaxaunot Ñim Nataxala', da nqouagaxaueelec asomaye. Qaq Ñim Nataxala' hua'axaỹa co'ollaxa da nqouagaxaunaxac somaye, nache aso Rebeca hualaxai.

Génesis 20:18

Cha'aye souaxat co'ollaxa aso Sara, nache Ñim Nataxala' ỹo'ot da so 'alpi maye hueta'a so lma' so Abimelec, saishet da huo'o ca llalec.

Lucas 1:42

ime, nache asomaye ỹataqta nlamaxaren da 'enapega aso María, 'eeta': –Ñim Lo'onatac 'Enauacna ỹactec da 'am ỹanem lqouagaxanaqtaic, qaq saishet da qoneta'am na laỹepi 'alpi. Nataqa'en na 'aỹa'alec qome ỹanem da lqouagaxanaqtaic.