Génesis 30:15 - La'aqtaqa Ñim Lo'onatac 'Enauacna 2013

¹⁵ Qalaxaye aso Lea, 'enapeco': «¿'Aupi'itaxano' peta'a da saq quia'aq da 'auotaxanec so ihua? ¡Nagui qataq 'anshetaique da 'auotaxanec ana ala ana mandrágoras maye ndouo so ỹalec!» Nache aso Raquel, 'enapeco': «Ne'ena pe, so Jacob 'am lauañi' qome, qalaxaye naiguet aca 'oonole ana mandrágoras maye ndouo so 'aỹa'alec.»

Génesis 30:15 Referans Kwoze

Números 16:13

Peta'a ¿'Aupi'itaxaatega da saq 'amaqtaq da 'auo'ot, da qomi' 'anqateeguesopa ye 'alhua maye chochaq huañi na huaca lche', qataq na te'esaq lli'i, nache qomi' 'anauegalo na toolec 'alhua, da yaqto' seleuaqaña 'anqa'en, qataq da qomi' 'ampa'axaaleguete da qomi' 'aralamaxatpi?

1 Corintios 4:3

Aỹem saishet da huo'o ca iuogoxo da aỹem qanmichi, huo'otaq da aỹem qaỹataxanot ca yo'oqchigui nta'a da aỹem nmit. Nache 'ena'am aỹem saishet da sa'aualec da ñimitteguela't.

Ezequiel 16:47

Qaq 'am, nache qoquegue co'ollaxa dam lataxac yeemaye, qataq 'auo'ot nam qauem maye ỹo'ottacpi qataq qaiqaiga. Qaq saishet da 'auamachiguiñi naqa'en de'era, da 'arataxac qalaq ỹataqta napacalec da lataxac yeemaye.

Isaías 7:13

Qaq huaña nache so Isaías, 'enapec: «Aỹem qana'axaỹaxañiỹa nagui, qami' llalaqpi so David! ¿Peta'a qaupi'itaxañiitega da saq 'amaqtaq da sa qaualemaxache na shiỹaxauapi, ye nataqa'en huotaique da sa qaualemaxache Ñim Ñatamnaxala'?

Génesis 30:14

Qaq huo'o so na'a'q, nache so Rubén tauga so no'onaxa, co'ollaq ña qanqattac na ala na trigo, qaq huaña nache ilalec aso ala ana le'enaxat mandrágoras, nache asomayepi iroua'a aso late'e Lea. Qaq aso Raquel co'ollaq ila'a asomayepi, nache 'enapega aso Lea, 'eeta': «Ñaq aỹem 'arqouaguec, da aỹem 'aỹa'anem aca 'oonole ala, ana mandrágoras maye 'am ndoua'a so 'aỹa'alec.»

Génesis 30:16

Qaq so mashe pe, co'ollaq nvireuo so Jacob, chegaqauga so no'onaxa, nache aso Lea huaqatta'aguet somaye, nache 'enapega, 'eeta': «Ne'ena pe, aỹem 'arauañi', cha'aye mashe 'am sesheeten, naiguet ñaqa'en 'am, aso ala ana mandrágoras maye ndouo so ỹalec.» Qaq se'eso pe, so Jacob lauañi' aso Lea,