Génesis 30:13 - La'aqtaqa Ñim Lo'onatac 'Enauacna 2013

¹³ Qaq huaña nache aso Lea qaltaq, 'enapeco': «¡Ỹataqta huo'o da ỹamaicỹaxac! Qaq nagui na 'alpi aỹem ỹamata'ac qome da, aỹem machiguiñi. Qaq ỹoqo'oye ne'ena nogotolec le'enaxat qome da Aser.»

Génesis 30:13 Referans Kwoze

Lucas 1:48

Qataq Ñim Lo'onatac 'Enauacna tatelec aỹem da lmeenaxanaxac, aỹem l-lata maye qaica ca ỹa'amaqchec. Qaq nagui nache 'enauac na shiỹaxauapi qom aỹem iỹaxana qalaq, 'eeta': ‹¡María, da lqouagaxanaqtaic Ñim Lo'onatac 'Enauacna 'am huetalec!›

Cantares 6:9

Qalaxaye aso ỹalamaqte qoto'ole maye nalochiguiñi ỹataqta 'oonole, asomaye 'oonole ñale maye ỹataqta nauotaqte lauotaqte aso 'alo maye deco'oic. Qaq ana lhuapi so nta'a da ila'a asomaye nache ỹo'oxoreetac, ivira'a ana ỹaqauga lamoxouapi ỹataqta huo'o da llo'oxonnataxanaxa.

Proverbios 31:28

Qaq da ñisheguem na llalaqpi nache ỹo'oxoreetac qataq ca lhua ỹo'oxoreetac acamaye, 'eeta':

Génesis 49:20

Qaq da Aser qalaq chochaq huañi qome na aloq, nache ỹan ca no'on nallec, maye 'eeta'am na aloq na nta'alpi.

Génesis 35:26

Qaq soua llalqa aso Zilpa, asom lamaxashe aso Lea: Gad qataq so Aser. Qaq 'esoua soua llalqa so Jacob maye lañoqo' co'ollaxa ye Padán Aram.

Génesis 46:17

Qaq soua llalqa so Aser: Imna, Isúa, Isví, Beria qataq aso lqaỹa't soomaye, le'enaxat Seraj. Qaq soua llalqa so Beria: Jéber qataq so Malquiel.

Génesis 30:12

Qaq ime, nache aso Zilpa, qaltaq deco'oiguet so Jacob.