Génesis 30:1 - La'aqtaqa Ñim Lo'onatac 'Enauacna 2013

¹ Qaq aso Raquel, co'ollaq ila'a da saishet da deco'oiguet so Jacob, nache huo'o da lquiỹaxa aso lqaỹa Lea. Nache 'enapego' so lhua Jacob, 'eeta': «'Auauo'o qome ca ỹalaqpi, cha'aye da qaica ca ỹalaqpi, nache seleu qome.»

Génesis 30:1 Referans Kwoze

Da na'aqtaguec so Job 5:2

Cha'aye da nalemataic taỹa'a da nleuaxa, qataq da nquiỹaxanaqtaic ỹalauat ca qaica ca ỹaỹaana'a.

Génesis 29:31

Qaq Ñim Nataxala' co'ollaq ila'a da so Jacob saishet da ỹauotec aso Lea, nache Ñimaye ỹo'ot da asomaye huo'oi soua llalqa, qaq aso Raquel qalaq ỹanem da saishet da deco'o.

Génesis 37:11

Nache soua lqaỹa't somaye ỹataqta huo'o da lquiỹaqa', qalaxaye so lta'a ỹataqta deuennataxaatapeguelec de'era.

2 Corintios 7:10

Da Ñim Lo'onatac 'Enauacna da qami' ỹaquicoqche't, nache saishet qome da qoquiitega, cha'aye de'era qaraquicoqoi damaye qami' ỹo'otegueta da qanaralaxache da qarataxaqui qataq qauỹaxañiỹaique da qami' qaichoxore'n qataq qami' qanca'alaxatre'c. Qalaxaye da naquicoxo maye chegaqaigui nam qauem maye huetalec ana 'alhua, nachaqrata maye ishet da dalaataxan.

Santiago 4:5

¿Peta'a sa qaua'amaqchiñiỹo' da nanettalec ana nere maye huetalec na la'aqtacpi Ñim Lo'onatac 'Enauacna da 'eeta': «Ñimaye ỹataqta qomi' lauotaqa'ate»?

Santiago 3:14

Qalaxaye qami' da huo'o ca qauo'ocheetac da qauacheetaigui da qarquiỹaxanaqtaiqui qataq da qarca'alaxanaxaqui, nache qami' qoviitaigui da qaraquicoqoi qataq saishet da qauamaiỹapigui'; qaica ca ishet da ỹo'ot da qaramaicỹaxaqui, qataq saishet da qaviye da 'eesa lataxac.

1 Corintios 3:3

cha'aye ñaq 'eetalec da qoquiitaigui da qarapachiỹaxaqui. Ỹoqo'oye ña qannoita'a't, qataq qancotaitega't. Qaq 'era da qoñiitec da qaỹaỹaten da saishet da qoquiitaigui da lataxac So Saqcha'a La'añaxac Ñim Lo'onatac 'Enauacna, qataq qoñiita'am da lataxac ca shiỹaxaua maye ca'attague' ca 'eetapeguec da lapacheỹaxac.

Proverbios 14:30

Da ỹe'emaqtac da nquiyaqteỹaxac, nache no'oita naqa'en da no'ocỹaxac, qaq da nquiỹaxanaqtaic qalaq ivira'a da iche'c naua npi'ineqa.

Tito 3:3

Cha'aye nataqa'en qomi' co'ollaxa soua hua'au' na'axa'te, qomi' qaica ca saỹaanaqpec qataq qomi' qauemaiqa, sesomaqtac qataq qomi' l-lataqa na ỹotta'a't qarqopitaxanaqtaicpi. Souaqtaigui na qauemsat qataq da nquiỹaxanaqtaic qataq seviraqta'a da ñepa'aguenaqta'a't.

Gálatas 5:21

Namayepi ỹataqta quiỹaxanaqtaqaicpi, ivira'a da dalaataxan, taxaicpi, qataq da ỹo'ot ye laponaxac, nache ỹataqta qaica ca laỹaanataxanaxac qataq qalota na laỹepi ỹo'ot qauem. Qaq ỹoqo'oye qami' seqatalo 'ena'am so hua'auchiguiñi ỹa'aqtac, da nam ỹo'ottac de'era saishet da taigui da lo'onataxanaxac Ñim Lo'onatac 'Enauacna.

Juan 4:3

Qaq co'ollaq ỹaỹaten de'era So Jesús, nache ca'ai ye 'alhua Judea, nache ỹe'eguelaxa ye 'alhua Galilea.

Eclesiastés 4:4

Qaq nataqa'en sela'a da 'enauac nam no'onatacpi maye ỹataqta ỹaỹamaqchiguiñi, qataq ỹo'ot da ño'oxonnataguec ca shiỹaxaua, namaye ỹo'ot da nquiỹata'a't caua shiỹaxau'. Qaq nataqa'en damaye qaica ca naigui, 'eeta'am da 'eetec da huotaique qanllañi na la'at.

Salmos 106:16

Qaq co'ollaq hueta'a so nmataqa' somayepi, nache nquiỹa so Moisés qataq so Aarón maye iỹotauga Ñim Nataxala'.

Da na'aqtaguec so Job 13:19

Qaq da huo'o ca nshetaique da huo'o ca aỹem ỹasaxalec ỹasouaxashet, nache aỹem saishet da setaqa nagui, choche sevitta'a da seleu.

Da na'aqtaguec so Job 3:11

¿Ta'ainco' ye sa seleuaiguio' co'ollaxa na lauel aso ỹate'e, ta'ainco' da sa seleu co'ollaq choche sañiguiñi?

1 Reyes 19:4

Qaq ime, nache tauga so toolec 'alhua, nache queuoteguelec so 'oonolec na'a'q, huaña nache taỹot so lpaqal asotai' qo'oipaqole le'enaxat retama da nso'ooñi. Nache nhuootapeguela't, qataq nshetaique da nache ileu, nache 'eeta': «¡'Am Nataxala', 'onaxaictaxa da nache tachiguiña de'era, qaq no'on da 'anqat da ñachaalataxac, cha'aye saishet da no'on da ỹataxac da sheeta'ama soua ita'al!»

Números 11:29

Nache so Moisés 'eeta': ¿Peta'a aỹem 'auca'alaxaatapeguelec? ¡Qamaq da iyaxa ctaxa da 'enauac ne'ena nhuo' le'ecpi, talec so laỹe so Saqcha'a La'añaxac Ñim Nataxala', nache 'enauac da na'aqtaxanaxanecpi!

Números 11:15

Cha'aye da qoqueto'ot da aỹem 'auo'otec de'era, qaq no'ono' da aỹem 'auchoxoren da 'anqat da ñachaalataxac, qom 'eesa da aỹem 'auauotec. Yaqto' saishet da ñeque'etaxaachigui de'era qauem.»

Proverbios 30:16

Añim huachiqui, qataq ana 'alo maye sa deco'o, qataq na 'alhua maye sa nlaxagui na 'etaxat, qataq na norec maye ỹauapec na lalonaxat.

1 Samuel 1:10

Nache aso Ana nỹeetac, cha'aye ỹataqta lta'araic da laquicoxo, nache nqouagaxaunot Ñim Nataxala',