Génesis 3:8 - La'aqtaqa Ñim Lo'onatac 'Enauacna 2013

⁸ Qaq so ỹale qataq aso 'alo, co'ollaq hua'axaira'aguet Ñim Lo'onatac 'Enauacna da coleetapeguelec so nanqa' ana nañiguishepi, quetaigui so la'at atomteguet so avit, nache soomaye nqañoxooyiñi co'ollaxa, taroigui so qo'oipaqsat se'eso nanaxanaqa'.

Génesis 3:8 Referans Kwoze

Jeremías 23:24

¿Negue't, ca ishet da nqañoxocheesop da imeenaxanaxac? Ye Aỹem semattalec na piguem qataq ana 'alhua. Qaq 'era da ỹa'aqtac Aỹem Nataxala'.

Proverbios 15:3

Ñim Nataxala' hueta'a 'enauac na qanayeetaña, ilotalec 'enauac na soxoraicpi qataq na qauemaicpi.

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.

Romanos 2:15

'Eeta'am da nanettalec na namaxasoxonaxacpi ye ntoonaxac. Cha'aye da lataxac, ichoxot da huo'o ye iuennatega qalaq ỹaỹaten da ỹaỹamaqchiguiñi huo'otaq qauem. Da no'on na'axaỹaxac maye sa'axattac dapaxaguenataxanec da Ñim Lo'onatac 'Enauacna nmit qome 'enauac na shiỹaxauapi ỹachegoxotchigui naqa'en So Cristo Jesús. Qaq que'eca na'a'q Ñim Lo'onatac 'Enauacna ivira'a da nmit qome na nhuennataxacpi maye ỹapogoñi.

Génesis 3:10

Nache so ỹale ỹasat, 'eeta': «'Am sa'aqta'aguet da 'aucoleetapeguelec na nanqa' ana nañiguishe, nache huo'o da icolanaxa, cha'aye sootauec. Ỹoqo'oye ñeqañoxooñi.»

Jonás 1:3

Qalaxaye so Jonás, dataueeguesop Ñim Nataxala' taỹa ye Tarsis, qalaxaye ỹa'auaxaañi da taỹa so ñegaxasom le'enaxat Jope, yem huaña da natenalec aso notaxaqui maye mashe huotaique da taỹa da Tarsis. Huaña nache desheenaxana aso lliquiaxaqui da yaqto' huenoteuo da taỹa yemaye da dataueeguesop Ñim Nataxala'.

Da na'aqtaguec so Job 31:33

Qataq saishet da soxottañi ca ỹasouaxashet, da sheeta'am ca camachaqca shiỹaxaua qataq da nache 'eetai' da soxottapiguiñi ca ỹasouaxashet,

Da na'aqtaguec so Job 38:1

Nache Ñim Nataxala' detaxaỹot so Job, qalaxaye huetaigui so la'ana't la'at lta'araic, 'eeta':

Deuteronómio 23:14

Cha'aye Ñim Nataxala' maye Qanatamnaxala'ai, Ñimaye hueta'a ca qaranataqa'ai da yaqto' qami' npaxattaleguete, qataq qami' ỹanema da qoroxonqui ca qampa'aguenaxauaipi. Ỹoqo'oye que'eca qaranataqa'ai, camaye ỹataqta qui'itta qome qanqa'eñi, yaqto' Ñimaye saishet da ilalec ca saỹaỹamaxañi da qami' ỹalleta'alo, ten qom qami' ca'aisalo.

Deuteronómio 5:25

Qaq nagui, ¿ta'ainectoxo' da ishet da qarelem na lta'araic norec? Cha'aye da ỹoltaq ỹe'eguelaxalec da sa'axasoqchigui da lavilỹaxac Ñim Nataxala' maye Qanatamnaxala', nache seleuaq qome,

Deuteronómio 4:33

Na ỹotta'a't nhuo' le'ecpi ana 'alhua, ¿peta'a huo'o co'ollaxa ca 'eeta'ama qami' da hua'aqtega da detaqtac Ñim Nataxala' huetaigui ca norec, nache saishet da ileu?

Da na'aqtaguec so Job 22:14

Qataq ¿ta'ainco' da qonetega saishet da 'am ila'a souaxat na lo'oc na piguem coleesop Ñimaye, qataq souaxat da coleeteguelec 'enauac na piguem?

Apocalipsis 6:15

Qaq huaña, nache 'enauac na nta'alpi maye ilotague' nam netalec ana 'alhua, qataq nam 'amaqtaqaicpi shiỹaxauapi huo'o da npogoxoinaxac da 'enauac da nqañoxotoiguilo naua auaco, nataqa'en nqañoxototo naua coma'ye maye netaiguilo ana qaỹoqotcheguemec 'alhuapi. Nataqa'en nqañoxooñi na lta'alpi na huataxanaq, qataq na sallaxanecpi, qataq na 'añaxaicpi, qataq 'enauac nam nlatacpi qataq nam huesochiguiñipi.

Génesis 18:33

Qaq Ñim Nataxala', co'ollaq ime da detaqtague' so Abraham, nache jec ca'ai ye hueta'a. Qaq so Abraham qalaq ỹe'eguelaxaua'a so lpe'l.

Levítico 26:12

Qataq qami' ñenaictegueto, qaq nache Aỹem Qanatamnaxala'ai, qataq qami' nhuo' le'ecpi maiche qami' ỹalamaxatpi.

Oseas 10:8

Qataq nlaguiñi qome na qauem natamnaqa'pi, maye huaña naxa da ỹo'ot na lasouaxashetpi na Israel le'ecpi. Qataq ana lca'atoxonaxalatepi ñaxaalec qome ana cotaquepi qataq ana 'epaqole maye huo'o ana le, nache namayepi 'enapega qome ana qasoxonaxapi, 'eeta': «¡Ña qomi' qauapoileguete!» Qataq 'enapega ana lcomaraxalatepi, 'eeta': «¡Ñaq qomi' qaupataqaiyiñi!»