Génesis 3:6 - La'aqtaqa Ñim Lo'onatac 'Enauacna 2013

⁶ Nache aso 'alo ila'a co'ollaxa da ana ala asa'aso qo'oipaq ỹataqta 'onaxai, nache huo'o da lyaxa da chec, qataq da lyaxa da huo'o da lauattonaxanaxac. Nache nqat aso 'oonole ala asomaye nache chec, qaq ime nache ỹanem so lhua, nache somaye nataqa'en chec.

Génesis 3:6 Referans Kwoze

1 Juan 2:16

Nam lataxacpi maye ỹachaxaatac na shiỹaxauapi maye huetalec ana 'alhua, saishet da chegoqo'ot Ñim Lo'onatac 'Enauacna, namayepi chegoqo'ot nam 'etaxaloxoicpi maye huetalec ana 'alhua. 'Ena nam lataxacpi maye ỹachaxaatac ana 'alhua: na qauem nqopitaxanaqtaiguesat, da nyaxayec da qaỹaconeguet cam qailota'a, qataq da nsallaxa maye chegaqaigui da ño'oxonnaxac ca shiỹaxaua.

1 Timoteo 2:14

Qataq nataqa'en so pa'aguenataxanaxaic saishet da hua'auñi da ỹatenachet so Adán. Aso Eva maye hua'auñi da ỹatenachet, qaq co'ollaq ỹatenachet, nache asomaye huo'o da lasouaxashet.

2 Samuel 11:2

Qaq so mashe avit, nache ñisheguem so David, chegoqtelec so lmala', nache somaye queuotapeguelec na pa'asheguem so lma' lta'araic. Qaq huaña co'ollaxa nache ila'a aso 'alo nacheltac, qaq asomaye ỹataqta 'onaxai.

Josué 7:21

Can sela'a so ỹataqta 'onaxaic npo' maye qaỹachegoxota'ague da Babilonia, qataq aso doscientos aso lcatpiole plata qataq so 'oonolec laỹe' so oro maye ivi' medio kilos, ỹalectaigui som qaiuotaxanec nogoxoshetpi. Nache soqopita'alo yi'iyiua nogoxoshe'ete, ỹoqo'oye aỹem saconalo yeemaye qataq soxottrañi, selaroigui na 'alhua nam pa'auo ñi ipe'l, qaq aye lcatpi plata, nache sepa'axaachiguiñi.»

Oseas 6:7

Qalaxaye qami', qoñeeta'am so Adán, da saishet da qaupaquiitelec da ñaỹamaxataxac, nache saishet da aỹem qaualaqaiguet.

Génesis 6:2

nache som llalaqpi Ñim Lo'onatac 'Enauacna, ila'a co'ollaxa da se'eso 'alpi ỹataqta 'onaxaipi, nache lca'agui asomayepi, nache huaroneguet anam ỹataqta lauela.

Ezequiel 24:25

Qaq qom seuotaxanec ye lpaqtaxanaxat na Israel le'ecpi, maye nachañi añi atamnaxaqui, maye ỹo'ot naxa da lamaicỹaxac namayepi souaxat da lyac, qataq nqopita da ilotaua'a qataq lauotaqte. Qaq nataqa'en seuotaxanec qome na llalaqpi ỹalleppi qataq 'alpi.

Ezequiel 24:16

«'Am Ezequiel, Aỹem sacona qome asom 'arhua maye ỹataqta 'arauotaqte. Qalaxaye saishet qome da 'auaquico, qataq saishet da 'anỹen, saishet qome da 'aucolde'c naua 'arache'.

Mateo 5:28

Qalaxaye Aỹem ỹataqta 'eesa de'era qami' sa'axatema da huo'o ca choche ilota'a aca 'alo, qaq huo'o da lqopiche, nache camaye sogote da 'eeta'am da mashe ncacheỹa'ai' acamaye dam lquiyaqteỹaxac.

Ezequiel 24:21

'aua'aqtaxanem qome na Israel le'ecpi, qoneta': 'Era da la'aqtac Ñim Nataxala': Aỹem seshepaxanaqchet qome añi ỹalamaqte atamnaxaqui, maye qarqopichiỹa naxa da qaualleetaua'a, qataq qarauotaqche, qataq ỹo'ot da qaño'oxonnaxaqui qataq qara'añaxaqui, qaq yem qaỹa'alquipi ỹalleppi, qataq 'alpi maye qano'onaxachiỹaña co'ollaxa ye Jerusalén, qalaq qaỹalauat qome qairolec ca ỹeelonec.

Génesis 39:7

Qaq co'ollaq qaỹoqtegue de'era, nache aso lhua so na'aco' nqopittega somaye, qaq huo'o so na'a'q nache 'enapega, 'eeta': «Aỹem 'arauañi' qome.»

Génesis 3:17

Qataq 'enapega so ỹale, 'eeta': «Qaq souaxat da 'aualaxaguet ara 'arhua, da qollec aso ala ara qo'oipaq maye sheetega co'ollaxa da saishet da qollec, nache nagui ana 'alhua talec qome da qauem, souaxat 'am. Qataq ỹataqta huo'o qome da 'anque'eenaxac da 'auo'onataxan, da yaqto' 'auachiguiñi ca qollec, 'enauaque naua na'axa'te da 'anachaalataxac.

Génesis 3:12

Nache so ỹale ỹasat, 'eeta': «Ara 'alo maye aỹem 'aỹa'anem da ñauegaxaua, aramaye aỹem ỹanem aso ala ara'ara qo'oipaq, nache aỹem sachec.»

Da na'aqtaguec so Job 31:1

Aỹem maiche iuennataxa co'ollaxa da ne'enaua ỹa'ai'te, saishet da iloguilo ñaqa'en aca 'alo maye saxanaxa da huaron.

Jueces 14:17

Qalaxaye asomaye nache quetot da nỹeetac se'esoua na'axa'te maye huaiguilo so nquia'axac. Qaq souaxato' da saq ñaxaasheguem da dequicto'ot somaye, nache so ivita so pa'atec na'a'q se'esoua siete na'axa'te, nache asomaye ỹañoxot so lhua da da'aqtaxanem da naigui se'eso ỹapogoñi na'aqtac. Nache asomaye da'aqtaxanem so lauo' le'ecpi.

1 Reyes 13:19

Nache somaye ỹe'eguelaq, nnaicapegue' somaye, nache deque'e qataq nỹom co'ollaq hueta'a ye lma' somaye.