Génesis 3:22 - La'aqtaqa Ñim Lo'onatac 'Enauacna 2013

²² Qataq 'enapeco': «Nagui dam shiỹaxaua, damaye 'eeta'ama qomi', da ỹaỹaten da no'on qataq da qauem. Qaq saiueno'o' da nataqa'en nqat ana ala ara qo'oipaq maye chegaqaigui da nca'alaxa, cha'aye da chec nache chochaq tatec da lca'alaxa.»

Génesis 3:22 Referans Kwoze

Apocalipsis 2:7

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem 'enauac nam lqalaiguesat qataq saishet da ỹaxanec da lpi'iỹaxac Aỹem, nache sami' da chec ana ala ara qo'oipaq maye chegaqaigui da nca'alaxa. Aram qo'oipaq maye nañaxattalec ye qaica ca 'ena'am da lyac lanaxanaqa' Ñim Lo'onatac 'Enauacna.›»

Apocalipsis 22:14

Nam ỹaxaañi da ỹo'ottac na qauem, nache Ñim Lo'onatac 'Enauacna ỹaalec ca nqouagaxa, nache ỹami' da nhuanaua'a da chec ana ala ara qo'oipaq maye chegaqaigui da nca'alaxa maye chochaq tatec. Namayepi ishet da inoxoneua'a na lasompi yi'iye nỹecpi.

Apocalipsis 22:2

Qaq nam laiñi so nqa'aic maye laiñiguishec se'eso nỹecpi, nache nacchiguingui se'eso 'etaxat. Qaq naua loiguiye se'eso tala huo'o ana qo'oipaq maye huo'o ana ala ye 'oonolec ca'agoxoic, qaq damaye 'eeta' doce da huo'o ana ala ye 'oonolec vi'i. Qaq ana ala ỹan da nca'alaxa chochaq tatec, qaq ana laue qalaq natannaxanaqte da nataren na lalolaxapi 'enauac na shiỹaxauapi maye huetalec ana 'alhua.

Proverbios 3:18

Da naỹaanec chegaqaigui da nachaalataxac cam ỹaconeguet, qaq ỹataqta machiguiñi cam ỹaỹamaxattec damaye.

Génesis 2:9

Ime, nache ñaxaalec naqa'en 'enauac ana ỹotta'a't no'on qo'oipaq, anam huo'o ana ala maye ishet da qanallec. Qaq na laiñi som nanqa' ana nañiguishepi, qalaq ỹanangui aso qo'oipaq maye chegaqaigui da nca'alaxa, qataq aso qo'oipaq maye chegaqaigui da qaỹauatton da no'on qataq da qauem.

Génesis 1:26

Ime, nache Ñimaye 'enapeco': Nagui so'otaq ca shiỹaxaua, 'eeta'ama qomi'. Qataq huo'o da 'enec da ilo'ogue na nỹaq, maỹo, shiguiỹacpi, nlopi qataq na huauecpi, qataq nam hualectapigui'pi.

Génesis 3:5

Ñim Lo'onatac 'Enauacna ỹaỹateeta da qom qolliqui ana ala ara'ara qo'oipaq, nache huo'o da qarauattonaxanaxaqui, da qauauattoñi ca no'on qataq ca qauem, qaq huaña nache qoñiita'am Ñimaye.»

Jeremías 22:23

Qaq 'am nagui 'avi'imaqtac qonetangui na 'arpata'c, qonetangui na cedropi maye chegaqauga ye Líbano, ¡qalaxaye yaqta'a da huo'o ca 'anque'eenaxac qom 'am nvita ca 'anqui'ic, maye 'eeta'am da nqui'ic da nco'oxoc!»

Salmos 22:26

Qaq deque'e qome na choxoraqpi nache ivitta'a da comaraxaicpi, qataq ỹo'oxoren qome Ñim Nataxala' na nmittaique Ñimaye, huaña nache qaỹoqtrec naua vi'iye da nachaalataxac.

Génesis 3:21

Nache Ñim Lo'onatac 'Enauacna, ỹo'o't soua alogo soomaye, ỹachegoxotaigui na lo'oc na shiguiỹacpi, da yaqto' so ỹale qataq aso lhua ỹaayeñi.

Génesis 3:23

Qaq ỹoqo'oye Ñim Lo'onatac 'Enauacna maye Nataxala', ỹo'orauec so shiỹaxaua, ca'ai naqa'en so nanaxanaqa' maye huaigui ye 'alhua Edén, nache ỹamaxalec da ỹo'ot na 'alhua, maye maiche chegaqaigui co'ollaxa.