Génesis 3:21 - La'aqtaqa Ñim Lo'onatac 'Enauacna 2013

²¹ Nache Ñim Lo'onatac 'Enauacna, ỹo'o't soua alogo soomaye, ỹachegoxotaigui na lo'oc na shiguiỹacpi, da yaqto' so ỹale qataq aso lhua ỹaayeñi.

Génesis 3:21 Referans Kwoze

Isaías 61:10

Aỹem ỹataqta lta'araic da ñetootapeguec Ñim Nataxala', da ñachaalataxac qalaq nlaqchigui da ntonaxac souaxat Ñim Ñatamnaxala', cha'aye Ñimaye aỹem ỹanaxanaxangui da nca'alaxa qataq aỹem napogonaxaaña da nalochiguiñi lataxac, Aỹem no'otaxanaxan sheeta'am ca auonaxaua qataq ỹauo'o ana ño'otaqtepi sheeta'am naqa'en aca auonaxaua.

2 Corintios 5:21

So Cristo ỹataqta qaica ca lasouaxashet. Qalaxaye souaxat qomi', nache Ñim Lo'onatac 'Enauacna, 'eeta'am naqa'en ca 'etaxaloxoic, da yaqto' chegoqchigui Somaye da qomi' ỹaỹamaxareete' Ñimaye.

Génesis 3:7

Qaq huaña, nache soomaye ne'ettrec naua la'ai'te, qataq ntoue'n, nache ilora'a da huetrauec. Qaq huaña nache ỹo'o't aso higo laue da ỹauo'o lo'ola't.

Romanos 3:22

Ñim Lo'onatac 'Enauacna ỹaconeguet 'enauac nam ỹa'amaqten qataq huo'o da lpi'iỹaxac So Jesucristo, saishet da iuen da huo'otaq judío qalqo' saishet.

Génesis 3:20

Nache so ỹale ỹanagui da le'enaxat Eva aso lhua, cha'aye asomaye nache late'e qome 'enauac na shiỹaxauapi.

Génesis 3:22

Qataq 'enapeco': «Nagui dam shiỹaxaua, damaye 'eeta'ama qomi', da ỹaỹaten da no'on qataq da qauem. Qaq saiueno'o' da nataqa'en nqat ana ala ara qo'oipaq maye chegaqaigui da nca'alaxa, cha'aye da chec nache chochaq tatec da lca'alaxa.»

1 Corintios 12:23

Qataq ca pa'aigue naua nogoxoshe'ete ca 'eeta'am da qaica ca naigui, qaq nacheca ca ỹactec da qantela'a. 'Eeta'am ñaqa'enaq da huo'o ca pa'aigue da no'ocỹaxac da saishet da sachaxanaq.