Génesis 3:20 - La'aqtaqa Ñim Lo'onatac 'Enauacna 2013

²⁰ Nache so ỹale ỹanagui da le'enaxat Eva aso lhua, cha'aye asomaye nache late'e qome 'enauac na shiỹaxauapi.

Génesis 3:20 Referans Kwoze

Génesis 2:23

Qaq somaye co'ollaq ila'a asomaye, nache ỹa'alaxalec 'enapeco': «¡Ana'ana nachana ana maiche ỹapachiyaxaua, qataq maiche ipi'inecỹaxaua! Anamaye le'enaxat qome ‹'alo,› cha'aye Ñim Lo'onatac 'Enauacna ỹachegoxotaigui nam ỹale.»

Génesis 5:29

som ỹanagui da le'enaxat Noé, cha'aye 'enapeco': «Ñim Nataxala', talec naqa'en ana 'alhua dam qauem, qataq ỹataqta qapa'atta naqa'en da qaro'onataxanaxac da so'onataxanaqteguelec, qalaxaye ne'ena nogotolec, namaye nachena na ỹo'ot qome cam qanmataxac.»

Génesis 2:20

Nache so shiỹaxaua ỹauo'o na le'enaxat 'enauac na shiguiỹacpi maye huauec qataq na maỹopi maye huaỹotac, qataq 'enauac na shiguiỹacpi maye ishet da nlopi, qalaxaye namayepi qaica ca taiguet da ntaunaxaua somaye.

Hechos 17:26

Ñimaye ỹachegoxotchigui co'ollaxa so 'oonolec ỹale da ỹo'ot 'enauac na ỹotta'a't shiỹaxauapi, da yaqto' namayepi naleguete naua 'aleu'. Nache ỹauo'oi naua laloqo'ote namayepi, qataq ỹa'a'n naua lma'ate,

Mateo 1:21

Qaq añimaye qom ñiguiñi ca llalec. Qaq 'am nache 'aỹa'anagui da le'enaxat Jesús. Cha'aye nca'alaxateeguesop qome da nhuaxanaguec na lalamaxatpi souaxat na lasouaxashetpi.

1 Samuel 1:20

Huaña, nache aso Ana hualaxai, qaq co'ollaq ivita so laloqo' da deco'o, nache ỹale so llalec, nache ỹanagui da le'enaxat Samuel, cha'aye asomaye 'enapeco': «Seỹaxanot co'ollaxa Ñim Nataxala'.»

Éxodo 2:10

Qaq co'ollaq ivita da mashe ỹechigui so nogotolec, nache asomaye iroua'a aso llale so nta'a, qaq asomaye nache ỹacona da yaqto' ỹaqchet qataq nache 'eco' maiche lalamaxat llalec, nache ỹanagui da le'enaxat Moisés, cha'aye 'enapeco': «Aỹem ñeqatta, sachegoxotangui so tala.»

Génesis 35:18

Qalaxaye asomaye mashe huotaique da ileu, qaq soua pa'atrec la'a'che, nache ishet da ỹanagui da le'enaxat Benoní se'eso nogotolec. Qalaxaye so lta'a Jacob, ỹanagui co'ollaxa da le'enaxat Benjamín.

Génesis 16:11

'Am, mashe 'am hualaxai, qaq huo'o qome ca 'aỹa'alec, qaq camaye 'aỹa'anagui qome da le'enaxat Ismael, cha'aye Ñim Nataxala' hua'axaỹa da 'anque'eenaxac.

2 Corintios 11:3

Cha'aye de'era 'eetec so na'araxanaq maye sa nqalaataxaic co'ollaq ỹatenachet aso Eva, nachera da ỹo'ot da icolanaxa da saiuena'a da nataqa'en ishet da qami' ỹatenache't. Nache da qarhuennataxaqui ishet da dasheueeguesop dam huesochiguiñi qara'amqaanataxanaxaqui So Cristo.

1 Timoteo 2:13

Cha'aye Ñim Lo'onatac 'Enauacna hua'auchiguiñi co'ollaxa da ỹo'ot so Adán. Qaq co'ollaq ime, nache ỹo'ot aso Eva.

Génesis 3:21

Nache Ñim Lo'onatac 'Enauacna, ỹo'o't soua alogo soomaye, ỹachegoxotaigui na lo'oc na shiguiỹacpi, da yaqto' so ỹale qataq aso lhua ỹaayeñi.