Génesis 3:19 - La'aqtaqa Ñim Lo'onatac 'Enauacna 2013

¹⁹ Qataq ỹataqta 'anchelchaqchiguiñi qome da 'auo'onataxaatac, da yaqto' 'auachiguiñi ca qollec, choche ivitta'a da 'avi'eguelaxaigui ana 'alhua, maye 'auachegaqaigui co'ollaq 'am qaỹo'ot, cha'aye 'am 'alhua lsoche, qaq nam 'alhua lsoche 'apactoigui qome.»

Génesis 3:19 Referans Kwoze

Eclesiastés 12:7

Cha'aye qom ime de'era, nache nam lsoche na 'alhua, ỹe'eguelaxaigui ana 'alhua, 'eeta'am da 'eetec co'ollaxa, qaq som saqcha'a nca'alaxa ỹe'egueloqot Ñim Lo'onatac 'Enauacna, maye ỹan co'ollaxa.

Da na'aqtaguec so Job 34:15

nache 'enauac na shiỹaxauapi 'eeta'a't da ileu, qataq 'enauac da ipactegue da ỹe'eguelaxaigui ana 'alhua.

Salmos 104:29

qaq da 'aỹo'oxocheesop da 'arashiguiỹaxac nache huo'o da lcolanaxa, qaq da 'anqa't naua la'a'che nache ileu, nache qaltaq ỹe'eguelaxa da lsoche na 'alhua.

Génesis 2:7

Qaq huaña nache Ñim Nataxala', ỹo'ot so shiỹaxaua ỹachegoxotaigui na 'alhua. Ime, nache iquichichiguilo naua nmic lauaco, qataq ỹanem da lca'alaxa. Nache so shiỹaxaua huo'o da lca'alaxa.

Salmos 90:3

Qataq ca shiỹaxaua 'auo'otec da ỹe'eguelaxa da lsoche na 'alhua, da ivita da qoneta': «Qami' shiỹaxauapi, qavi'iguelaqỹa da qami' lsoche na 'alhua.»

Efesios 4:28

Qaq cam decachetapec co'ollaxa, qalaq no'on da ỹaxaañi nagui da lcachaxac. Chaqrato' da do'onataxan, ỹo'ottac ca maiche lalamaxat lo'onatac, yaqto' ishet da itauan cam huo'o da lhuenaxanaxa.

Eclesiastés 3:20

qataq 'enauac da 'oonolec yem taỹa'a, cha'aye co'ollaq qaỹo'ot namayepi, nache qaỹachegoxotaigui na 'alhua, qaq 'enauac da ỹe'eguelaqtoigui qome ana 'alhua.

Génesis 18:27

Qalaxaye so Abraham qaltaq ỹe'eguelaxalec da, 'enapec: «'Auchoxoren qome aỹem, da 'eco' qaica ca ỹa'aloxo da 'am setaxaỹot, ye nache 'Am maye 'Aro'onatac 'Enauacna, aỹem qalaq choche aỹem shiỹaxaua,

Daniel 12:2

Qalota qome cam do'ochetapi maye huetangui aca nhuachiqui, qalaq nlouec qome: qaq huo'o qome ca chochaq tatec da nca'altauec qataq huo'o qome ca nca'alec qalaxaye nque'etaxangui ca chochaq tatec la'agaxa qataq ca qauem.

Eclesiastés 1:3

¿Negue't ca laueguec ca ỹale da ỹaguec da lo'onataxanaxac da netalec ana 'alhua?

Salmos 22:15

Qaq na aỹap qalaq ỹataqta daqaqta, 'eeta'am ca chaic maye nhuo' lapo', ñi ỹachaxat qalaq lapaqot na ñaquiaq. Qataq ỹataqta aỹem 'alaroigui na 'alhua da seleu.

Génesis 23:4

«Aỹem na'aictoxo' da sachegaqauec da qami' soota'agueta, qalaxaye sauotaique da aỹem qaumiñiỹot ca 'alhua da yaqto' lma' na ỹaqatacpi, yaqto' selayiñi ayem ihua maye saqaca.»

2 Ts 3:10

Cha'aye co'ollaq qami' souaqta'agueta, qalaq qami' sanaxama de'era lataxac da ca shiỹaxaua da sa ỹaỹamaxaren da do'onataxan, qaq maye deque'ectoxo'.

Salmos 103:14

cha'aye Ñimaye ỹaỹateeta da qarataxac, ỹaỹateeta da sachegoxosoxoigui ana 'alhua.

1 Ts 2:9

Qami' qarqaỹarolqa, aỹem sepeta'a da qami' qantooñita'ac da qapa'atta qaro'onataxanaxac da yaqto' ñauegaq ca qarhuenec. Cha'aye naxa da sa'axataqtac da no'on na'axaỹaxac maye chegoqo'ot Ñim Lo'onatac 'Enauacna, nache nataqa'en so'onataxanaqtac ye na'a'q qataq ye pe yaqto' saishet da huo'o ca qomi' ime'egueta da qomi' itauaategueque ca qarhuenec.

Eclesiastés 5:15

Qaq dam 'eetec co'ollaq naỹa ana 'alhua, qaq nache 'eetec qom jec da ca'ai ana 'alhua: ỹataqta huetauec 'eeta'am co'ollaq cheta'ague da ñeguiñi, nache qaica ca ỹache 'enauac nam lalamaxatpi maye chegaqaigui dam lta'araic lo'onataxanaxac.

Eclesiastés 1:13

nache aỹem ỹataqta ñañaneguet co'ollaxa da ñimittac qataq ñaỹaanaxanaqchen da ñapaxagueetega 'enauac nam qaỹo'ottacpi ana'ana 'alhua. ¡Qaq sela'a da ỹataqta qapa'atta nam no'onatacpi maye Ñim Lo'onatac 'Enauacna ỹasaxalec nam shiỹaxauapi, da yaqto' nachena nam huetague' da ỹo'ottac!

Proverbios 21:16

Qaq ca shiỹaxaua da ca'ai da llecỹaxac da naỹaanataxanaxac, camaye taỹa'a da ỹalectaigui na leuaxaicpi.

Salmos 22:29

Qaq ỹa'aroto naua l-llecte qataq natamnot Ñimaye 'enauac na qaica ca iuena'a, qataq 'enauac na taỹa'a da ỹe'eguelaxaigui ana 'alhua, cha'aye namayepi saishet da maiche ỹo'ot da qaỹoqtec da lca'alaxa.

Da na'aqtaguec so Job 21:26

Qalaxaye 'enauac qome namayepi, 'eeta'a't da huangui aca huachiqui, maye huaña da na qoche'l chec namayepi.

Da na'aqtaguec so Job 19:26

Qaq na'aictoxo' da nlachiguiñi na ỹapat, qalaxaye ỹataqta ñema'ai' qome da ñauane' Ñim Lo'onatac 'Enauacna.

Da na'aqtaguec so Job 1:21

Nache, 'eeta': «Sootauec co'ollaq ñanaỹa ana 'alhua, qaq nataqa'en sootauec qom sheca'ai. Ñim Nataxala' aỹem ỹanem 'enauac na aỹem hueto'otpi, qaq Ñimaye ipactegue da ỹacona 'enauac na aỹem hueto'ot. ¡Qalaxaye nache 'eetai' qome da sho'oxoreetac da le'enaxat Ñimaye!»

1 Corintios 15:47

So hua'auchiguiñi shiỹaxaua, qaỹachegoxotaigui ana 'alhua. Qalaxaye so pa'atec shiỹaxaua, Somaye chegoqo'ot na piguem.

Hebreos 9:27

'Enauac da shenaqta 'oonolec da seleuaq, ime, nache nvi' ca nmitaguec 'enauacna.

Génesis 3:18

Ana 'alhua ñaxaalec qome ana ỹotta'a't ỹaxat, nache qollectac qome ana huoue no'onaxa lashe.

Da na'aqtaguec so Job 4:19

¡Qaq taloxoche saq 'ena'amo' ca choche shiỹaxaua, maye netaigui ca nỹec 'alhuolec maye na'attalec na 'alhua maye sara'angui, nache ishet da qaipataxañi 'eeta'am catai' lalaxat ca nogoxot!

Salmos 104:23

Qaq na shiỹaxauapi qalaq inoxonec da do'onataxan, nache ivitta'a ye pe da ỹo'ottac na lo'onatac.

Salmos 127:2

Qataq qaica ca naigui da qano'ocheetasheguem qami', qataq da qaỹoqtegue ca pe da qauo'oche, da yaqto' qollequiitac ca nallec maye chegaqaigui da qarasamaqai, cha'aye Ñim Lo'onatac 'Enauacna ỹanem da no'on da lo'ochaxa nam nauochaxauapi.

Génesis 5:5

qaq da ima'a't soua vi'iye da nachaalataxac somaye, nache ivi' soua novecientos treinta vi'iye. Qaq huaña, nache ileu.

Da na'aqtaguec so Job 10:9

'Auennate qome da aỹem 'auachegoxotaigui ana 'alhua co'ollaq aỹem 'auo'ot, qalaq, ¿ta'ainco' ye huotaique da aỹem 'avi'eguelaxatoigui anamaye?