Génesis 3:18 - La'aqtaqa Ñim Lo'onatac 'Enauacna 2013

¹⁸ Ana 'alhua ñaxaalec qome ana ỹotta'a't ỹaxat, nache qollectac qome ana huoue no'onaxa lashe.

Génesis 3:18 Referans Kwoze

Mateo 13:7

Qaq aso laỹepi lañiguishe ala, qalaq taalec so nache 'eetai' naxa da lañaxataqa' ana huoue maye huo'o ana le, nache asom ỹaxat co'ollaq ñaxatsheguem nache ipataxañi aso nañiguishe, nache saishet da ỹashenem da no'on da lañaxataxac.

Isaías 7:23

Qaq que'eca na'a'q, nache nam nanaxanaqa'pi uva lma'pi maye ñaxattalec ana mil nañiguishepi maye ivi' co'ollaxa ana mil anom plata añi lasheue, qalaq nda'a't da ñaxattalec qome aca ỹaxat qataq aca huoue.

Da na'aqtaguec so Job 5:5

Na ala na lañiguishec qalaq chec na nqouaqatocpi, qataq da lsallaxa ivira'a da huetalec ca lquia'axala' na choxoraqpi.

Hebreos 6:8

Qalaxaye nam ỹaxaañi da lpi'iỹaxac, nache namayepi 'eeta'am ca 'alhua maye ndota't ana huoue maye huo'o ana le da ñaxaalec, ỹataqta qaica ca naigui, qaq Ñim Lo'onatac 'Enauacna ỹasaxalec ca qauem. Qaq da pa'atec, nache ỹoqta qaỹavigaxat.

Jeremías 4:3

Ñim Nataxala' 'enapega na shiỹaxauapi maye netaña ye Judá qataq ye Jerusalén, 'eeta': Qana'ayiisheguem qome nam 'alhua maye saxanaxa da qoỹanaxaalec, nache saishet da qaltaq qa'anaxañiỹoigui ana ỹaxat.

Isaías 32:13

Cha'aye ne'ena na'alhua nam ihuo' le'ecpi ñaxaalec qome ana ỹaxat qataq na huouesat, qataq 'enauac na nma'pi maye hueta'a naxa da namaicỹaxac, yem huaqta'a't nỹecpi maye lqopitaxat da na'ashaxac.

Isaías 5:6

Nache so'otec qome da qanayeca'ai, qataq saishet da qaichec ana lcouepi ana uvapi, qataq saishet da qaimettacot, nache ñaxaalec aca ỹaxat. Qataq shenapega na lo'oc na piguem da saishet da naañi naqa'en ca auot da talec yemaye.

Proverbios 22:5

Na qauemaicpi qalaq huetangui ca llec ana ỹaxat qataq ana nqoinapi, qaq ca ntela'a da nachaalataxac qalaq ishet da dashelec anamayepi.

Da na'aqtaguec so Job 31:40

¡nache na ña'alhua ñaxaalec qome ana ỹaxat, nmeneguet na trigo, qataq na qauem 'auaqpi nmeneguet na cebada!

Josué 23:13

nache Ñim Nataxala' maye Qanatamnaxala'ai saishet da qauauañiichigui naqa'en qome da ỹo'orauec ne'ena shiỹaxauapi, nacherata da do'onataxana qome namayepi da 'eeta'am ca naleguec, qataq aca nqoina da yaqto' qami' noxonqa, qataq 'eeta'am ca nhuaxanaxanaxat da qaỹalasheelec na qarlaqai, qataq 'eeta'am aca ỹaxat da taiguilo naua qara'ai'chilli', nache ivitta'a da ỹataqta qaica ca no'onañi da qoñiita da hueta'a ne'ena no'on 'alhua maye qami' ỹanema Ñim Nataxala' maye Qanatamnaxala'.

Jeremías 12:13

Namayepi ỹaañi na trigo, qalaxaye da deqataxan nache nqat ana ỹaxat; 'enauac da lo'onatacpi da qaica ca naigui. Da lqataxanaxac qalaq qaica ca naigui, souaxat dam 'ettaigui ỹayeloxo.»

Proverbios 24:31

nache sela'a da ndotec ana ỹaxat nlaqtelec, qataq ivira'a na lapoxonaxat coma' hua'axauec.

Salmos 104:2

'Eeta'am 'anqa'en ca npo' da 'anapogoña na yo'oqchiguiñi. Qataq 'aupiguiisheguem na piguem 'eeta'am ca napoxonaxat.

Salmos 90:3

Qataq ca shiỹaxaua 'auo'otec da ỹe'eguelaxa da lsoche na 'alhua, da ivita da qoneta': «Qami' shiỹaxauapi, qavi'iguelaqỹa da qami' lsoche na 'alhua.»

Da na'aqtaguec so Job 1:21

Nache, 'eeta': «Sootauec co'ollaq ñanaỹa ana 'alhua, qaq nataqa'en sootauec qom sheca'ai. Ñim Nataxala' aỹem ỹanem 'enauac na aỹem hueto'otpi, qaq Ñimaye ipactegue da ỹacona 'enauac na aỹem hueto'ot. ¡Qalaxaye nache 'eetai' qome da sho'oxoreetac da le'enaxat Ñimaye!»

Romanos 14:2

Cha'aye saloqnaxana, da huo'o ca 'eetega da qaramta da lpi'iỹaxac, nache 'eetega da ỹaỹamaqchiguiñi da camachaqca ca chec, qaq huo'o nam saxanaxa da da'añi da lpi'iỹaxac, nache nda'a't ana nañiguishe laue maye ishet da qanallec ana chectac.

Génesis 3:17

Qataq 'enapega so ỹale, 'eeta': «Qaq souaxat da 'aualaxaguet ara 'arhua, da qollec aso ala ara qo'oipaq maye sheetega co'ollaxa da saishet da qollec, nache nagui ana 'alhua talec qome da qauem, souaxat 'am. Qataq ỹataqta huo'o qome da 'anque'eenaxac da 'auo'onataxan, da yaqto' 'auachiguiñi ca qollec, 'enauaque naua na'axa'te da 'anachaalataxac.

Génesis 3:19

Qataq ỹataqta 'anchelchaqchiguiñi qome da 'auo'onataxaatac, da yaqto' 'auachiguiñi ca qollec, choche ivitta'a da 'avi'eguelaxaigui ana 'alhua, maye 'auachegaqaigui co'ollaq 'am qaỹo'ot, cha'aye 'am 'alhua lsoche, qaq nam 'alhua lsoche 'apactoigui qome.»

Isaías 7:24

Da qainoxoneua'a qalaq qaiuen ca checnec qataq aca checna da qañi'ipiaxan, cha'aye imauec qome namaye da imattalec aca ỹaxat qataq aca huouepi.