Génesis 3:17 - La'aqtaqa Ñim Lo'onatac 'Enauacna 2013

¹⁷ Qataq 'enapega so ỹale, 'eeta': «Qaq souaxat da 'aualaxaguet ara 'arhua, da qollec aso ala ara qo'oipaq maye sheetega co'ollaxa da saishet da qollec, nache nagui ana 'alhua talec qome da qauem, souaxat 'am. Qataq ỹataqta huo'o qome da 'anque'eenaxac da 'auo'onataxan, da yaqto' 'auachiguiñi ca qollec, 'enauaque naua na'axa'te da 'anachaalataxac.

Génesis 3:17 Referans Kwoze

Génesis 5:29

som ỹanagui da le'enaxat Noé, cha'aye 'enapeco': «Ñim Nataxala', talec naqa'en ana 'alhua dam qauem, qataq ỹataqta qapa'atta naqa'en da qaro'onataxanaxac da so'onataxanaqteguelec, qalaxaye ne'ena nogotolec, namaye nachena na ỹo'ot qome cam qanmataxac.»

Juan 16:33

Qaq Aỹem qami' sa'axatema 'enauac de'era, yaqto' huo'o da qarlagaxayiqui da Aỹem qana'ayeetaua'a. Qami' ana 'alhua maye qoviitalec huo'o da qanque'eenaxaqui. Qalaxaye qana'añaxache qome, cha'aye Aỹem mashe sogote da ỹoxonec nam 'onataxacpi maye huetalec ana 'alhua.

Salmos 127:2

Qataq qaica ca naigui da qano'ocheetasheguem qami', qataq da qaỹoqtegue ca pe da qauo'oche, da yaqto' qollequiitac ca nallec maye chegaqaigui da qarasamaqai, cha'aye Ñim Lo'onatac 'Enauacna ỹanem da no'on da lo'ochaxa nam nauochaxauapi.

Eclesiastés 5:17

Ye ivira'a da 'enauac da nachaalataxac da nauane' na napalaxa, qataq qalota nam saỹalemaxat lhuennataxacpi, qataq nam nqui'icpi, qataq da lalemataic.

Da na'aqtaguec so Job 14:1

Ca shiỹaxaua ñiguiñi chegaqaigui aca 'alo, camaye da nachaalataxac sa qaỹa'ague qataq qalota na nque'eenaxacpi.

Romanos 3:19

Cha'aye qomi' saỹaanaq da 'enauac nam 'enapec nam namaxasoxonaxacpi maye chegoqo'ot so Moisés, ỹalamaqchigui nam hueto'ot ne'ena namaxasoxonaxacpi. Qaq 'era da 'eetec yaqto' saishet da huo'o ca 'eetega da qaica ca ỹasouaxat, qataq yaqto' 'enauac na shiỹaxauapi ana 'alhua ỹaỹaten da huo'o da lasouaxashet hueto'ot Ñim Lo'onatac 'Enauacna.

Da na'aqtaguec so Job 21:17

¿Chaq laguio' co'ollaxa da 'om ana lcoỹaraxanaxaquipi ne'ena qauemaicpi? ¿Chaq laguio' co'ollaxa da nvira namayepi ca nque'eenaxac? Qataq Ñim Lo'onatac 'Enauacna, ¿chaq laguio' co'ollaxa da dalemataỹa namayepi, nache ỹauo'o da nque'eenaxac?

Lucas 19:22

Nache som nta'a 'enapeco': «'Am no'onataxanaxanec qauemaic. Da maiche 'ara'aqtac, nachera da sachegoxotchigui da sauo'o ca 'anhuaxanaguec. 'Am 'auaỹateetac mque' da aỹem sa qaramchigui da sacona cam sa ỹalamaxat, qataq da ñeqat ana ala cam saq ỹañiguishec.

Mateo 25:45

Nache Aỹem sheeta': «Qaq cha'aye qami' ye sa qautauañi nam shiỹaxauapi maye qaica ca la'amaqchec ana 'alhua, qaq ỹoqo'oye Aỹem shenapec da nataqa'en saishet da Aỹem qautauañi.»

Eclesiastés 2:17

Qaq huaña nache sevira'a da saỹemec da ñachaalataxac, cha'aye 'enauac nam qaỹo'otpi ana'ana 'alhua da aỹem dataỹa'aguet. Qaq ỹataqta 'eesa da qaica ca naigui, 'eeta'am da 'eetec da huotaique da qanllañi na la'at.

Eclesiastés 2:11

Qaq ime, nache semeteetac 'enauac nam ỹo'onatacpi, qataq nam huo'o da lqalaic co'ollaq so'ottac, nache sela'a da 'enauac namayepi da qaica ca naigui, 'eeta'am da 'eetec da huotaique da qanllañi na la'at, qataq qaica ca qaỹachegoxotaigui damaye, ana'ana 'alhua.

Génesis 3:11

Nache Ñim Lo'onatac 'Enauacna inat 'eeta': «¿Negue't ca 'am da'aqtaxanem da qouetauec? ¿Qollec peta'a ana ala ara qo'oipaq maye 'am shenapega co'ollaxa da sa qollec?»

Génesis 3:6

Nache aso 'alo ila'a co'ollaxa da ana ala asa'aso qo'oipaq ỹataqta 'onaxai, nache huo'o da lyaxa da chec, qataq da lyaxa da huo'o da lauattonaxanaxac. Nache nqat aso 'oonole ala asomaye nache chec, qaq ime nache ỹanem so lhua, nache somaye nataqa'en chec.

Mateo 22:12

nache 'enapega somaye, 'eeta': ‹¡'Am iỹa! ¿Ca 'eeteco' da 'ausheto' co'ollaxa da 'ampa'auo ye 'aỹa'aatrañi naua anogo maye saishet da lataxau' da qaỹalegueua'a de'era naponaxac?› Qalaxaye somaye saishet da ỹasat.

Hebreos 6:8

Qalaxaye nam ỹaxaañi da lpi'iỹaxac, nache namayepi 'eeta'am ca 'alhua maye ndota't ana huoue maye huo'o ana le da ñaxaalec, ỹataqta qaica ca naigui, qaq Ñim Lo'onatac 'Enauacna ỹasaxalec ca qauem. Qaq da pa'atec, nache ỹoqta qaỹavigaxat.

Génesis 3:18

Ana 'alhua ñaxaalec qome ana ỹotta'a't ỹaxat, nache qollectac qome ana huoue no'onaxa lashe.

Génesis 8:21

Qaq co'ollaq ivirot Ñim Nataxala', dam ỹataqta ama laitaỹaxac, nache 'enapeco': «Saishet qome da qaltaq she'eguelaxalec da sasaxalec ca qauem ỹa'aqtac ana 'alhua, souaxat nam qauem maye ỹo'otpi na shiỹaxauapi, cha'aye namayepi nache nacta'ai' co'ollaxa da iuennatega da ỹo'ot da qauem. Qataq nataqa'en saishet qome da qaltaq she'eguelaxa da ñelaxaañi 'enauac na shiguiỹacpi, da 'eeta'am de'era so'ot nagui.