Génesis 3:16 - La'aqtaqa Ñim Lo'onatac 'Enauacna 2013

¹⁶ Qataq 'enapega aso 'alo, 'eeta': «Ñequigaxatec qome da 'anque'eenaxac qom ivita da huo'o ca 'aỹa'alec, qataq ỹataqta huo'o da 'anqui'ic qom 'auco'o. Qalaxaye imalec qome da 'arauoche da 'arhua, qaq damaye 'am ilo'ogue qome.»

Génesis 3:16 Referans Kwoze

Tito 2:5

Nataqa'en ishet da ỹapaxaguenec na laỹepi 'alpi da huo'o ca ỹacoolec qalaq ỹataqta deuennataxaatelec qataq ilo'ogue da lataxac qataq ỹaỹaten da ilo'ogue da lmayaxac qataq ỹalaxaguet ca lhua. Yaqto' saishet da qauem ca na'aqtaguec da la'aqtac Ñim Lo'onatac 'Enauacna.

Colosenses 3:18

Qaq qami' 'alpi maye mashe qauaroñi, ỹataqta qaualaqaiguet ca qarhuai, cha'aye nachera da lataxac acam ỹa'amaqteetac So Qarataxala'.

1 Corintios 11:3

Qaq nagui sauotaique da qauaỹachiñi de'era: So Cristo huo'o da 'enec da ilotalec ca ỹale, 'eeta'am ca ỹale da huo'o naq 'enec da ilotalec aca lhua. Qaq nache 'eetec Ñim Lo'onatac 'Enauacna da ilotalec So Cristo.

1 Timoteo 2:15

Qalaxaye na 'alpi ishet da qanca'alaxatec da ỹataqta huelec da ntela'a da lco'oxoc, qataq da ỹa'amaqten So Jesucristo, qataq ỹataqta ỹauotec na laỹepi qataq huetaigui da ntela'a da lataxac qataq iqui'itaxatta da nachaalataxac.

1 Corintios 14:34

saishet da qaỹashenem na 'alpi da detaqa da huaigui ca naponaxac. Cha'aye na namaxasoxonaxacpi maye chegoqo'ot so Moisés 'eeta': Na 'alpi iuen da napaxaguena da ỹe'emaqta,

1 Corintios 7:4

Aca 'alo maye mashe huaron, acamaye saishet da lalamaxat da lo'ocỹaxac, nache 'ena'am ca ỹale. Cha'aye da huarona't, nache aca 'alo lalamaxat ca ỹale, qaq ca ỹale lalamaqte aca 'alo.

Juan 16:21

Aca 'alo da deco'otac, qalaq ỹataqta dachetata qataq lta'araic da nqui'ic. Qalaxaye da mashe ñiguiñi ca llalec, nache acamaye icoua'ai so nqui'ic, nache ndota't da ntonaxac, cha'aye nviraxata ca nogotolec ana 'alhua.

Génesis 4:7

Da 'auo'ot taxa ca ỹaỹamaqchiguiñi, qaq ishet taxa da 'anamatasheguem. Qalaxaye ye saishet da 'auo'ot, nache dam nasouaxashet mashe naỹamaxattai' da 'am loxonec qome. Qamaq 'am maye ishet taxa da 'oxonec damaye.»

Jeremías 6:24

Qaq na shiỹaxauapi maye hueta'a ye Jerusalén, 'eeta': «Qomi' mashe qomi' nviralo da qara'axaỹaxac, nache dam qarcolanaxa qaica ca qara'añaxac naqa'en, huo'o da qarachetataic qataq da qanqui'ic, shenaqta'am aca 'alo da deco'otapigui'.

Números 30:13

Qaq que'eca lhua acamaye ishet da sa ipaigui naqa'en cam ỹan la'aqtac acamaye, huo'otaq da ipacchigui naqa'en.

1 Ts 5:3

Cha'aye na shiỹaxauapi, qom 'eetega da 'enauac lactapiguiñi qataq saqca ca da, qataq saishet da ñe'etapigui', nache nvita namayepi ca nhuaxanaguec lta'araic, choche nque'elaxatta, 'eeta'am da nqui'ic aca 'alo hualaxai da ivita ye laloqo' da deco'o. Namayepi saishet da ỹet da nhuaxanaguec.

Ester 1:20

Qaq que'eca lataxac maye qalapaxañi, qalaq iuen da imauec na 'alhuapi maye 'aulotague' da ỹaỹaten 'am nta'a, yaqto' 'enauac na 'alpi da huo'o naq 'enec naqa'en na lhuapi, maicheye cam lataxac, choxoraq huo'otaq sallaxanec.

Jeremías 22:23

Qaq 'am nagui 'avi'imaqtac qonetangui na 'arpata'c, qonetangui na cedropi maye chegaqauga ye Líbano, ¡qalaxaye yaqta'a da huo'o ca 'anque'eenaxac qom 'am nvita ca 'anqui'ic, maye 'eeta'am da nqui'ic da nco'oxoc!»

Jeremías 13:21

Qaq ¿'eetec qome ca 'ara'aqtac 'am Jerusalén qom ivita da 'am ilo'ogue nam shiỹaxauapi maye maiche 'arapaxaguenatacpi co'ollaxa? Qaq 'am nvita qome ca 'anqui'ic maye 'eeta'am da nqui'ic aca 'alo da deco'otapigui'.

Isaías 21:3

Na ỹo'oc qalaq ỹataqta imauec da daỹalli, qataq ỹataqta ñeviitiguiñi da ñiqui'ic, sheeta'am aca 'alo da deco'otapigui', da ỹachetataic qalaq ỹo'ot da sa sa'aqa, qataq da ỹi'iỹaxa ỹo'ot da sa ñauaañi.

Isaías 13:8

Nache nlaxagui qome da lcolanaxa, qataq lta'araic da lachetataic qataq da nqui'ic, nache ncocateguiñi 'eeta'am aca 'alo da deco'otapigui', qaq ñi 'oonolec da ilota'a ñi lỹa qalaq ỹe'elaq, qataq napaqhuec na lashec souaxat da la'agaxa.

Jeremías 49:24

Ye Damasco mashe qaica ca la'añaxac, nache huotaique da datauec. Qalaq sa nalo'oguet da lta'araic lli'iỹaxa, laquicoxo, qataq da nqui'ic, 'eeta'am aca 'alo da deco'otac.

Jeremías 4:31

Aỹem sa'aqtega da na'alaxac souaxat da qui'ic, 'eeta'am aca 'alo da cheta'ague da deco'o, qalaxaye nacheye yem Sión da la'alaxac de'era, maye dachottac qataq ỹaatrauec naua lhua'q nache, 'eeta': ¡Choxoraxaso' aỹem! ¡Aỹem ỹalauat qome na laataxanaxaicpi!»

Isaías 53:11

Qaq qom ivirec ca lta'araic nque'eenaxac, nache ila'a ca yo'oqchiguiñi, huaña nache somaye ỹataqta machiguiñi da ỹaỹaten, qaq se'eso no'on da lataxac maye lamaxashec Ñim Nataxala' qalota qome na isouec cha'aye ỹache qome na lasouaxashetpi namayepi.

Salmos 48:6

Da lcolanaxa ỹataqta ỹalauat somayepi, nache huo'o da nqui'ic, 'eeta'am ana 'alo da deco'otapigui'.

1 Timoteo 2:13

Cha'aye Ñim Lo'onatac 'Enauacna hua'auchiguiñi co'ollaxa da ỹo'ot so Adán. Qaq co'ollaq ime, nache ỹo'ot aso Eva.

1 Crónicas 4:9

Qaq so Jabés ỹataqta ỹaquitcheguem co'ollaxa da la'amaqchec, napacalec so lqaỹañecpi, qaq aso late'e ỹanagui de'era ne'enaxat souaxato' da ỹataqta lta'araic da nqui'ic co'ollaq ñiguiñi somaye.