Génesis 3:11 - La'aqtaqa Ñim Lo'onatac 'Enauacna 2013

¹¹ Nache Ñim Lo'onatac 'Enauacna inat 'eeta': «¿Negue't ca 'am da'aqtaxanem da qouetauec? ¿Qollec peta'a ana ala ara qo'oipaq maye 'am shenapega co'ollaxa da sa qollec?»

Génesis 3:11 Referans Kwoze

Romanos 3:20

Da sepagaqtelec na namaxasoxonaxacpi, nache saishet da ỹa'axat da qaica ca qarasouaxashet da hueto'ot Ñim Lo'onatac 'Enauacna; cha'aye na namaxasoxonaxacpi ỹo'ot da qomi' saỹatenaqta da qomi' 'etaxaloxoiqa.

Génesis 4:10

Nache Ñim Nataxala', 'enapego' somaye, 'eeta': «¿Ta'ainco' da 'auo'ot de'era? Cha'aye naua ltago'q so 'arqaỹa, maye 'aucoreleguete ana 'alhua, aỹem ỹa'alaqto'oto da so'oteque ca nalochiguiñi lataxac.

Salmos 50:21

Qaq 'ena 'enauac na 'auo'otpi, qalaxaye aỹem she'emaqtom, qaq peta'a 'aupi'itaxaatega da 'am sheeta'am. Qalaxaye nagui ỹataqta 'am seviraxato'ot, nagui saỹamaxaayiñi naua 'arasouaxashe'ete.

Génesis 3:10

Nache so ỹale ỹasat, 'eeta': «'Am sa'aqta'aguet da 'aucoleetapeguelec na nanqa' ana nañiguishe, nache huo'o da icolanaxa, cha'aye sootauec. Ỹoqo'oye ñeqañoxooñi.»

Génesis 3:12

Nache so ỹale ỹasat, 'eeta': «Ara 'alo maye aỹem 'aỹa'anem da ñauegaxaua, aramaye aỹem ỹanem aso ala ara'ara qo'oipaq, nache aỹem sachec.»