Génesis 3:10 - La'aqtaqa Ñim Lo'onatac 'Enauacna 2013

¹⁰ Nache so ỹale ỹasat, 'eeta': «'Am sa'aqta'aguet da 'aucoleetapeguelec na nanqa' ana nañiguishe, nache huo'o da icolanaxa, cha'aye sootauec. Ỹoqo'oye ñeqañoxooñi.»

Génesis 3:10 Referans Kwoze

Génesis 2:25

Qaq so ỹale qataq aso 'alo, soomaye huetrauec co'ollaxa, qalaxaye soomaye saishet da ncoqta'ape.

Isaías 57:11

Qaq ¿negue't se'eso atamnaxala'pi maye 'añe'etega qataq 'avio'oxoreetac, da yaqto' aỹem qoca'ai qataq imauec da aỹem 'aucoua'ai? Co'ollaq saishet da aỹem 'avio'oxoreetac nache Aỹem choche ñe'emaxat, qataq 'eco' sa sauatonaxan.

Isaías 47:3

yaqto' qaimeten da 'aro'ocỹaxac maye huetauec, aja', ỹataqta imauec qome da qaỹauaachigui da 'aro'ocỹaxac qom qouetauec, cha'aye Aỹem sepalaique ivi', nache qaica ca sechoxoreetac.

Salmos 119:120

Da ỹo'ocỹaxac ỹataqta iviloxol souaxat da icolanaxa da qoneta, cha'aye huo'o naq 'enec ñaqa'en naua 'arqataxaco.

Da na'aqtaguec so Job 23:15

Qaq ỹoqo'oye ỹataqta huo'o da icolanaxa Ñimaye, qataq naxa da tachigui ye iuel, nache ỹataqta aỹem nlaqchigui da icolanaxa.

Éxodo 3:6

Nataqa'en 'enapega, 'eeta': «Aỹem maye Nachaỹem Natamnaxala' soua hua'au' 'arta'al. Nachaỹem Natamnaxala' so Abraham, Isaac qataq so Jacob.» Nache so Moisés, ỹapogui na lashec cha'aye ỹataqta huo'o da lcolanaxa da ỹamato'ot Ñim Lo'onatac 'Enauacna.

Isaías 33:14

Qaq ye Sión qalaq iviloxol na 'etaxaloxoicpi, na qauemaicpi qalaq nlaxagui da lcolanaxa, nache, 'eeta': «Dam shenaqta ¿negue't ca ishet da huetaigui nam norec maye dalaataxanapec, nam lta'araic norec maye chochaq tatec?»

Apocalipsis 16:15

Qaq ỹoqo'oye Ñim Nataxala' 'eeta' da la'aqtac: «Aỹem ñe'eguelaq qom saishet da Aỹem qaỹauotaique, sheeta'am ca cachaxaic da decache ye pe da huo'otaq saishet da qaỹauotaique. ¡Qaq Ñim Lo'onatac 'Enauacna ỹaalec da nqouagaxa cam nache 'eetai' da nlotauec qataq ỹaatrañi naua alogo da yaqto' saishet da qaỹauanalec da huetauec! ¡Qataq qaica ca ncoqtaique!»

Éxodo 32:25

Nache so Moisés co'ollaq ila'a da se'eso Israel le'ecpi qaica ca 'eco' ỹaueca'aguet, cha'aye so Aarón sa ỹaỹaten co'ollaxa da ilo'ogue somayepi. Nataqa'en tachigui lauel da huo'o qome da le'enaxanaxac so npa'aguenaxauapi se'eso nhuo' le'ecpi.

Génesis 3:7

Qaq huaña, nache soomaye ne'ettrec naua la'ai'te, qataq ntoue'n, nache ilora'a da huetrauec. Qaq huaña nache ỹo'o't aso higo laue da ỹauo'o lo'ola't.

Génesis 3:11

Nache Ñim Lo'onatac 'Enauacna inat 'eeta': «¿Negue't ca 'am da'aqtaxanem da qouetauec? ¿Qollec peta'a ana ala ara qo'oipaq maye 'am shenapega co'ollaxa da sa qollec?»

Éxodo 20:18

Qaq so Israel le'ecpi co'ollaq hua'aqchigui so nalataxa, qataq na l-lamaxa aso nasheerepi qataq ỹauaachigui so nqashelgaxa, qataq so lmala'q maye imattalec aso qasoxonaxa, nache ỹataqta huo'o da lcolanaxa, nache saishet da nquigueuo.

Éxodo 20:19

Huaña, nache 'enapega so Moisés, 'eeta': «Nache 'amta qome qomi' 'autaxaỹapegueto. Ime, qaq 'am salaxasoxoguet. Qalaxaye saishet qome da qomi' detaxaỹapegueto Ñim Lo'onatac 'Enauacna. ¡Ten, qom seleuaq!»

Deuteronómio 5:25

Qaq nagui, ¿ta'ainectoxo' da ishet da qarelem na lta'araic norec? Cha'aye da ỹoltaq ỹe'eguelaxalec da sa'axasoqchigui da lavilỹaxac Ñim Nataxala' maye Qanatamnaxala', nache seleuaq qome,

Da na'aqtaguec so Job 31:33

Qataq saishet da soxottañi ca ỹasouaxashet, da sheeta'am ca camachaqca shiỹaxaua qataq da nache 'eetai' da soxottapiguiñi ca ỹasouaxashet,