Génesis 29:9 - La'aqtaqa Ñim Lo'onatac 'Enauacna 2013

⁹ Qaq so Jacob co'ollaq ñaq detaqtague' somayepi, nache aso Raquel nviraxasom, no'ottalec aso qaguetapi maye lalo so lta'a, cha'aye asomaye nachaso aso ilotague' asomayepi.

Génesis 29:9 Referans Kwoze

Éxodo 2:21

Qaq co'ollaq deque'etac somaye, nache so Reuel 'enapega da nache hua'a ye lma' somaye, nache so Moisés ỹaỹamaxareeta. Qaq co'ollaq mashe qaỹoqteguelo soua na'axa'te nache so Reuel ỹanem so Moisés da lhua aso llale Séfora.

Génesis 24:15

Qaq ñaq saxanaxa co'ollaxa da imat da nqouagaxaunaxac, nache ila'aguet aso qaño'ole, ỹaatalec na lallac aso laco'oña 'alhua. Qaq asomaye nachaso aso Rebeca maye llale so Betuel, qaq so Betuel nacheso so llalec aso Milca qataq so Najor maye lqaỹa so Abraham.

Génesis 29:8

Qalaxaye somayepi, 'enapeco': «'A'i, saishet da shenaqtec de'era. Cha'aye seuataqa'a da 'enauac da laỹona't ana qaguetapi, qaq huaña nache ñeqataq ñim coma' maye lapoxot añi nshere, da yaqto' sanaxam na 'etaxat ana qaguetapi.»

Génesis 29:10

Qaq so Jacob co'ollaq choche ila'aguet aso Raquel asom llale so ntesoqo' Labán da no'ottalec aso qaguetapi maye lalo somaye, nache somaye nquigueua'a aso nshere da nqat so coma' maye lapoxot asomaye, nache nỹomaxan aso qaguetapi.

1 Samuel 9:11

Qaq co'ollaq mashe quetegueto som ñiguisheguem maye taỹasheguema som huaqta'a't nỹecpi, nache nateera'aguet so qa'ampi maye ñi'iguenaxaama na 'etaxat, nache inattraco' asomayepi, 'eeta': ¿Peta'a nachena ne'ena nam naña cam huo'oi naua l-loxoco?