Génesis 29:6 - La'aqtaqa Ñim Lo'onatac 'Enauacna 2013

⁶ Qaq so Jacob, qaltaq 'enapeco': «¿Peta'a qaica camachaqca da nachaalataxac camaxa?» Nache somayepi, 'enapeco': «Aja', ñi Labán, qaica camachaqca. Ña 'aula'a 'anacha'aguet anam llale Raquel no'ottalec ana lalo qaguetapi.»

Génesis 29:6 Referans Kwoze

2 Samuel 20:9

Nache so Joab ỹauota'a na aloiguishec lhuaq, da ỹacootec aso lqa' laue so Amasa, 'eeta'am naqa'en da huotaique napigoxoi', nache 'eeta': ¿Peta'a qaica ca machaqca 'am ỹaqaỹa?

1 Samuel 25:5

nache ỹama'q soua diez lamaxa'she nache, 'eeta': «Qanqo'oñiỹa qome ye Carmel, nache qauache da iquinaxanaxac maye taỹa'a ca Nabal.»

1 Samuel 17:22

Nache so David icotan so lla'ac, icotana'aguet so ilotague' so no'ogoxonaxatpi qataq so nallecpi, nache nqalgoqta'a so alleppi nache taigui da yaqto' ina't soua lqaỹa't, da qaica camachaqca da nachaalataxa'c.

Éxodo 18:7

Nache so Moisés jec da ca'atta'aguet so lacho'. Qaq co'ollaq ivireguet, nache ỹa'aldoto naua l-llecte somaye. Ime, nache napigoxoi'. Qaq co'ollaq ime da nquiitega't, nache tareua'a so npe'l.

Génesis 43:27

Nache so José ina't soomaye, da qaica camachaqca, qataq nataqa'en ina't soomaye, 'eeta': «¿Qaica peta'a camachaqca cam qarta'ai, cam ỹa'axaiquiolec maye aỹem qaua'axacheetapeguem caillaye? ¿Peta'a ñaq nca'altauec camaxa?»

Génesis 37:14

Nache so Israel, 'enapeco': «Hua', qojec qome, da yaqto' 'auaỹaten ca 'eetec caua 'arqaỹa't, qataq aca qaguetapi, qaq ime qome, nache 'añe'eguelaq da 'andoi' ca ỹa'axaỹaxac.» Nache so Israel ỹamaq so José, chegoqchiguiña naqa'en so ca'amegue ye Hebrón. Qaq so José co'ollaq ivita ye Siquén,

Génesis 29:7

Qaq huaña nache so Jacob, 'enapeco': «Nagui ña nalota't na na'a'q da qaỹapoua'a ana qaguetapi. Qaq ¿ta'ainco' da sa qanỹomaxañi anamayepi, qaq ime nache qaltaq qauaviqui da qauquia'axañi?»

Éxodo 2:16

Qaq se'eso na'a'q nache soua siete llale so Reuel maye ntaxaỹaxanaxanec ye Madián, soomaye naraxaama aso ñi'illoxoqui da yaqto' nỹoxosheguem so 'etaxat da nỹomaxan aso lalo qaguetapi so lta'a.