Génesis 29:4 - La'aqtaqa Ñim Lo'onatac 'Enauacna 2013

⁴ Nache so Jacob inattaco' som qagueta lo'opi, 'eeta': «¿Chaq hua'ague ca qauachegoqỹa'ague, qami' ỹaqaỹa't?» Nache somayepi 'enapeco': «Qomye qarma' ye Jarán.»

Génesis 29:4 Referans Kwoze

Génesis 28:10

Qaq so Jacob jec co'ollaxa chegoqchiguiña ye Berseba, nache quetegue so nqa'aic maye taỹa'a ye Jarán.

Génesis 27:43

Qaq ỹoqo'oye 'am ỹalcolec, ñaq aỹem 'ana'axaỹaxana, sa 'anaỹaloxon qome da 'auatauec, 'anqo'ona ye Jarán yem lma' ca ỹaqaỹa Labán.

Hechos 7:4

Nache so Abraham ca'ai ye 'alhua Caldea, nache taỹa ye Jarán da nalec. Qaq co'ollaq qaỹata'ague, nache so lta'a ileu, nache Ñim Lo'onatac 'Enauacna nauega so Abraham ne'ena 'alhua maye qoñiitalec nagui.

Hechos 7:2

Nache so Esteban 'enapeco': –Qami' ỹaqaỹarolqa, qataq qami' maye qauloitague' ne'ena 'alhua, ñaq aỹem qana'axaỹaxañiỹa. Ñim 'añaxaic maye Lo'onatac 'Enauacna nachaxana so hua'au qarta'a Abraham co'ollaq huaña ye 'alhua Mesopotamia, co'ollaq somaye saxanaxa da taỹa ye nỹecpi ye Jarán da naña.

Génesis 24:10

Qaq ime, nache ỹaconeua'alo soua diez aso cameellopi maye lalamaqte so na'aco', nache jec, qaq ỹache 'enauac som ỹataqta no'on nachetaqtaxanaxatpi maye chegoqo'ot so na'aco'. Qaq co'ollaq ivita ye Najor, maye huaigui ye 'alhua Mesopotamia,

Génesis 11:31

Qaq so Téraj, qalaq ca'ai co'ollaxa ye Ur, yem lma' na Caldeopi, da yaqto' nqo'ona ye 'alhua Canaán, qaq somaye ỹauec co'ollaxa so llalec Abram, qataq so laual Lot, qataq aso late Saraí. Qalaxaye co'ollaq ivitra ye 'alhua Jarán, nache neraña yemaye.

Génesis 29:3

Qaq aso qaguetapi naxa da 'enauac da laỹona't da hua'a yemaye, nache som ilotague'pi aso qaguetapi, nqaañi se'eso coma' da yaqto' nỹomaxan aso qaguetapi, qaq naxa da ime nache qaltaq ỹapogongui aso nshere.