Génesis 29:3 - La'aqtaqa Ñim Lo'onatac 'Enauacna 2013

³ Qaq aso qaguetapi naxa da 'enauac da laỹona't da hua'a yemaye, nache som ilotague'pi aso qaguetapi, nqaañi se'eso coma' da yaqto' nỹomaxan aso qaguetapi, qaq naxa da ime nache qaltaq ỹapogongui aso nshere.

Génesis 29:3 Referans Kwoze

Génesis 29:2

Qaq co'ollaq ivita so no'onaxa, nache ila'a aso nshere, qaq som saqaỹapeque asomaye nache hueta'a aso qaguetapi maye tres soua laponaqa'ate, cha'aye so shiguiỹacpi nache nỹomtapigui naxa asomaye. Qaq na alap asa'aso nshere huo'o so lapoxot coma' lta'araic.

Génesis 29:4

Nache so Jacob inattaco' som qagueta lo'opi, 'eeta': «¿Chaq hua'ague ca qauachegoqỹa'ague, qami' ỹaqaỹa't?» Nache somayepi 'enapeco': «Qomye qarma' ye Jarán.»

Éxodo 2:17

Qalaxaye anac so laỹe qagueta lo'opi, nache ỹo'orauec so qa'ampi. Nache anac so Moisés da iueelec asomayepi, qataq nache nỹomaxan aso lalo qaguetapi.

Jueces 5:11

¡Qana'axanñic da qarvilỹaxaqui, yaqto' hua'aqa nam pa'aỹauec maye hueta'a ana llimiaxañipi da nỹomaxaatac na na'atetpi, qaua'aqtaxañim da 'eetec da loxonaxanaxac Ñim Nataxala', qataq da loxonaxanaxac na alaataxaicpi Israel le'ecpi! Qaq na alleppi maye lalamaxat Ñim Nataxala' namayepi taỹaua'a ñi lasom na huaqta'a't nỹecpi.

Cantares 4:12

'Am ỹaqaỹole, maye 'am ñauonaxaua, 'am, qoneta'am ca qaỹapotaua'a nañiguishe lma', qataq aca qanpaxatteua'a 'etaxat laỹe', qataq ca ỹataqta qaỹapoteua'a npaxaatasheguem 'etaxat.

Génesis 29:8

Qalaxaye somayepi, 'enapeco': «'A'i, saishet da shenaqtec de'era. Cha'aye seuataqa'a da 'enauac da laỹona't ana qaguetapi, qaq huaña nache ñeqataq ñim coma' maye lapoxot añi nshere, da yaqto' sanaxam na 'etaxat ana qaguetapi.»