Génesis 28:7 - La'aqtaqa Ñim Lo'onatac 'Enauacna 2013

⁷ qataq da so Jacob jec taỹa ye Padán Aram, da ipacchigui naqa'en da la'aqtac so lta'a qataq aso late'e.

Génesis 28:7 Referans Kwoze

Colosenses 3:20

Qataq qami' ñaqpiolec, ỹataqta qaualaqaigueta caua qarta'alli', cha'aye damaye ỹataqta ỹaỹamaxareeta So Qarataxala'.

Efesios 6:3

yaqto' ỹataqta 'onaxaic da 'icỹaxac qataq logoraic da 'anachaalataxac da qonetalec ana 'alhua.»

Efesios 6:1

Qami' ñalaqpi qaualaqaiguet caua qarta'alli', cha'aye qami' lalamaqa'ate So Cristo, cha'aye damaye nachera da ỹataqta ỹaỹamaqchiguiñi da qaỹo'ot.

Proverbios 30:17

Qaq ca ỹe'enai' ca lta'a da iloto'ot, qataq saỹalaxaguet aca late'e da mashe ỹa'axaino'ole, camaye 'itchiguiñi da na teguesan che'c naua la'ai'te, qataq na vi'ic ỹauta camaye da ileu.

Proverbios 1:8

'Am ỹalcolec, ỹataqta 'ana'axaỹaxana qome ca lqataxac ca 'arta'a, qataq saishet da qoca'ai ca lapaxaguenataxanaxac aca 'arate'e,

Levítico 19:3

Ñi 'oonolec ỹataqta huo'o da 'enec naqa'en ca lta'a, qataq aca late'e. Qataq ỹataqta huo'o naq 'enec qanqa'eñi ye na'a'q mataxaqui, cha'aye Nachaỹem Nataxala' maye Qanatamnaxala'ai.

Éxodo 20:12

Huo'o naq 'enec 'anqa'en ca 'arta'a, qataq aca 'arate'e, yaqto' qaỹoqtec da 'anachaalataxac da qouetalec ana 'alhua maye 'am ỹami' Ñim Nataxala' maye 'Anatamnaxala'.

Génesis 27:43

Qaq ỹoqo'oye 'am ỹalcolec, ñaq aỹem 'ana'axaỹaxana, sa 'anaỹaloxon qome da 'auatauec, 'anqo'ona ye Jarán yem lma' ca ỹaqaỹa Labán.

Génesis 25:20

Qaq so Isaac mashe ivi' co'ollaxa soua cuarenta vi'iye, co'ollaq huaroneguet aso Rebeca, asom llale so Betuel, qataq lqaỹa so Labán som arameo maye netaña co'ollaxa ye Padán Aram.

Génesis 28:6

Qaq so Esaú ỹaỹaten co'ollaxa da so Isaac ỹasaxalec da lchoxonnataxanaxa so Jacob qataq ỹamaxague da Padán Aram da yaqto' laronqa'. Qataq nataqa'en ỹaỹaten da so lta'a co'ollaq ỹasaxalec da lchoxonnataxanaxa so Jacob, nache 'enapega da saishet da huaroneguet aca 'oonole 'alo maye lma' ye Canaán,

Génesis 28:8

Qaq huaña, nache so Esaú ỹaỹaten da so lta'a ỹataqta sa ỹaỹamaxaren so 'alpi maye lma' ye Canaán.