Génesis 28:3 - La'aqtaqa Ñim Lo'onatac 'Enauacna 2013

³ Qaq Ñim Lo'onatac 'Enauacna maye Qaica ca Ỹaqalanapec, 'am ỹasaxalec qome ca lchoxonnataxanaxa, qataq 'am ỹanem cam qalota maye 'am chegoxoguetpi, yaqto' nache 'am chegoqchigui qome ca qalota ỹotta'a't shiỹaxauapi.

Génesis 28:3 Referans Kwoze

Génesis 48:3

Nache 'enapega so José, 'eeta': «Ñim Lo'onatac 'Enauacna maye Qaica ca Ỹaqalanapec, aỹem nachaxana co'ollaq huaña ye huaqta'a't nỹecpi ye Luz yem huetaigui ye 'alhua Canaán, nache aỹem ỹaalec da lchoxonnataxanaxa,

Génesis 35:11

nache 'enapega 'eeta': «Aỹem nachaỹem So'otapecna maye Qaica ca Seqalanapec, qaq ỹataqta qalota qome ca 'aỹa'alaqpi qataq ca 'am chegoxoguetpi. Qaq nache 'am chegoqchigui qome ca ỹotta'a't shiỹaxauapi, qataq ca qalota nhuo' le'ecpi, qataq cam 'am chegoxoguetpi huo'o qome ca nta'alpi.

Génesis 13:16

Aỹem so'ot qome da ỹataqta qalota camayepi, 'eeta'am na lsoche na 'alhua. Qaq da 'eetec da saishet da qanaloqten na lsoche na 'alhua, qaq nache 'eetec qome da saishet da qanaloqten ca 'am chegoxoguetpi.

Génesis 9:1

Qaq Ñim Lo'onatac 'Enauacna, ỹanema de'era no'on la'aqtac so Noé qataq soua llalqa, 'eeta': «Ỹataqta qalota qome ca qaỹa'alqui, nache qanlaxachiitelec ana 'alhua.

Génesis 1:28

Ime, qaq ỹanema da no'on la'aqtac, 'eeta': «Ỹataqta qalota qome ca qaỹa'alquipi, qanlaxacheetelec ana 'alhua qataq qauloỹeegue, nataqa'en qauloỹeegue na nỹaq qataq na maỹo qataq 'enauac na shiguiỹacpi maye hualectapigui'.»

Génesis 43:14

Qaq Ñim Lo'onatac 'Enauacna maye Qaica ca Ỹaqalanapec, nacheñi qome ñi ỹanem que'eca ỹale da qami' ichoxore'n da yaqto' isouec cam lỹa qarqaỹai qataq ñi Benjamín. Qaq aỹem, da qaica ca ỹalec, qalaq nache 'ena'am ¡nalotañi da qaica ca ỹalec!»

Génesis 41:52

Qaq so dalaxaic llalec qalaq ỹanagui da le'enaxat Efraín, cha'aye 'enapeco': «Ñim Lo'onatac 'Enauacna aỹem ỹanem da huo'oi naua ỹalqa, huaña ne'ena 'alhua maye huaña da ñeque'eenaxac.»

Génesis 24:60

Nache qoỹaalec so no'on na'aqtac aso Rebeca, maye 'eeta': «'Am qarqaỹole, ¡nache'am qome, da 'am late'e ca ỹataqta qalota shiỹaxauapi! ¡Cam 'am chegoxoguetpi qalaq loxonec qome cam huaqta'a't nỹecpi maye lalamaxat ca npa'aguenaxauapi!»

Apocalipsis 21:22

Qalaxaye saishet da huo'o aca sela'a no'onaxanaxaqui se'eso nỹecpi, cha'aye Ñim Lo'onatac 'Enauacna maye Nataxala' maye qaica ca ỹaqalanapec, Ñimaye nacheñi ñi 'eeta'am da no'onaxanaxaqui, nataqa'en Ñim Qagueta Llalec.

2 Corintios 6:18

Yaqto' Nachaỹem maye Aỹem Qarta'ai. Qaq qami', qalaq qami' ỹalqa qataq qami' ỹalel. Qaq 'era dam shenapec, Aỹem Nataxala' maye qaica ca seqalanapec.»

Salmos 127:3

Nam qoyalaqpi, namayepi qomi' ỹaatema Ñim Nataxala', da alaỹaxac da qarco'oxoc damaye nachera da qanqouagaxa.

Éxodo 6:3

Ñachaxana co'ollaxa so Abraham, Isaac qataq so Jacob, qaq da ỹe'enaxat 'eeta': Atamnaxala' maye Qaica ca Ỹaqalanapec. Qalaxaye saishet da saỹaanaxanaxanec co'ollaxa soomaye da ỹataqta ỹe'enaxat maye Nataxala'.

Salmos 127:1

Ñim Nataxala' da sa no'oxoosheguem ca nỹec, nache qaica ca naigui da lo'onataxanaxac cam no'oxooteguisheguem camaye, Ñim Nataxala' da saishet da npaxattalec ca huaqta'a't nỹecpi, nache qaica ca naigui da sa do'oche cam nauaatalec camaye.

Génesis 17:20

Qaq nataqa'en mashe 'am sa'aqtega da 'auquicteguelec ñi Ismael, qaq ñimaye nataqa'en saalec qome da ichoxonnataxanaxa, qaq so'ot qome da qalota ca llalaqpi, qataq nquictauec qome cam chegoxoguetpi. Qaq ñi Ismael, nacheñi qome ñi lta'a caua doce nataxala'ate maye 'amaqtaqaiqa, qataq so'ot da nache chegoqchigui qome ñimaye ca qalota shiỹaxauapi.

Génesis 26:4

Qaq so'ot qome da ỹataqta qalota, ca 'am chegoxoguetpi, 'eeta'am ana huaqaañipi maye neto'ot na piguem, qataq sanem qome camayepi, 'enauac ne'ena 'alhua. Qaq nataqa'en nam ỹotta'a't shiỹaxauapi maye netalec ana 'alhua, huo'o qome da nchoxonnataguec, chegoqchigui cam 'am chegoxoguetpi,

Génesis 26:24

Qaq nacheso, se'eso pe da Ñim Nataxala', nachaxana somaye, nache 'enapega, 'eeta': «Aỹem, nachaỹem Natamnaxala' so 'arta'a Abraham. Saishet qome da 'añi'i, aỹem 'am soota'aguet. Qaq souaxat so ỹamaxashec Abraham, nache 'am saalec qome da ichoxonnataxanaxa, qataq qalota ñaqa'en ca 'am chegoxoguetpi.»

Génesis 27:33

Nache so Isaac ỹataqta ỹe'elaq, nache iviloxo'l naua la'aqtaqa co'ollaq 'enapec: «Qaq ¿negue'to' qone' som ne'epe co'ollaxa, som aỹem ndoua'a so lhuoshec? Qaq aỹem mashe ime dam iquia'axac, co'ollaq saxanaxa da 'anvireuo, qataq mashe sasaxalec somaye so ichoxonnataxanaxa, qaq nagui somaye mashe huo'o da nchoxonnataguec.»

Génesis 48:4

qaq 'eeta' da la'aqtac: ‹Aỹem 'am sanem qome da ỹataqta qalota ca 'aỹa'alaqpi, qataq cam 'am chegoxoguetpi chegoqchigui qome ca ỹotta'a't shiỹaxauapi. Qaq nataqa'en que'eca 'am chegoxoguetpi sanem qome ne'ena 'alhua, nache chochaq tatec qome da lalamaxat.›

Génesis 49:25

¡Sanot da ña'achec Ñim Natamnaxala' na 'arta'a, Ñim 'am itauan qome, Ñim Qaica ca Ỹaqalanapec, maye 'am ỹaalec qome da lchoxonnataxanaxa! ¡Ñim 'am ỹanem qome da 'achecỹaxac maye chegoqo'ot na qaỹoqotcheguemec piguem! ¡dam 'achecỹaxac maye chegaqangui aso qaỹoqchiguingui auaxai! ¡dam 'achecỹaxac da nco'oxoc qataq da qaillepec aca nate'e!

Éxodo 1:7

qalaxaye so Israel le'ecpi huo'o da lco'oxoc qataq mashe qalota na llalaqpi, nache nquictauec ye lcata ivitta'a da ỹataqta 'añaxaicpi. Nache yi'iye 'alhua ỹataqta nlaqtelec somayepi co'ollaxa.

Rut 2:4

Qaq huaqchigui co'ollaxa da se'eso na'a'q nvirec so Booz, chegaqaua'a ye Belén, nache somaye iquin so deqataxaatacpi, 'eeta': ¡Qami' hueta'agueta qome Ñim Nataxala'! Nache somayepi ỹasateguet somaye, 'eeta': ¡Da lchoxonnataxanaxa Ñim Nataxala', 'am huetalec qome!