Génesis 28:2 - La'aqtaqa Ñim Lo'onatac 'Enauacna 2013

² Qojec qome, 'anqo'ona ye Padán Aram yem lma' ca 'arapi' Betuel, qaq huaña qome yemaye nache 'auaroneguet aca 'oonole llale ca 'antesoqo' Labán.

Génesis 28:2 Referans Kwoze

Génesis 25:20

Qaq so Isaac mashe ivi' co'ollaxa soua cuarenta vi'iye, co'ollaq huaroneguet aso Rebeca, asom llale so Betuel, qataq lqaỹa so Labán som arameo maye netaña co'ollaxa ye Padán Aram.

Oseas 12:12

Qalaxaye so Jacob, ỹe'eguena co'ollaxa ye 'alhua Aram, qaq nache huaña yemaye da ilotague' aso qaguetapi, da do'onataxaateguelec da lasheechiỹaxac aso lhua.

Génesis 46:15

Qaq 'eso som llalaqpi aso Lea co'ollaq deco'oiguet so Jacob co'ollaq huetra'a ye Padán Aram, qataq nataqa'en aso llale Dina. Qaq da ima'a't 'enauac se'eso llalaqpi ỹalleppi qataq 'alpi, nache ivi' treinta y tres shiỹaxauapi.

Génesis 35:9

Qaq so Jacob co'ollaq ñe'eguelaq, chegaqa'a ye Padán Aram, nache Ñim Lo'onatac 'Enauacna qaltaq nachaxana somaye, nache ỹasaxalec da lchoxonnataxanaxa,

Génesis 32:10

qaq aỹem, ỹataqta saq saiguet da 'arauotaxanaqtaic qataq 'artelaxa da sheeta, cha'aye co'ollaq sa'axasoxoolec aso tala Jordán, nache qaica ca lỹa sachetac, nachaqanata ana ỹashelte. Qaq nagui qalaq sevira'a da dos naua lma'ate na ñenaictague'pi.

Génesis 28:5

Qaq 'era da 'eetec so Isaac, da ỹamaxa co'ollaxa so Jacob ye Padán Aram, yem lma' so Labán som llalec so Betuel, som arameo maye lqaỹa aso Rebeca asom late'e so Jacob qataq so Esaú.

Génesis 24:50

Qaq huaña, nache so Labán qataq so Betuel, ỹasatreguet somaye, 'eeta': «'Enauac de'era 'aua'axattac chegoqtot Ñim Nataxala', qaq qomi' sa seshetaq da shenaqta', aja', huo'otaq da saishet.

Génesis 24:29

Qaq asomaye huo'o so lqaỹa le'enaxat Labán. Qaq somaye jec, nqalgoqtaxaama aso nshere da ỹe'eguenaxaama se'eso ỹale,

Génesis 24:10

Qaq ime, nache ỹaconeua'alo soua diez aso cameellopi maye lalamaqte so na'aco', nache jec, qaq ỹache 'enauac som ỹataqta no'on nachetaqtaxanaxatpi maye chegoqo'ot so na'aco'. Qaq co'ollaq ivita ye Najor, maye huaigui ye 'alhua Mesopotamia,

Génesis 31:18

Qaq ime, nache cot 'enauac so na'atetpi, qataq so lalopi maye chegaqaigui da lo'onataxanaxac co'ollaq hueta'a ye Padán Aram, nache ỹe'eguelaxa so lta'a Isaac, maye netaña ye 'alhua Canaán.

Génesis 29:1

Qaq so Jacob, qaltaq jec da nqo'ona ye na'alhua som nala' lliguisheguem le'ecpi.

Génesis 33:18

Qaq so Jacob, co'ollaq chegaqa'a ye Padán Aram, nache co'ollaq ivita ye Canaán qalaq no'oitom, qataq qaica camachaqca da nachaalataxac, nache nalec yem datatta ye huaqta'a't nỹecpi le'enaxat Siquén.

Génesis 24:4

nacherata da 'anqo'ona qome yem ña'alhua, nache 'alca'aique aca lhua ñimaye, 'auachegoxotaigui yem 'alpi maye maiche ihuo' lashepi.»

Oseas 12:13

Qaq Ñim Nataxala' ỹachegoxotchigui so 'oonolec na'aqtaxanaxanec, da nqateeguesop ye Egipto na Israel le'ecpi, qataq do'ogoxona so 'oonolec na'aqtaxanaxanec da ilotague' namayepi.