Génesis 28:19 - La'aqtaqa Ñim Lo'onatac 'Enauacna 2013

¹⁹ Qaq se'eso 'alhua, huo'o co'ollaxa so huaqta'a't nỹecpi maye le'enaxat Luz, qalaxaye so Jacob naralaxat da le'enaxat, nache ỹanagui Betel.

Génesis 28:19 Referans Kwoze

Génesis 48:3

Nache 'enapega so José, 'eeta': «Ñim Lo'onatac 'Enauacna maye Qaica ca Ỹaqalanapec, aỹem nachaxana co'ollaq huaña ye huaqta'a't nỹecpi ye Luz yem huetaigui ye 'alhua Canaán, nache aỹem ỹaalec da lchoxonnataxanaxa,

Génesis 35:1

Qaq Ñim Lo'onatac 'Enauacna 'enapega so Jacob, 'eeta': «'Anaỹamaxat qome, da yaqto' 'anqo'ona ye Betel nache qonaña yemaye. Qaq huaña qome yemaye, nache 'auo'ot aca 'arca'atoxonaxalate da lalamaqte Ñim Lo'onatac 'Enauacna, Ñim 'am nachaxana co'ollaq 'ettapeguem so 'arqaỹa Esaú.»

Oseas 4:15

Qaq 'am Israel, da 'anquishishi, qaq no'on da saishet da ivira'a ye Judá, da huo'o ca lasouaxashet. Qaq saishet qome da qanqo'oñiỹa ye Gilgal, qataq da qa'aisheguema ye Bet Avén, qataq da qaỹa'añi ca qara'aqtaqui da qoñeeta': «Nca'altauec Ñim Nataxala'.»

1 Reyes 12:29

Ime, nache so 'oonolec ỹanaña ye Betel, qaq so lỹa qalaq ỹanaña ye Dan.

Génesis 12:8

Qaq nache chegoqchiguiña yemaye co'ollaq jec da nqo'ona ye 'alhua maye huaña ana qasoxonaxapi, maye pa'aigue da nala' lliguisheguem ye Betel, qaq huaña yemaye, nache ỹa'ayiñi so lpe'l. Qaq ye Betel qalaq pa'aỹa'ague da avit yem naña co'ollaxa somaye, qaq ye Hai qalaq pa'aỹa'ague da nala' lliguisheguem. Qaq huaña yemaye, nache so Abram qaltaq no'oxoosheguem aso lỹa lca'atoxonaxalate, da yaqto' natamnot Ñim Nataxala'.

Génesis 28:11

Qaq co'ollaq huo'o so ivita 'alhua, nache hua'a somaye da lo'ochaqa' se'eso pe, cha'aye aso nala' mashe inoxooñi. Nache ỹacona da na'axaalec so 'oonolec som coma'pi maye hueta'a yemaye, nache nnaañi da do'oche.

Génesis 31:13

Aỹem Nachaỹem So'otapecna maye 'am ñachaxana co'ollaq huaña ye Betel, yem huaña co'ollaxa da 'aucorelec so aceite so coma', qataq huaña da Aỹem 'aỹa'anot so 'ara'aqtac. Qaq ña qoñisheguem qome, nache qoca'ai ne'ena 'alhua; 'avi'eguelaxa ye 'alhua maye 'arañoqo' co'ollaxa.›»

Génesis 35:6

Nache so Jacob, qataq 'enauac so shiỹaxauapi maye nnaictague' somaye ivita ye Luz, yem huaqta'a't nỹecpi maye nataqa'en le'enaxat Betel, maye huaigui ye 'alhua Canaán.

Génesis 35:14

nache so Jacob ỹacona so coma', nache nachalataxaañi, ỹaachiguiña yem huaña co'ollaq detaqtague' Ñimaye. Qaq ime, nache icorelec somaye so aceite, qataq so lataxa,

Génesis 35:15

nache ỹanagui da le'enaxat Betel yi'iye 'alhua.

Josué 8:12

Nache so Josué nqañoxooñi naqa'en so cinco mil alleppi, ñichiguiña naqa'en na laiñi ye Betel qataq ye Ai, yem pa'aỹa'ague da avit so huaqta'a't nỹecpi.

Josué 18:13

Qaq queta, ivitta'a ye Luz maye da lỹa le'enaxat Betel, yem pa'aỹa'ague da la'añaxa, nache naỹaña ye Atarot Adar, maye naña añi qasoxonaxa maye pa'aỹa'ague da la'añaxa ye pa'aguiñi ye Bet Jorón.

1 Samuel 7:16

qataq 'enauaque naxa naua vi'iye da nqo'ona ye Betel, Gilgal qataq ye Mispá, da yaqto' ỹaỹamaxaañi 'enauac nam 'eetapeguecpi so Israel le'ecpi maye netalec yi'iye 'alhua.

1 Samuel 10:3

Qaq qom qaltaq qojec, nache da mashe 'avita ara qo'oipaq encina maye naña ye Tabor, nache qaltaq 'anateetegueta caua tres ỹale't maye tairasheguema ye Betel da yaqto' ỹo'oxore'n Ñim Lo'onatac 'Enauacna. Qaq ca 'oonolec caamaye ỹacheta'ape caua tres quetaq, qaq ca lỹa ỹacheta'ape caua tres nauole 'ayiiña, qaq ca lỹa qalaq ỹachetac aca lo'oc huetagui ca lataxa.

Génesis 35:7

Qaq huaña yemaye, nache ỹo'ot aso lca'atoxonaxalate, nache yi'iye 'alhua ỹanagui da le'enaxat El Betel, cha'aye co'ollaq 'ettapeguem so lqaỹa, nache Ñim Lo'onatac 'Enauacna, nachaxana somaye co'ollaq huaña yi'iye 'alhua.

Josué 16:2

Qataq chegoqchiguiña ye Betel, maye da lỹa le'enaxat Luz, nache nlectelec 'enauac ye na'alhua so arquiitapi, nache ivitta'a ye Atarot.

Jueces 20:26

Nache 'enauac so Israel le'ecpi qataq so nalleppi ỹoltaq ỹe'eguelaxa ye Betel, da qaltaq nỹeeto'ot Ñim Nataxala', nache imauec se'eso na'a'q da nqouaqchet somayepi, qataq ỹanot Ñim Nataxala' aso lachetaqtaxanaqte qaỹavigaxatta, qataq aso lachetaqtaxanaqte maye qanhuaachigui.

2 Reyes 2:2

Qaq so Elías, 'eetego' co'ollaxa so Eliseo, 'eeta': Nache qoueta'a taxa ne'ena, cha'aye Ñim Nataxala' aỹem ỹamaxague da Betel. Qalaxaye so Eliseo, 'enapeco': Aỹem sanot da ỹa'aqtac Ñim Nataxala' maye nca'altauec, qataq 'am, da saishet da 'am seỹotec. Huaña nache soomaye nnaicapega't co'ollaxa, nache choche ivittra'a ye Betel.

2 Crónicas 13:19

Qaq so Abías, nache queto'ot da icogaxaatac so Jeroboán, nache deuotaxanec so huaqta'a't nỹecpi maye ỹotta'a't naua nañalo ye Betel, Jesana qataq ye Efraín, nache lỹaueegue' naqa'en so lauoreuapi nma'piolec se'eso huaqta'a't nỹecpi.