Génesis 28:18 - La'aqtaqa Ñim Lo'onatac 'Enauacna 2013

¹⁸ Qaq so lỹa na'a'q, nache so Jacob ñisheguem co'ollaq ña nte'etom, nache ỹacona so coma' maye na'axaatalec co'ollaxa so pe, nache nachaalataxaañi, ime nache icorelec somaye so aceite.

Génesis 28:18 Referans Kwoze

Génesis 35:14

nache so Jacob ỹacona so coma', nache nachalataxaañi, ỹaachiguiña yem huaña co'ollaq detaqtague' Ñimaye. Qaq ime, nache icorelec somaye so aceite, qataq so lataxa,

Génesis 31:45

Qaq huaña nache so Jacob ỹacona so coma', nache nachaalataxaañi,

Génesis 35:20

Qaq so Jacob ỹa'ayiñi co'ollaxa so coma', ỹanalec aso nhuachiqui asomaye. Qaq se'eso coma' nache la'anaxat aso nhuachiqui aso Raquel, choche ivitta'a nagui.

Génesis 31:13

Aỹem Nachaỹem So'otapecna maye 'am ñachaxana co'ollaq huaña ye Betel, yem huaña co'ollaxa da 'aucorelec so aceite so coma', qataq huaña da Aỹem 'aỹa'anot so 'ara'aqtac. Qaq ña qoñisheguem qome, nache qoca'ai ne'ena 'alhua; 'avi'eguelaxa ye 'alhua maye 'arañoqo' co'ollaxa.›»

Isaías 19:19

Qataq que'eca na'a'q, huo'o qome aca nca'atoxonaxalate da lalamaqte qanqa'en Ñim Nataxala', ñichiguingui na laiñi ye 'alhua Egipto, qataq ye sa qaỹapeque ye loga't yi'iye 'alhua, nache naña qome aca qano'oxoosheguem coma' da yaqto' qaỹo'oxoren Ñim Nataxala'.

Eclesiastés 9:10

Qataq 'enauac nam ishet da 'auo'ot, qalaq ỹataqta 'anasapattelec qome da 'auo'ot, cha'aye añi huachiqui maye 'aỹa'a, qaica ca no'onataxanaxac, qataq qaica ca qaiuennatega da qaỹo'ot, qataq qaica ca nauattonaxanaxac qataq ca naỹaanec.

Salmos 119:60

Nache ỹataqta seỹalapigui', saishet da ñaỹaloxon, da yaqto' sepacchiguilo naua 'aramaxasoxonaxaco.

2 Samuel 18:18

Qaq co'ollaq ña nca'altauec so Absalón, nache nauaxaỹaxaasheguem co'ollaxa so coma' da yaqto' sa qaicoua'ai somaye, naña naqa'en so ca'amapega't maye lalamaxat so nta'a, qataq ỹanagui da maiche le'enaxat somaye, cha'aye somaye qaica ca llalec. Qaq nache ivitta'a nagui da le'enaxat «Añi ncoma' so Absalón.»

1 Samuel 7:12

Qaq co'ollaq ime, nache so Samuel ỹacono' so 'oonolec coma' nache ỹananguilo yeua Mispá qataq ye Sen, nache ỹanagui da le'enaxat Ebenezer, cha'aye 'enapeco': «Choche ivitta'a nagui da Ñim Nataxala' ña qomi' itauaata'ape.»

Números 7:1

Qaq so Moisés co'ollaq ime da nauaxaỹaxaasheguem so npe'l, nache icorelec so ncoraxanaxat aceite da yaqto' ỹaneuo, lỹateuo naqa'en 'enauac so no'onataxanaxatpi, nataqa'en icorelec aso nca'atoxonaxalate.

Génesis 22:3

Qaq so nte'etom so lỹa na'a'q, nache so Abraham ñesheguem, nache ỹo'oolec so lalo 'ashena, qataq iquesoq so qo'oipaqpi da yaqto' lalonaxat acam lachetaqtaxanaqte, nache jec da nqo'ona so 'alhua maye ỹachaxana Ñim Lo'onatac 'Enauacna, qaq nache lỹatac so Isaac, qataq soua dos lamaxa'she.

Génesis 28:11

Qaq co'ollaq huo'o so ivita 'alhua, nache hua'a somaye da lo'ochaqa' se'eso pe, cha'aye aso nala' mashe inoxooñi. Nache ỹacona da na'axaalec so 'oonolec som coma'pi maye hueta'a yemaye, nache nnaañi da do'oche.

Josué 4:9

Qaq nataqa'en so Josué nauaxaỹaxaasheguem co'ollaxa soua doce lỹa't coma'ye, vichiguingui naqa'en ye laiñi so tala, yem nachattraña co'ollaxa soua ntaxaỹaxanaxanaqa maye ỹachetrac aso arca maye laỹe' da aỹamaxataxac. Qaq se'esoua coma'ye ñaq netraña nagui yemaye.

Génesis 21:14

Qaq so lỹa na'a'q, nache no'ottasheguem so Abraham, nache ỹanem aso Agar aso nauole, qataq aso lo'oc maye lỹoxoso huetagui so 'etaxat, nache ỹacheleguete naua lallaco, qataq ỹanem asomaye so nogotolec Ismael, qaq ime nache 'enapega da jec. Qaq asomaye jec, qalaq saỹaỹaten ca dataigue, nache chochaq coleetapeguelec ye toolec 'alhua ye Berseba.